LPG to PNG Shift: LPG నుంచి PNGకి మారడానికి ప్రభుత్వం సహాయం! డబ్బు ఆదా చేసే ఈ కొత్త సబ్సిడీ స్కీమ్ గురించి తెలుసా?

LPG to PNG: LPG సిలిండర్లపై ఆధారపడడాన్ని తగ్గించి, పైపుల ద్వారా వచ్చే గ్యాస్ నెట్‌ను పెంచడం ఈ కొత్త ప్రభుత్వ పథకం లక్ష్యం. తద్వారా అన్ని ఇళ్లకు శుభ్రమైన, చవకైన,  సురక్షితమైన ఇంధనం చేరుతుంది. 

LPG నుంచి PNGకి మారడానికి ప్రభుత్వం సహాయం! డబ్బు ఆదా చేసే ఈ కొత్త సబ్సిడీ స్కీమ్ గురించి తెలుసా?

Source : Social Media

Show Quick Read

Key points generated by AI, verified by newsroom

• కేంద్రం కొత్త PNG పథకం సెప్టెంబర్ 2026 నుండి అమలు.
• CGD కంపెనీలకు చవకైన గ్యాస్ కేటాయింపులు, వ్యయం తగ్గుతుంది.
• వినియోగదారులకు తక్కువ ఇన్స్టాలేషన్, సిలిండర్ అవసరం లేదు.

New Government Scheme: ఇళ్లకు సరఫరా చేసే గ్యాస్ విషయంలో కీలకమైన మార్పులు చేసేందుకు కేంద్రం సిద్ధమైంది. ఎల్పీజీ సరఫరాను వీలైనంత తగ్గించేందుకు ప్రయత్నాలు మొదలు పెట్టింది. దేశీయ పైప్డ్ నేచురల్ గ్యాస్ (PNG) కనెక్షన్లు విస్తరించే దిశగా అడుగులు వేస్తోంది. దీని కోసం కొత్తగా ఒక స్కీమ్ తీసుకొచ్చింది. దేశవ్యాప్తంగా ఎక్కువ ఇళ్లకు వంట కోసం శుభ్రమైన, చవకైన ఇంధనాన్ని అందించడమే దీని లక్ష్యం. 'ఇన్సెంటివ్ స్కీమ్ ఫర్ ప్రమోషన్ ఆఫ్ డొమెస్టిక్ పీఎన్జీ కనెక్షన్స్' పేరుతో ఈ పథకం సెప్టెంబర్ 1, 2026 నుంచి అమలులోకి వస్తుంది. 

ప్రస్తుతం, భారత్‌లో సుమారు 17.4 మిలియన్ల దేశీయ PNG కనెక్షన్లు ఉన్నాయి. ఈ కొత్త పథకం కింద, సిటీ గ్యాస్ డిస్ట్రిబ్యూషన్ (CGD) కంపెనీలు ఇప్పటికే ఉన్న అన్‌ బిల్డ్‌ కనెక్షలను యాక్టివ్ చేసి బిల్లు చేసే కనెక్షన్లుగా మార్చడానికి, వారి PNG నెట్‌వర్క్‌లు విస్తరించడానికి ప్రయత్నిస్తాయి. ఈ ప్రభుత్వ పథకం ఎలా పనిచేస్తుందో ఇప్పుడు చూద్దాం. 

తక్కువ ధరకు గ్యాస్ కేటాయింపు

దేశీయ PNG కనెక్షన్లను ప్రోత్సహించడానికి APM/NAPM ఇన్సెంటివ్ పథకం కింద, సిటీ గ్యాస్ డిస్ట్రిబ్యూషన్ (CGD) కంపెనీలకు నిర్ణీత పరిమితిలో ప్రతి కొత్త యాక్టివ్, బిల్లింగ్ దేశీయ PNG కనెక్షన్‌పై అదనంగా 200 స్టాండర్డ్ క్యూబిక్ మీటర్ల (SCM) చవకైన దేశీయంగా ఉత్పత్తి చేయబడిన (APM) గ్యాస్ లభిస్తుంది. కంపెనీలు దిగుమతి చేసుకున్న ఖరీదైన గ్యాస్ (LNG) స్థానంలో ఈ చవకైన గ్యాస్‌ను ఉపయోగించుకోవచ్చు. తద్వారా ఖర్చులు తగ్గుతాయి.

ఈ పథకం ద్వారా దేశీయ PNG కనెక్షన్‌పై చేసిన మూలధన వ్యయం తిరిగి పొందే సమయం సుమారు 10 సంవత్సరాల నుంచి మూడు సంవత్సరాలకు తగ్గవచ్చు. ఇది CGD కంపెనీలకు తమ నెట్ 200cను విస్తరించడానికి, ఎక్కువ ఇళ్లలో కనెక్షన్లను ప్రారంభించడానికి మెరుగైన ప్రోత్సాహాన్ని అందిస్తుంది. ఈ పథకం ఆరు నెలల్లో రెండు దశల్లో అమలు చేస్తారు. 

దీని వల్ల వినియోగదారులకు ప్రయోజనం ఏంటీ?

ఖర్చులు తగ్గడం వల్ల, కంపెనీలు వినియోగదారుల నుంచి వసూలు చేసే ప్రారంభ ఇన్‌స్టాలేషన్ ఛార్జ్ లేదా సెక్యూరిటీ డిపాజిట్‌ తగ్గిస్తాయి. గతంలో కేవలం పైపులు వేసి వదిలేసిన కనెక్షన్లను వెంటనే ప్రారంభించడానికి చర్యలు తీసుకున్నారు. PNG పైప్‌లైన్ ద్వారా నేరుగా ఇళ్లకు గ్యాస్‌ను అందించి, వంట కోసం సాంప్రదాయ ఇంధనానికి ఒక ప్రత్యామ్నాయాన్ని అందిస్తుంది. LPGకి భిన్నంగా, ఇందులో వినియోగదారులు సిలిండర్‌ను బుక్ చేయాల్సిన, నిల్వ చేయాల్సిన లేదా మార్చాల్సిన అవసరం లేదు. వారి ఇంటికి ఫిట్ చేసిన మీటర్‌లో చూపిన రీడింగ్ ఆధారంగానే వారికి బిల్ వస్తుంది.