Hyderabad Crime News: బాల్ తీసుకెళ్లేందుకు వెళ్తే విషాదం, లిఫ్ట్ మీద పడి వ్యక్తి మృతి

Written By : Shankar Dukanam | Updated at : 13 Apr 2025 05:51 PM (IST)

Source : ABP Desam

హైదరాబాద్ నగరంలో ఇటీవల వరుసగా లిఫ్ట్ ప్రమాదాలు చోటుచేసుకుంటున్నాయి. ఇటీవల ఓ బాలుడు సైతం ప్రాణాలు కోల్పోయాడు. తాజాగా మేడ్చల్ జిల్లా సూరారం పోలీస్ స్టేషన్ పరిధిలో ఓ అపార్ట్‌మెంట్‌‌లో లిఫ్ట్ ప్రమాదం జరిగింది. లిఫ్ట్ మీద పడటంతో అక్బర్ పాటిల్ (39) అనే వ్యక్తి మృతిచెందడంతో స్థానికంగా విషాదం నెలకొంది.

అపార్ట్‌మెంట్‌లో పిల్లలు సరదాగా ఆడుకుంటున్నారు. బంతి లిఫ్ట్ గోతిలో పడిందని చెప్పడంతో తీయడానికి వెళ్లాడు అక్బర్ పటేల్. కానీ ప్రమాదవశాత్తూ అదే సమయంలో మూవ్ కావడంతో లిఫ్ట్ వెయిట్ తలపై పడడంతో అక్బర్ పటేల్ అక్కడికక్కడే మృతి చెందాడు. సమాచారం అందుకున్న సూరారం పోలీసులు అక్కడికి చేరుకుని పరిశీలించారు. కేసు నమోదు చేసుకొని దర్యాప్తు చేస్తున్నారు. ప్రమాదవశాత్తూ జరిగిందా, లేక ఉద్దేశపూర్వకంగా ప్రమాదం జరిగిందా అని పోలీసులు ఆరా తీస్తున్నారు. లిఫ్ట్ పక్కన చేసిన ఏర్పాట్లు, బంతి తీయడానికి వెళ్లిన స్పాట్‌ను పోలీసులు పరిశీలించారు.

(ఇది బ్రేకింగ్ న్యూస్. ప్రస్తుతం దీనిని అప్‌డేట్ చేస్తున్నాం. లేటేస్ట్ అప్‌డేట్‌ కోసం రిఫ్రెష్ చేయండి)

About the author Shankar Dukanam

జర్నలిజంలో గత పదేళ్లుగా పనిచేస్తున్నారు. గత దశాబ్దకాలంలో పలు ప్రముఖ తెలుగు మీడియా సంస్థలలో పనిచేసిన అనుభవం ఆయనకు ఉంది. ఏపీ, తెలంగాణ, జాతీయ, అంతర్జాతీయ, రాజకీయ, వర్తమాన అంశాలపై కథనాలు అందిస్తారు. గ్రాడ్యుయేషన్ పూర్తయ్యాక జర్నలిజం కోర్సు పూర్తిచేసి కెరీర్‌గా ఎంచుకున్నారు. నేషనల్ మీడియాకు చెందిన పలు తెలుగు మీడియా సంస్థలలో సీనియర్ కంటెంట్ రైటర్‌గా సేవలు అందించారు. జర్నలిజంలో వందేళ్లకు పైగా చరిత్ర ఉన్న ఆనంద్ బజార్ పత్రిక నెట్‌వర్క్ (ABP Network)కు చెందిన తెలుగు డిజిటల్ మీడియా ఏబీపీ దేశంలో గత నాలుగేళ్ల నుంచి న్యూస్ ప్రొడ్యూసర్‌గా పనిచేస్తున్నారు.