అన్వేషించండి

Akhanda Title Song: ఖం... ఖం... ఖంగుమంది 'అఖండ' శంఖం! ధర్మభేరి శబ్దం... చెయ్యమంది యుద్ధం!

నటసింహం నందమూరి బాలకృష్ణ, దర్శకుడు బోయపాటి శ్రీను కలయికలో రూపొందుతున్న హ్యాట్రిక్ సినిమా 'అఖండ'. ఈ రోజు టైటిల్ సాంగ్ విడుదల చేశారు.

By : ABP Desam | Updated at : 08 Nov 2021 02:06 PM (IST)

Do you Know Nandamuri Balakrishna's latest movie Akhanda Title song Speciality? Akhanda Title Song: ఖం... ఖం... ఖంగుమంది 'అఖండ' శంఖం! ధర్మభేరి శబ్దం... చెయ్యమంది యుద్ధం!

'అఖండ'లో బాలకృష్ణ

నట సింహం నందమూరి బాలకృష్ణను అభిమానులు కోరుకొనే విధంగా చూపిస్తూ... అన్ని వర్గాల ప్రేక్షకులు మెచ్చే విధంగా సినిమాలు తీసే దర్శకుడు బోయపాటి శ్రీను. 'సింహ', 'లెజెండ్' సినిమాలు గానీ... వాటిలో ఫ్లాష్ బ్యాక్ ఎపిసోడ్స్ గానీ ఎంత పెద్ద హిట్ అయ్యాయనేది ప్రేక్షకులు అందరికీ తెలుసు. ఇప్పుడు 'అఖండ'లో కూడా అటువంటి ఎపిసోడ్ ఒకటి ఉంది. తొలుత విడుదల చేసిన టీజ‌ర్‌లో బాలకృష్ణను మాస్ హీరోగా చూపించిన బోయపాటి శ్రీను... నుదుట నామాలు, చేత త్రిశూలంతో అఘోరా కింద మరో కోణంలో చూపించిన సంగతి తెలిసిందే. 'అఖండ' టైటిల్ సాంగ్ లో అఘోరాగా కనిపించారు.

భం అఖండ.. భం భం అఖండ...🔥🔥

The Roaring🦁 Mass Anthem of the year #AkhandaTitleSong Out now 💥

▶️ https://t.co/3PHoSw8rGp #Akhanda #AkhandaMusicalRoar #BB3 #NandamuriBalakrishna #BoyapatiSreenu @ItsMePragya @MusicThaman #MiryalaRavinderReddy @dwarakacreation @LahariMusic pic.twitter.com/pMCJaBeklE
— Dwaraka Creations (@dwarakacreation) November 8, 2021

'ఖం... ఖం... ఖంగుమంది 'అఖండ' శంఖం! కడగమంది పంకం! చావుకైన జంకం! ధం... ధం... ధర్మభేరి శబ్దం! చెయ్యమంది యుద్ధం! దేనికైన సిద్ధం' అంటూ మొదలైన 'అఖండ' టైటిల్ సాంగ్‌ ఆద్యంతం శక్తివంతమైన పదాలతో సాగింది. అనంత శ్రీరామ్ ఈ పాటను రాశారు. సంగీత దర్శకుడు ఎస్.ఎస్. తమన్... అందుకు తగ్గట్టు సంగీతం సమకూర్చారు. ఈ పాట ప్రత్యేకత ఏంటంటే... ప్రముఖ గాయకుడు శంకర్ మహదేవన్, ఆయన ఇద్దరు కుమారుడు సిద్ధార్థ్ మహదేవన్, శివమ్ మహదేవన్ కలిసి పాడటం!

బాలకృష్ణకు జోడీగా ప్రగ్యా జైస్వాల్ నటించిన ఈ సినిమాను ద్వారకా క్రియేషన్స్ పతాకంపై మిర్యాల రవీందర్ రెడ్డి నిర్మిస్తున్నారు. చిత్రీకరణ పూర్తయింది. ప్రస్తుతం నిర్మాణాంతర కార్యక్రమాలు జరుగుతున్నాయి. త్వరలో విడుదల తేదీ ప్రకటించనున్నారు.