బడ్జెట్ ధరలో KIA EV.. BAAS విధానంతో భారీగా తగ్గనున్న కారు ధరలు ! స్టైలిష్ లుక్.. హైటెక్ ఫీచర్లు
Kia Rental Plan: కియా కంపెనీ కొత్త బ్యాటరీ రెంట్ పథకంతో ఎలక్ట్రిక్ కార్లు పెట్రోల్ కార్ల కంటే కూడా మరింత చౌకగా మారనున్నాయి. అయితే అందుకోసం ఏం చేయాలి, కంపెనీ ప్లాన్ ఇక్కడ తెలుసుకోండి.
KIA Motors | భారత్లో ఎలక్ట్రిక్ వాహనాలకు (EV) పెరుగుతున్న ఆదరణను దృష్టిలో ఉంచుకుని ప్రముఖ ఆటోమొబైల్ దిగ్గజం కియా మోటార్స్ (Kia) మధ్యతరగతి వినియోగదారుల కోసం ఒక భారీ సర్ప్రైజ్ సిద్ధం చేస్తోంది. విలాసవంతమైన ఇవి6 (EV6), క్యారెన్స్ క్లావిస్ వంటి మోడళ్ల తర్వాత, ఇప్పుడు సామాన్యులకు కూడా అందుబాటులో ఉండేలా ఒక అత్యంత చవకైన ఎలక్ట్రిక్ కారును మార్కెట్లోకి తీసుకురావడానికి కియా ప్లాన్ చేస్తోంది. తక్కువ ధరలో స్టైలిష్ లుక్, అత్యాధునిక ఫీచర్లు కోరుకునే వారిని లక్ష్యంగా చేసుకుని ఈ ప్రాజెక్టును రూపొందిస్తున్నారు.
ఈ కొత్త కియా కారు డిజైన్ పరంగా చాలా మోడ్రన్ గా, యువతను ఆకట్టుకునేలా ఉండబోతోందని కంపెనీ ప్రతినిధులు చెబుతున్నారు. షార్ప్ ఎల్ఈడీ హెడ్లైట్లు, ఏరోడైనమిక్ బాడీ, స్టైలిష్ అలాయ్ వీల్స్తో రోడ్డుపై బెస్ట్ లుక్ ఇచ్చేలా కంపెనీ దీన్ని తీర్చిదిద్దుతోంది. కేవలం బయటి లుక్ మాత్రమే కాకుండా, లోపలి భాగంలో కూడా ప్రీమియం క్యాబిన్, పెద్ద టచ్స్క్రీన్ ఇన్ఫోటైన్మెంట్ సిస్టమ్, అదిరిపోయే వైర్లెస్ కనెక్టివిటీ వంటి ఫీచర్లతో హైటెక్ ఎక్స్పీరియన్స్ అందించనుంది. భద్రత (Safety) విషయంలో రాజీ పడకుండా కియా తన ట్రేడ్ మార్క్ అడ్వాన్స్డ్ సేఫ్టీ ఫీచర్లను ఇందులో చేర్చే అవకాశాలున్నాయి.
బ్యాటరీ సామర్థ్యం, డ్రైవింగ్ రేంజ్ పై ఇంకా అధికారిక ప్రకటన రానప్పటికీ, సిటీ ట్రాఫిక్ తో పాటు హైవే జర్నీలకు కూడా సెట్ అయ్యేలా మెరుగైన రేంజ్ను ఈ కియా కారు అందిస్తుందని మార్కెట్ వర్గాల అంచనా వేస్తున్నాయి. తక్కువ సమయంలోనే ఛార్జ్ చేసుకునేలా ఫాస్ట్ ఛార్జింగ్ సౌకర్యం కూడా కల్పించనున్నారు. అన్నిటికంటే ముఖ్యంగా ఈ కారు ధరను సామాన్యులకు భారం కాకుండా ఉంచడానికి కియా ఒక సరికొత్త ప్లాన్ కియా పాటించనుంది.
బాస్ సర్వీసు(BaaS) తో ప్రయోజనం
ముఖ్యంగా బ్యాటరీ యాజ్ ఏ సర్వీస్ (BaaS) మోడల్ను కియా ఈ కారుకు అందించాలని భావిస్తోంది. ఈ పద్ధతిలో కస్టమర్లు కారును కొని, బ్యాటరీని అద్దెకు తీసుకోవడం లేదా విడివిడిగా ఫైనాన్స్ చేయడం ద్వారా కారు ధరను భారీగా తగ్గించుకోవచ్చు. దాంతో తక్కువ ధరకు సామాన్యులు సైతం కొనుగోలు చేసేలా చూడాలని కియా కంపెనీ చర్యలు చేపట్టి బాస్ సర్వీస్ తీసుకొస్తుంది. ఇప్పటికే కియా క్యారెన్స్ క్లావిస్ మోడల్లో సక్సెస్ అయిన ఈ విధానం, కొత్త ఎలక్ట్రిక్ కారుతో మరింత మంది వినియోగదారులను ఆకర్షించాలని సరికొత్త వ్యూహాలతో కార్ మోడల్స్ లాంచ్ చేస్తోంది. కస్టమర్లలో నమ్మకం ఉన్న కార్ల బ్రాండ్లలో కియా ఒకటి.
Also Read: Tata Punch EMI : సరికొత్త టాటా పంచ్ కారును అనంతపురంలో కొనాలంటే ఎంత ఈఎంఐ చెల్లించాలి?
ప్రస్తుతం కియా నుంచి EV6 (ప్రీమియం ఎలక్ట్రిక్), కియా క్యారెన్స్ క్లావిస్ EV వంటి కార్లు మార్కెట్లో అందుబాటులో ఉన్నాయి. కియా కార్లు వాటి మోడ్రన్ డిజైన్, షార్ప్ ఎల్ఈడీ హెడ్లైట్లు, హైటెక్ ఇంటీరియర్ ఫీచర్లు పెద్ద టచ్స్క్రీన్, వైర్లెస్ కనెక్టివిటీ వంటి వాటితో కస్టమర్లకు ఆకర్షిస్తున్నాయి.
టాప్ హెడ్ లైన్స్
ట్రెండింగ్ వార్తలు
