జేసీ ప్రభాకర్ రెడ్డి అనుచరులు తెలంగాణ సీఎం రేవంత్ రెడ్డి అనుచరుడు మిద్దె శ్రీరామ్ రెడ్డిపై దాడి చేసి, వారి వాహనాలను ధ్వంసం చేశారు. ఇది రాజకీయ విభేదాల వల్ల జరిగింది.
అన్వేషించండి
Tadipatri High Tension: తాడిపత్రిలో ఉద్రిక్తత.. రేవంత్ రెడ్డి అనుచరుడి వాహనాలు ధ్వంసం చేయడంతో టెన్షన్ టెన్షన్ !
తాడిపత్రిలో జరిగిన ఓ వివాహ వేడుకలో తీవ్ర ఉద్రిక్తత నెలకొంది. జేసీ ప్రభాకర్ రెడ్డి అనుచరులు, తెలంగాణ కాంగ్రెస్ నేత మిద్దె శ్రీరామ్ రెడ్డి వర్గీయుల మధ్య ఘర్షణ జరిగి, పలు వాహనాలు ధ్వంసమయ్యాయి.
తాడిపత్రిలో ఉద్రిక్తత
Source : social media
- తాడిపత్రి వివాహ వేడుకలో జేసీ-రేవంత్ రెడ్డి వర్గాల ఘర్షణ.
- జేసీ ప్రభాకర్ రెడ్డి మిద్దె శ్రీరామ్ రెడ్డిని నిలదీసి ఆగ్రహించారు.
- మంత్రి సమక్షంలోనే ఇరువర్గాల మధ్య తీవ్ర వాగ్వాదం జరిగింది.
- జేసీ అనుచరులు శ్రీరామ్ రెడ్డి వాహనాలపై దాడి చేశారు.
High Tension at Tadipatri | తాడిపత్రి: జేసీ బ్రదర్స్ హవా కొనసాగే అనంతపురం జిల్లా తాడిపత్రిలో రాజకీయ వాతావరణం ఒక్కసారిగా వేడెక్కింది. తెలంగాణ సీఎం రేవంత్ రెడ్డి అనుచరుడు మిద్దె శ్రీరామ్ రెడ్డి మీద జేసీ ప్రభాకర్ రెడ్డి అనుచరులు దాడికి దిగారని తెలుస్తోంది. జేసీ అనుచరులు శ్రీరామ్ రెడ్డికి చెందిన పలు వాహనాలపై రాళ్ల దాడికి పాల్పడి ధ్వంసం చేశారని బాధితులు ఆరోపిస్తున్నారు. పెళ్లిలో కూడా రాజకీయాలు, రౌడీయిజం చేయడం ఏంటని బాధిత వర్గీయులు ప్రశ్నిస్తున్నారు.
స్థానిక టీడీపీ నేత సంజీవరెడ్డి కుమారుడి వివాహ వేడుక ఆదివారం తాడిపత్రిలోని ఎస్ ఆర్ టీ ఫంక్షన్ హాల్ లో అత్యంత వైభవంగా జరిగింది. ఈ వివాహానికి రాష్ట్ర మంత్రి బీసీ జనార్దన్ రెడ్డి, జేసీ ప్రభాకర్ రెడ్డి, జేసీ దివాకర్ రెడ్డి, వైఎస్సార్సీపీ నాయకుడు కందిగోపుల మురళి, తెలంగాణ సీఎం రేవంత్ రెడ్డి అనుచరుడు, దౌల్తాబాద్ కాంగ్రెస్ ఇంఛార్జ్ మిద్దె శ్రీరాం రెడ్డి సహా పలువురు నేతలు హాజరయ్యారు. అయితే, వేడుకకు హాజరైన జేసీ ప్రభాకర్ రెడ్డి ఫంక్షన్ హాల్లో సంజీవరెడ్డి సోదరుడైన మిద్దె శ్రీరామ్ రెడ్డిని చూసి తీవ్ర ఆగ్రహానికి గురయ్యారు. ‘నువ్వు ఇక్కడికి ఎందుకు వచ్చావు? ఏం చేస్తున్నావు. వెంటనే ఫంక్షన్ హాల్ నుంచి బయటకు వెళ్లాలని’ డిమాండ్ చేశారు.
