Prabhas: ప్రభాస్ 'స్పిరిట్' వాయిదా? 'ఫౌజీ'కి నెట్‌ఫ్లిక్స్ డెడ్‌లైన్!?

Prabhas Upcoming Movies Latest Updates: సందీప్ రెడ్డి వంగా దర్శకత్వంలోని 'స్పిరిట్', హను రాఘవపూడి దర్శకత్వంలోని 'ఫౌజీ' సెట్స్ మీద ఉన్నాయి. ప్రభాస్ మూవీస్ లేటెస్ట్ అప్డేట్స్ ఏమిటంటే?

'స్పిరిట్'కు కష్టాలు... 'ఫౌజీ'ని పరుగులు పెట్టిస్తున్న ప్రభాస్!

Source : https://www.instagram.com/actorprabhas/

Show Quick Read

Key points generated by AI, verified by newsroom

• ప్రభాస్ 'స్పిరిట్' షూటింగ్ ఆలస్యం; ఈద్ విడుదల సందేహాస్పదం.
• షూటింగ్ పెండింగ్‌తో సల్మాన్ ఖాన్ చిత్రంతో క్లాష్ తప్పవచ్చు.
• 'ఫౌజీ' నెట్‌ఫ్లిక్స్ డెడ్‌లైన్; మూడు యూనిట్లతో షూటింగ్ వేగంగా.
• ప్రభాస్ కీలక సన్నివేశాలు హైదరాబాద్ అల్యూమినియం ఫ్యాక్టరీలో చిత్రీకరణ.

ఇండియాస్ బిగ్గెస్ట్ సూపర్ స్టార్ ప్రభాస్ ఫుల్ బిజీ. బ్యాక్ టు బ్యాక్ షూటింగ్ చేస్తూ పాన్ ఇండియా సినిమాలను లైనులో పెట్టారు. ప్రస్తుతం టాలీవుడ్‌లో బిజీగా ఉన్న హీరో ఎవరంటే? ప్రభాస్ పేరు వినబడుతుంది. సందీప్ రెడ్డి వంగా దర్శకత్వంలోని 'స్పిరిట్', అలాగే హను రాఘవపూడి దర్శకత్వంలోని 'ఫౌజీ' సెట్స్ మీద ఉన్నాయి. ఈ రెండు మూవీస్ లేటెస్ట్ అప్డేట్స్ ఏమిటంటే?

'స్పిరిట్' విడుదలపై సందేహాలు...
ఈద్ సెలవులు సల్మాన్ సొంతమా?
సందీప్ రెడ్డి వంగా దర్శకత్వంలో ప్రభాస్ హీరోగా రూపొందుతున్న పాన్ ఇండియా యాక్షన్ ఫిల్మ్ 'స్పిరిట్'. వచ్చే ఏడాది మార్చి 5న విడుదల చేస్తామని అనౌన్స్ చేశారు. అది ఈద్ వీకెండ్‌. హిందీలో ఈద్ అంటే సినిమా ప్రేక్షకులకు గుర్తుకు వచ్చేది సల్మాన్ ఖాన్. రంజాన్ సీజన్‌లో ఆయన సినిమా విడుదల కావడం కామన్. వచ్చే ఏడాది ఈద్ బరిలో సల్మాన్ - వంశీ పైడిపల్లి సినిమా ఉంది. ఈసారి ఆయన సినిమాకు సోలో రిలీజ్ దక్కే అవకాశం ఉందని బాలీవుడ్ టాక్.

'స్పిరిట్' షూటింగ్ ఆశించిన స్థాయిలో సాగకపోవడంతో ఈద్ ఫెస్టివల్ సీజన్‌లో విడుదల అయ్యే అవకాశం లేదని సమాచారం. ప్రస్తుతం 'స్పిరిట్'కి సంబంధించి ఇంకా 75 రోజుల షూటింగ్ పెండింగ్‌లో ఉందని, ఈద్ సమయానికి పూర్తి చేయడం కష్టమని తెలుస్తోంది. మరి సందీప్ రెడ్డి వంగా అండ్ ప్రభాస్ ఏం చేస్తారో చూడాలి. ఒకవేళ 'స్పిరిట్' గనుక వాయిదా పడితే... బాలీవుడ్ కండల వీరుడు సల్మాన్ ఖాన్ సినిమాతో బాక్సాఫీస్ క్లాష్ తప్పుతుంది.

'ఫౌజీ' కోసం మూడు యూనిట్లు!
'స్పిరిట్' సంగతి పక్కన పెడితే... మరోవైపు హను రాఘవపూడి దర్శకత్వంలో ప్రభాస్ హీరోగా నటిస్తున్న 'ఫౌజీ' షూటింగ్ శరవేగంగా జరుగుతోంది. ఈ సినిమా ఓటీటీ రైట్స్ (డిజిటల్ స్ట్రీమింగ్ హక్కులను) పొందిన నెట్‌ఫ్లిక్స్ సంస్థ, డిసెంబర్ 3వ తేదీన ఎట్టిపరిస్థితుల్లో సినిమా విడుదల చేయాలని డెడ్‌లైన్ విధించిందట. అందుకని, మూడు యూనిట్లతో షూటింగ్ చేస్తున్నారట.

ప్రస్తుతం హైదరాబాద్‌లోని అల్యూమినియం ఫ్యాక్టరీలో ప్రభాస్‌ మీద కీలక సన్నివేశాలను 'ఫౌజీ' యూనిట్ షూట్ చేస్తోంది. ప్రభాస్ పాత్రకు సంబంధించిన షూటింగ్ సెప్టెంబర్ లోపు పూర్తి చేస్తారని టాక్. ప్రభాస్ సరసన ఇమాన్వి హీరోయిన్‌గా నటిస్తున్న 'ఫౌజీ' ఫస్ట్ లుక్ వైరల్ అయ్యింది. జంధ్యంతో ప్రభాస్ కనిపించడం... యుద్ధభూమిలో వీరుడిలా ఆయన లుక్ చూసి ఫ్యాన్స్ మాత్రమే కాదు, ఆడియన్స్ అందరూ ఎగ్జైట్ అయ్యారు. మరి సినిమా ఎలా ఉంటుందో చూడాలి.