Toyota Urban Cruiser Hyryder vs Maruti Suzuki Grand Vitara: టయోటా హైరైడర్‌ వర్సెస్‌ మారుతి గ్రాండ్ విటారా! మధ్యతరగతి వినియోగదారుడికి ఏది ప్రయోజనం? ధర, మైలేజీ, ఫీచర్లపై ఫుల్‌ గైడ్‌ ఇదే!

Toyota Hyryder vs Maruti Grand Vitara: టయోటా హైరైడర్‌, మారుతి సుజుకి గ్రాండ్ విటారా ఆధిపత్యం కోసం పోటీ పడుతున్నాయి. గ్రాండ్ విటారా కాస్త చౌకైనా, ఫీచర్స్‌ విషయంలో మాత్రం హైరైడర్‌ దూసుకెళ్తోంది. 

టయోటా హైరైడర్‌ వర్సెస్‌ మారుతి గ్రాండ్ విటారా! మధ్యతరగతి వినియోగదారుడికి ఏది ప్రయోజనం? ధర, మైలేజీ, ఫీచర్లపై ఫుల్‌ గైడ్‌ ఇదే!

Source : Social Media

Show Quick Read

Key points generated by AI, verified by newsroom

• రెండు కార్లలో 6 ఎయిర్ బ్యాగ్స్, ABS, EBD వంటి భద్రతా ఫీచర్లున్నాయి.

Toyota Urban Cruiser Hyryder vs Maruti Suzuki Grand Vitara:దేశ ఆటోమొబైల్ మార్కెట్‌లో మిడ్ సైజ్ ఎస్‌యూవీ సెగ్మెంట్‌ అత్యంత వేగంగా వృద్ధి చెందుతోంది. ఒకే ప్లాట్‌ఫామ్‌, ఒకే ఇంజన్ సామర్థ్యం కలిగి ఉండి కూడా టయోటా, మారుతి సుజుకి సంస్థలు తమదైన బ్రాండ్ విలువలతో వినియోగదారులను ఆకర్షిస్తున్నాయి. టయోటా నుంచి వచ్చిన అర్బన్ క్రూయిజర్‌ హైరైడర్‌, మారుతి సుజుకి నుంచి వచ్చిన గ్రాండ్ విటారా మధ్య ఉన్న స్వల్ప తేడాలు గమనించడం వినియోగదారులకు చాలా అవసరం. 

ధరలో వ్యత్యాసం ఎంత?

కొనుగోలుదారుడు మొదట గమనించేది ధర. మారుతి సుజుకి గ్రాండ్ విటారా బేసిక్ వేరియెంట్ ప్రారంభ ధర 10. 77 లక్షల రూపాయలు. అదే టయోటా హైరైడర్‌ ప్రారంభ ధర 10.99 లక్షల రుపాయలు. ఇక్కడ గ్రాండ్ విటారా తన ప్రత్యర్థి అంటే సుమారు 22 వేల రూపాయల తక్కువ ధరకే లభిస్తోంది. 

టెక్నికల్‌గా ఎవరు తోపులు 

సాంకేతికంగా రెండు కార్లు ఒకే రకమైన సామర్థ్యాన్ని కలిగి ఉన్నాయి. రెండింటిలోనూ 1462 cc, 4 సిలిండర్ల ఇంజన్ అమర్చారు. రెండు మోడళ్లు కూడా 6000 rpm వద్ద bhp శక్తిని ఉత్పత్తి చేస్తాయి. టార్క్‌లో మాత్రం స్వల్ప మార్పులు ఉన్నాయి. గ్రాండ్ విటారా 139Nm టార్క్‌ను అందిస్తే, హైరైడర్‌ 136.8nM టార్గ్‌ను ఇస్తుంది. బేస్ వేరియంట్లు రెండూ 5 గేర్ల మాన్యువల్ ట్రాన్స్‌మిషన్‌తో వస్తున్నాయి. 

మైలైజీలో రారాజు ఎవరు

మైలేజీ విషయంలో రెండు కార్లు పోటాపోటీగా ఉన్నాయి. ఏఆర్‌ఏఐ లెక్కల ప్రకారం రెండు కారక్లు లీటర్‌కు 21.11 కిలోమీటర్ల మైలేజీని అందిస్తున్నాయి. హైరైడర్‌ వినియోగదారులు లీటర్‌కు 24 కిలోమీటర్ల వరకు మైలేజీ ఇస్తుందని చెబుతుంటే గ్రాండ్ విటారా 19 కిలోమీటర్ల మైలేజీని ఇస్తుందని రివ్యూల్లో చెబుతున్నారు. ఇది డ్రైవింగ్ శైలి, రోడ్ పరిస్థితి, ట్రాఫిక్ అన్నింటిపై ఆధారపడి ఉంటుంది. 