అక్కడే ఉన్న తాడిపత్రి వైఎస్సార్సీపీ నేత కందిగోపుల మురళి జేసీ ప్రభాకర్ రెడ్డి ప్రవర్తనపై వెంటనే స్పందించారు. ఫంక్షన్ హాల్ నుంచి మేమెందుకు బయటకు వెళ్లాలి? అని సూటిగా ప్రశ్నించడంతో ఇరువురి మధ్య వాగ్వాదం చోటుచేసుకుంది. రాష్ట్ర మంత్రి బీసీ జనార్దన్ రెడ్డి సమక్షంలోనే ఇరువర్గాల నేతల మధ్య తీవ్రస్థాయిలో వాగ్వివాదం జరిగింది. తన మాట శ్రీరామ్ రెడ్డి, కందిగోపుల మురళీ వినకపోవడంతో అనంతరం జేసీ ప్రభాకర్ రెడ్డి ఫంక్షన్ హాల్ నుంచి వెళ్లిపయారు.
జేసీ ప్రభాకర్ రెడ్డి వెళ్లిపోయిన కాసేపటికే ఆయన అనుచరులు ఫంక్షన్ హాల్ వద్దకు రావడంతో అక్కడ ఉద్రిక్తత చోటుచేసుకుంది. వైసీపీ వర్గీయులతో గొడవకు దిగిన జేసీ ప్రభాకర్ రెడ్డి అనుచరులు శ్రీరామ్ రెడ్డి సహా మరికొందరు నేతల కార్లను ధ్వంసం చేయడంతో వివాహానికి వచ్చిన అతిథులు తీవ్ర భయాందోళనలకు గురయ్యారు. తాడిపత్రిలో రాజకీయ విభేదాలు పెళ్లి ఫంక్షన్లలోనూ ఉద్రిక్తతకు దారితీయడంతో పోలీసులు వెంటనే రంగంలోకి దిగి పరిస్థితిని అదుపులోకి తెచ్చారు. మరిన్ని వివరాలు తెలియాల్సి ఉంది.
Frequently Asked Questions
తాడిపత్రి వివాహ వేడుకలో ఉద్రిక్తతకు కారణం ఏమిటి?
వివాదంలో ప్రధానంగా ఎవరు పాల్గొన్నారు?
జేసీ ప్రభాకర్ రెడ్డి, తెలంగాణ సీఎం రేవంత్ రెడ్డి అనుచరుడు మిద్దె శ్రీరామ్ రెడ్డి, మరియు వైఎస్సార్సీపీ నాయకుడు కందిగోపుల మురళి ఈ వివాదంలో ప్రధానంగా పాల్గొన్నారు.
ఈ ఘటన ఎక్కడ జరిగింది?
ఈ ఘటన అనంతపురం జిల్లాలోని తాడిపత్రిలో స్థానిక టీడీపీ నేత సంజీవరెడ్డి కుమారుడి వివాహ వేడుకలో, ఎస్ ఆర్ టీ ఫంక్షన్ హాల్లో జరిగింది.
ఉద్రిక్తత ఎలా పెరిగింది?
జేసీ ప్రభాకర్ రెడ్డి శ్రీరామ్ రెడ్డిని బయటకు వెళ్లమని డిమాండ్ చేయగా, కందిగోపుల మురళి ప్రశ్నించడంతో వాగ్వాదం జరిగింది. జేసీ ప్రభాకర్ రెడ్డి వెళ్ళిపోయిన తర్వాత ఆయన అనుచరులు వాహనాలను ధ్వంసం చేయడంతో ఉద్రిక్తత పెరిగింది.
Advertisement
టాప్ హెడ్ లైన్స్
తిరుపతి
తాడిపత్రిలో ఉద్రిక్తత.. రేవంత్ రెడ్డి అనుచరుడి వాహనాలు ధ్వంసం చేయడంతో టెన్షన్ టెన్షన్ !
తిరుపతి
చంద్రగిరిలో ఏనుగుల గుంపు రైతులపై దాడులు.. హనుమాన్ బృందాలను మోహరించాలని పవన్ కళ్యాణ్ ఆదేశం
తిరుపతి
తిరుమల అలిపిరి మెట్ల మార్గంలో దర్జాగా స్మోకింగ్ చేసిన వ్యక్తి.. భక్తులు ఆగ్రహం
తిరుపతి
తిరుమల శ్రీవారి భక్తులకు అలర్ట్.. నవంబర్ నెల దర్శన కోటా విడుదల షెడ్యూల్
Advertisement
Advertisement
ట్రెండింగ్ వార్తలు
Dr. Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
