EPFO update: ఇంటి వద్ద నుంచే ఈపీఎఫ్‌వో నామినీ పేరు మార్చొచ్చు.. వివరాలు ఇవే..!

చందాదారులకు ఉపయోగపడే అప్‌డేట్‌ను చెప్పింది ఈపీఎఫ్‌వో. ఇకపై సులభంగా ఇంటి నుంచే నామినేషన్‌ మార్పు చేయొచ్చు. సింపుల్‌ ఈ కింద విధానం ఫాలో అయితే చాలు.

By: ABP Desam | Updated at : 20 Nov 2021 05:52 PM (IST)

Edited By: Ramakrishna Paladi

epfo

ఉద్యోగ భవిష్య నిధి సంస్థ (EPFO) చందాదారులకు ఉపయోగపడే మరో మార్పు చేసింది. సులభంగా నామినేషన్‌ మార్చుకొనే అవకాశం కల్పించింది. ఒకప్పుడు ఈపీఎఫ్‌, ఈపీఎస్‌ నామినీ పేరు మార్చాలంటే కొత్తగా పత్రాలు తీసుకొని వాటిని నింపి కార్యాలయంలో సమర్పించాల్సి వచ్చేది.

ఇకపై నామినేషన్‌ మార్పు చేసేందుకు అలా కార్యాలయానికి వెళ్లాల్సిన అవసరం లేదు. తేలికగా ఈపీఎఫ్‌ వెబ్‌సైట్‌లో లాగిన్‌ అయి పీఎఫ్‌ నామినేషన్‌ను మార్చుకోవచ్చు. ఈ మేరకు ఈపీఎఫ్‌వో ఓ ట్వీట్‌ చేసింది. 'ఈపీఎఫ్‌ సభ్యులు ఇంతకు ముందున్న ఈపీఎఫ్‌, ఈపీఎస్‌ నామినేషన్‌ను మార్చేందుకు కొత్త నామినేషన్‌ను ఆన్‌లైన్‌లోనే సమర్పించొచ్చు' అని ఓ చిత్రాన్ని పోస్ట్‌ చేసింది.

పాత నామినీ పేరు రద్దు చేయాలంటే అందుకోసం ప్రత్యేకంగా దరఖాస్తు చేయాల్సిన అవసరం లేదు. కొత్తది చేస్తే ఆటోమేటిక్‌గా పాతది రద్దవుతుంది.

నామినీ దాఖలు ప్రక్రియ ఇదే

#EPF सदस्य मौजूदा EPF/#EPS नामांकन को बदलने के लिए नया नामांकन दाखिल कर सकते हैं।#EPF Members can file new nomination to change existing EPF/#EPS nomination.#EPFO #Services #Pension #ईपीएप #पीएफ pic.twitter.com/rm3G2FaqKy
— EPFO (@socialepfo) November 18, 2021

ఈపీఎఫ్‌వో అధికారిక వెబ్‌సైట్‌ epfindia.gov.in.కు లాగిన్‌ అవ్వాలి.
'సర్వీసెస్‌'కు వెళ్లి 'ఫర్‌ ఎంప్లాయిస్‌' ట్యాబ్‌ను క్లిక్‌ చేయాలి.
డ్రాప్‌డౌన్‌ మెనూలో 'మెంబర్‌ యూఏఎన్‌/ఆన్‌లైన్‌ సర్వీస్‌ (ఓసీఎస్‌/ఓటీసీపీ) ట్యాబ్‌ క్లిక్‌ చేయాలి.
మీ యూఏఎన్‌, పాస్‌వర్డ్‌తో లాగిన్‌ అవ్వాలి.
మేనేజ్‌ ట్యాబ్‌లో 'ఈ-నామినేషన్‌'ను ఎంచుకోవాలి.
కుటంబ సభ్యుల వివరాల మార్పు కోసం 'యెస్‌'ను క్లిక్‌ చేయాలి.
'యాడ్‌ ఫ్యామిలీ డీటెయిల్స్‌'ను క్లిక్‌ చేయండి.
వాటా డిక్లేర్‌ చేసేందుకు 'నామినేషన్‌ డీటెయిల్స్‌'ను క్లిక్‌ చేయండి.
డిక్లరేషన్‌ తర్వాత 'సేవ్‌ ఈపీఎఫ్‌ నామినేషన్‌' క్లిక్‌ చేయండి.
ఓటీపీ కోసం 'ఈ-సైన్‌' క్లిక్‌ చేయండి.
ఆధార్‌తో అనుసంధానం అయిన మొబైల్‌కు ఓటీపీ వస్తుంది.
ఓటీపీని సబ్‌మిట్‌ చేయండి.
దీంతో ఈపీఎఫ్‌వోలో 'ఈ-నామినేషన్‌' పూర్తవుతుంది.