Lebanon Pagers Blast: లెబనాన్లో ఒక్కసారిగా పేలిన పేజర్లతో విధ్వంసం- 8 మంది మృతి, వేలాది మందికి గాయాలు
Pagers Blast in Lebanon | హిజ్బుల్లా ఉగ్రవాదులు లక్ష్యంగా లెబనాన్లో పలుచోట్ల పేజర్లు పేల్చివేశారు. ఈ విధ్వంసంలో 8 మంది మృతిచెందగా, వేలాది మంది గాయపడ్డారని అధికారులు తెలిపారు.
Pagers detonation In Lebanon | బీరుట్: లెబనాన్ దేశంలో హిబ్జుల్లా ఉగ్రవాదులు లక్ష్యంగా పేజర్లు పేల్చివేయడంతో విధ్వంసం జరిగింది. రాజధాని బీరుట్ తో పాటు దేశవ్యాప్తంగా పలుచోట్ల వరుసగా పేజర్లు పేలిపోయాయి. ఈ పేలుళ్లలో 8 మంది మృతిచెందగా, కొన్ని వేల మంది గాయపడ్డారని అధికారులు తెలిపారు. లెబనాన్, సిరియాలలో పేజర్ అనే కమ్యూనికేషన్ డివైజ్ లను టెక్నాలజీ వాడి ఒక్కసారిగా పేల్చివేశారు. చేతిలో పట్టే పేజర్లను ఉద్దేశపూర్వకంగా పేల్చివేసి విధ్వంసం సృష్టించాలని చూశారని లెబనాన్ అధికారులు చెబుతున్నారు. ఈ పేజర్ల పేలుళ్ల ఘటన పశ్చిమాసియాలో కలకలం రేపింది. పేజర్ల పేలుళ్ల ఘటనలో హిజ్బుల్లా ఉగ్రవాదులు, కొందరు పౌరులు కలిపి మొత్తం 8 మంది మృతిచెందగా, 2750కు గాయపడ్డారని అధికారులు మీడియాకు తెలిపారు. లెబనాన్లో గాయపడిన వారిలో ఇరాన్ రాయబారి కూడా ఉన్నట్లు తెలుస్తోంది.
Lebanon Pagers' Blast | 2750 have been wounded and 8 people have died in pagers' detonation across the country, reports Reuters, citing Lebanon Health Minister.
— ANI (@ANI) September 17, 2024
మొదట లెబనాన్ లో పలుచోట్ల పేజర్ అనే కమ్యూనికేషన్ డివైజ్లు పేలిపోయాయి. అదే తరహాలో ఇరాన్ లో కొన్నిచోట్ల పేజర్లను పేల్చివేసి ప్రజల్ని భయాందోళనకు గురిచేశారు. ఈ పేజర్లు చేతిలో పట్టుకుని, ఎక్కడికైనా తీసుకెళ్లేందుకు వీలుంటుందని.. వాటిని టెక్నాలజీ సాయంతో పేల్చివేశారని లెబనాన్ ఆరోగ్యశాఖ మంత్రి చెప్పారు. ఈ పేలుళ్లలో గాయపడిన వారిని సమీపంలోని ఆస్పత్రులకు తరలించి చికిత్స అందిస్తున్నారు. బాధితులకు మెరుగైన వైద్యం అందించాలని అధికారులను వైద్యశాఖ్ మంత్రి ఆదేశించారు.
Iran's ambassador to #Lebanon was injured in #explosions caused by personal electronic devices across #Beirut, prompting an investigation.#Iran #BeirutExplosion #BeirutBlast #LebanonBlast #Israel #Mosad pic.twitter.com/vHqLfegsD6
— know the Unknown (@imurpartha) September 17, 2024
టాప్ హెడ్ లైన్స్
ట్రెండింగ్ వార్తలు
