80వ స్వాతంత్ర్య దినోత్సవం సందర్భంగా తిరంగా ర్యాలీలతో జాతీయ స్ఫూర్తి

80th Independence Day Celebrations : 80వ స్వాతంత్ర్య దినోత్సవం సందర్భంగా దేశవ్యాప్తంగా పలుచోట్ల తిరంగా ర్యాలీలు ఘనంగా నిర్వహించారు. దేశభక్తిని నింపే ఆ ఫొటోస్ కొన్ని మీకోసం

80వ స్వాతంత్ర్య దినోత్సవం సందర్భంగా తిరంగా ర్యాలీతో జాతీయ స్ఫూర్తి

"హర్ ఘర్ త్రివర్ణ పతాకం" ప్రచారంలో భాగంగా జి/124 బెటాలియన్ #సిఆర్‌పిఎఫ్ ఆధ్వర్యంలో త్రివర్ణ పతాకాన్ని ర్యాలీగా నిర్వహించారు. త్రివర్ణ పతాకాన్ని గర్వంగా ఎగురవేస్తూ జాతీయ ఐక్యత, సమగ్రత , దేశభక్తి సందేశాన్ని ప్రజలకు అందించారు.

జవాన్ల నుంచి పాఠశాల విద్యార్థుల వరకూ 80వ స్వాతంత్ర్య వేడుకల్లో ఉత్సాహంగా పాల్గొన్నారు. స్వాతంత్ర్యం సాధించి 80 ఏళ్లు అయిన సందర్భంగా త్రివర్ణ పతాకాన్ని ఎగురవేసి దేశభక్తి ఉద్వేగంతో తిరంగా ర్యాలీలు నిర్వహించారు

దేశ సమైక్యత, స్వాతంత్ర్య పోరాట వీరుల త్యాగాలను గుర్తుచేసుకుంటూ ప్రజలంతా వీధుల్లోకి వచ్చారు. దేశవ్యాప్తంగా పలు ప్రాంతాల్లో విద్యార్థులు, యువత, సామాజిక సంస్థలు, జవాన్లు..తిరంగా ర్యాలీలు నిర్వహించారు

జమ్మూ కాశ్మీర్ లో 'హర్ ఘర్ తిరంగా' ప్రచారంలో భాగంగా, కుప్వారా జిల్లాలోని కర్నా ప్రాంతంలోని తీత్వాల్ వద్ద నియంత్రణ రేఖ సమీపంలో జరిగిన భారీ 'తిరంగా ర్యాలీ'లో 1,200 మీటర్ల పొడవైన త్రివర్ణ పతాకాన్ని ప్రదర్శించారు.

ఉత్తర భారతదేశంలో చిన్నారులు సందడిగా సైకిల్ ర్యాలీ నిర్వహించారు

ఈ ర్యాలీ ద్వారా స్వాతంత్ర్య ఉద్యమంలో కోసం పోరాడిన వీరుల త్యాగాలను స్మరించుకోవడమే కాదు..యువతలో , విద్యార్థుల్లో..దేశభక్తి, ఐక్యత భావాలను పెంపొందించారు.

హైదరాబాద్ లో పాఠశాల విద్యార్థులు తిరంగా ర్యాలీలో ఉత్సాహంగా పాల్గొన్నారు. త్రివర్ణ పతాకం, దేశభక్తి నినాదాలు, జాతీయ గీతాలతో వాతావరణం ఉత్సాహంగా మారింది. వందేమాతరం, భారత్ మాతాకీ జై అనే అనే నినాదాలు ఆకాశం నిండా ప్రతిధ్వనించాయి

80వ స్వాతంత్ర్య దినోత్సవం సందర్భంగా నిర్వహించిన ఈ తిరంగా ర్యాలీలు జాతీయ స్ఫూర్తికి నూతన శక్తిని అందించింది.