అన్వేషించండి

'Pushpa'Release Date: రూమర్స్ కి ఫుల్ స్టాప్ పెట్టేసిన 'పుష్ప' టీమ్, రిలీజ్ డేట్ ఫిక్స్ చేసేశారు

'పుష్ప' సినిమా వాయిదా పడుతుందేమో అనే సందేహానికి ఫుల్ స్టాప్ పెట్టేసింది మూవీ టీమ్. తగ్గేదే లే అంటూ రిలీజ్ డేట్ ఎనౌన్స్ చేసేశారు.

By : ABP Desam | Updated at : 02 Oct 2021 10:38 AM (IST)

pushpa

అల్లు అర్జున్-సుకుమార్ కాంబినేషన్లో రూపుదిద్దుకుంటోన్న 'పుష్ప' సినిమా రెండు భాగాలుగా ప్రేక్షకుల ముందుకు రానుంది. పాన్ ఇండియా లెవల్లో రూపొందుతున్న ఈ మూవీలో రష్మిక మందన్నా హీరోయిన్. ఈ చిత్రానికి దేవీ శ్రీ ప్రసాద్ సంగీతం అందిస్తుండగా.. భారీ బడ్జెట్‏తో ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్నారు. ఇక చాలా కాలం తర్వాత బన్నీ- సుకుమార్ కలయికలో వస్తున్న సినిమా కావడంతో 'పుష్ప' పై అంచనాలు భారీగానే ఉన్నాయి. ఇప్పటికే ఈ మూవీ నుంచి విడుదలైన పోస్టర్స్, గ్లింప్స్ మంచి రెస్పాన్స్ వచ్చింది. ఇక ఈ సినిమాను క్రిస్మస్ కానుకగా.. తెలుగు, హిందీ, తమిళ్, మలయాళం, కన్నడ భాషలలో విడుదల చేయబోతున్నట్లుగా గతంలోనే ప్రకటించారు మేకర్స్. ఫస్టు పార్టుకు సంబంధించిన చిత్రీకరణ 90 శాతం వరకూ పూర్తి చేశారు. మిగతా 10 శాతం చిత్రీకరణలో ఈ సినిమా టీమ్ బిజీగా ఉంది. వాస్తవానికి సెప్టెంబర్లోనే అదికూడా పూర్తికావాల్సి ఉన్నప్పటికీ ఇటీవల వర్షాల కారణంగా ఆలస్యమైంది. దీంతో ఈ సినిమా విడుదల వాయిదా పడుతుందేమో అనే చర్చ జరిగింది. దీంతో సినిమా విడుదల విషయంలో స్పష్టత ఇచ్చేందుకు రంగంలోకి దిగిన మేకర్స్ డిసెంబర్ 17వ తేదీన విడుదల చేయనున్నట్టుగా ఒక అధికారిక ప్రకటన చేస్తూ రిలీజ్ డేట్ తో కూడిన ఒక పోస్టర్ వదిలారు.

This December, Theatres will go Wild with the arrival of #PushpaRaj 🔥#PushpaTheRise will hit the Big Screens on DEC 17th.#PushpaTheRiseOnDec17 #ThaggedheLe 🤙@alluarjun @iamRashmika #FahadhFaasil @Dhananjayaka @aryasukku @ThisIsDSP @adityamusic @MythriOfficial pic.twitter.com/qkDSOM41G9
— Pushpa (@PushpaMovie) October 2, 2021

'పుష్ప' సినిమాకి సంబంధించి బన్నీ ఫస్ట్ లుక్ తోనే అందరిలోనూ ఓ రకమైన ఉత్కంఠ రేకెత్తించారు. ఫస్ట్ లుక్, సాంగ్స్, పోస్టర్స్ అన్నీ సోషల్ మీడియాలో దుమ్ములేపుతున్నాయి. రీసెంట్ గా విడుదలైన రష్మిక లుక్ ఆకట్టుకుంది. రష్మిక శ్రీవల్లి అనే పాత్రలో కనిపించనుంది. అమ్మడు డీ గ్లామర్ రోల్ పోషిస్తోందని తెలిసినప్పటికీ పోస్టర్ తో మరింత క్లారిటీ ఇచ్చింది మూవీ యూనిట్. పట్టు చీర కట్టుకుని చెవులకు దిద్దులు పెట్టుకుంటున్న లుక్.. పల్లె పడుచు భంగిమలో భలే ఉంది.

#Srivalli song release works in progress! More details soon ❤️🎶😍#SoulmateOfPushpa #PushpaTheRise #ThaggedheLe #Pushpa @alluarjun @iamRashmika #FahadhFaasil @aryasukku @ThisIsDSP @resulp @adityamusic @PushpaMovie pic.twitter.com/sigDgenvxY
— Mythri Movie Makers (@MythriOfficial) September 29, 2021

మలయాళ నటుడు ఫహాద్ ఫాజిల్ విలన్ గా నటిస్తున్నాడు. ఈ సినిమాలో సునీల్ కూడా నెగెటివ్ షేడ్స్ ఉన్న రోల్ చేశాడనేది మరింత ఇంట్రెస్టింగ్ టాపిక్ గా మారింది. జగపతిబాబు , ప్రకాశ్ రాజ్, అనసూయ ప్రత్యేక పాత్రల్లో నటించారు. పాన్ ఇండియా స్థాయిలో రిలీజ్ అవుతున్న ఈ సినిమా వసూళ్లు ఎలా ఉండబోతున్నాయో అనే చర్చ ఇప్పుడే ఊపందుకుంది.