స్పేస్‌లో వ్యత్యాసం ఏంటీ?

పొడవు విషయానికి వస్తే హైరైడర్‌ 4365mm, గ్రాండ్ విటారా 4345mm పొడవు కలిగి ఉంది. రెండింటి మధ్య 20mm తేడా ఉంది. వీల్‌బేస్‌ రెండింటిలో కూడా 2600mm ఉండటం వల్ల లోపల తగినంత స్పేస్‌ లభిస్తుంది. ప్రయాణాల్లో సామాన్లు ఉంచుకోవడానికి రెండు కార్లలోనూ 373 లీటర్ల బూట్ స్పేస్ అందుబాటులో ఉంది. 

లోపలి భాగాన్ని పరిశీలిస్తే మారుతి గ్రాండ్ విటారా సిల్వర్ యాక్సెంట్లతో కూడిన బ్లాక్, బోర్డియక్స్‌ డ్యూయల్ టోన్ ఇంటీరియర్‌ను కలిగి ఉండగా, టయోటా హైరైడర్‌ బేస్‌ వేరియంట్‌ సింగిల్ టోన్ బ్లాక్‌ ఇంటీరియర్‌తో వస్తుంది. హైరైడర్‌లో ఉన్న ఒక ప్రత్యేక సౌకర్యం ఏంటంటే ఇందులో PM 2.5 ఎయిర్ ప్యూరిఫైయర్ అమర్చి ఉంది. ఇది కాలుష్యం ఎక్కువగా ఉన్న ప్రాంతాల్లో ఉపయోగకరంగా ఉంటుంది. రెండు కార్లలోనూ డీఆర్‌ఎల్‌ఈడీ టెయి్‌లైట్లు, హాలోజన్ ప్రొజెక్టర్ హెడ్ ల్యాంప్స్‌ వంటి ఫీచర్లు ఉన్నాయి. 

ఏ వాహనం సెక్యూర్డ్‌

భద్రత విషయంలో రెండు సంస్థలు రాజీ పడలేదు. 6 ఎయిర్‌ బ్యాగ్‌లు రెండింటీలో ఉన్నాయి. ఏబీఎస్‌, ఈబీడీ, ఎలక్ట్రానిక్‌ స్టెబిలిటీ ప్రోగ్రామ్‌, హిల్ హోల్డ్‌ కంట్రోల్ వంటి ఫీచర్లు ప్రాయాణాన్ని సురక్షితం చేస్తాయి. ఇరు వాహనాలకు నాలుగు చక్రాలకు డిస్క్ బ్రేక్స్ ఇచ్చారు. 

ఏ కారుకు ఎంత ఈఎంఐ చెల్లించాలి?

ఈ కార్లను ఫైనాన్స్‌లో కొనుగోలు చేయాలనుకునే వారికి ఐదేళ్ల కాలపరిమితికి లోన్ సౌకర్యం ఉంటుంది. హైరైడర్‌ నెలకు సుమారు 21, 015 ఈఎంఐ చెల్లించాల్సి ఉంటుంది. గ్రాండ్ విటారా కొనాలని చూస్తే సుమారు 20, 585 ఈఎంఐ చెల్లించాలి. 

మీకు తక్కువ ధరలో మంచి బ్రాండ్ విలువ, విభిన్నమైన డ్యూయల్ టోన్ ఇంటీరియర్స్ కావాలనుకుంటే మారుతి గ్రాండ్ విటారా సరైన ఎంపిక. టయోటా గ్లోబల్ విశ్వసనీయత, ఎయిర్ ఫ్యూరిఫైయర్‌ వంటి అదనపు ఫీచర్లు, మెరుగైన యూజర్ రిపోర్ట్ మైలేజీ కావాలునుకుంటే హైరైడర్‌ వైపు మొగ్గు చూపవచ్చు. 

మరిన్ని చదవండి

టయోటా కొత్త 7-సీటర్ SUV త్వరలో రోడ్లపైకి! మహీంద్రా XUV 7XOతో నేరుగా పోటీ! 

ఈవీల నుంచి ఫైవ్ స్టార్ సేఫ్టీ వరకు మారుతి సుజుకి ప్రస్తుతం అమ్ముతున్న వెహికల్స్ లిస్ట్ ఇదే!