Poonam Kaur: 'మా' ఎన్నికల్లో ప్రకాష్ రాజ్ గెలవాలి.. ఆ విషయాలన్నీ బయటపెడతా.. పూనమ్ వ్యాఖ్యలు 

మా ఎన్నికల్లో ప్రకాశ్‌రాజ్ గెలవాలని తాను కోరుకుంటున్నట్టు  నటి పూనమ్‌ కౌర్‌ తెలిపారు. అప్పుడే ఇంతకాలం తాను ఎదుర్కొన్న సమస్యల్ని చెప్పగలిగే అవకాశం ఉంటుందని అన్నారు.

'మా' ఎన్నికల్లో ప్రకాష్ రాజ్ గెలవాలి

మూవీ ఆర్టిస్ట్స్ అసోసియేషన్(మా) ఎన్నికల్లో ప్రకాష్ రాజ్ గెలవాలని కోరుకుంటున్నట్లు నటి పూనమ్ కౌర్ సోషల్ మీడియాలో పోస్ట్ పెట్టారు. అక్టోబర్ 10న జరగనున్న మా ఎన్నికల్లో అధ్యక్ష పదవి కోసం ప్రకాష్ రాజ్, మంచు విష్ణు పోటీ పడుతున్నారు. చాలా కాలం క్రితమే ప్రచార కార్యక్రమాలు కూడా మొదలుపెట్టేశారు. ఈ క్రమంలో ఒకరిపై మరొకరు విమర్శలు చేసుకుంటూ వార్తల్లో నిలుస్తున్నారు. రీసెంట్ గా మంచు విష్ణు, నరేష్.. ప్రకాష్ రాజ్ పై కామెంట్స్ చేయగా.. ఈరోజు ఆయన ఆ మాటలకు ధీటుగా బదులిచ్చారు. 

ఒళ్లు దగ్గర పెట్టుకొని మాట్లాడాలని.. నోరు జారకూడదని మంచు విష్ణుకి వార్నింగ్ కూడా ఇచ్చారు. మరి దీనిపై మంచు విష్ణు ఎలా రియాక్ట్ అవుతారో చూడాలి. ఇదిలా ఉండగా.. నటి పూనమ్ కౌర్.. ప్రకాష్ రాజ్ గెలవాలని ట్విట్టర్ లో ఓ పోస్ట్ పెట్టారు. ఆయన గెలిస్తేనే ఇంతకాలం తాను ఎదుర్కొన్న సమస్యలను చెప్పగలిగే అవకాశం ఉంటుందని అన్నారు. ఈ మేరకు ప్రకాష్ రాజ్ తో దిగిన ఫోటోను షేర్ చేస్తూ.. ''మా ఎన్నికల్లో ప్రకాష్ రాజ్ సర్ గెలవాలని కోరుకుంటున్నా.. ఆయన విజయం సాధిస్తే ఇంతకాలం నేను ఎదుర్కొంటున్న సమస్యలను బయటపెడతా. ఆయన చిల్లర రాజకీయాలు చేయరు'' అని పేర్కొన్నారు. 

దీనిపై నెటిజన్లు రకరకాలుగా స్పందిస్తున్నారు. 'వాళ్లు గెలిస్తే చెప్తా.. ఫ్యూచర్ లో చెప్తా.. అనడం తప్ప రివీల్ చేసేది ఏం ఉండదని' ఒక నెటిజన్ అంటే.. 'నీకు న్యాయం చేసేది 'మా' కాదు.. పోలీసులు, జ్యుడిషరీ, గవర్నమెంట్' అని మరో నెటిజన్ కామెంట్ చేశాడు. మరికొందరేమో ముందు వెళ్లి పోలీస్ స్టేషన్ లో కంప్లైంట్ చెయ్ అంటూ సలహాలు ఇస్తున్నారు. 

Want #prakashraj sir to win #maaelections , if he does I will put up the issues I have faced and kept quiet for the longest time , he is the only one who is apolitical and doesn’t get involved in petty politics ,with all due respect to elders will adhere to what they say .Jaihind pic.twitter.com/1lwJDwlLfs

— पूनम कौर ❤️ poonam kaur (@poonamkaurlal) October 1, 2021

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి