FASTag Recharge Methods: ఫాస్ట్ట్యాగ్ రీఛార్జ్ విధానాలు - హైవే ప్రయాణాన్ని మరింత సులభం చేసే టిప్స్ ..
హైవేలపై ప్రయాణించే వాహనదారుల కోసం ఫాస్ట్ట్యాగ్ రీఛార్జ్ చేసే వివిధ పద్ధతులు ఇంకా కొత్తగా వచ్చిన వార్షిక పాస్ వివరాల గురించి ఇప్పుడు డీటైల్డ్ గా తెలుసుకుందాం.
Complete Guide to FASTag Recharge Methods and Annual Pass: ఇండియాలో రోడ్డు నెట్వర్క్ వేగంగా విస్తరిస్తోంది. దీనికి తోడు బారియర్-ఫ్రీ టోల్ ప్లాజాల రాకతో ఫాస్ట్ట్యాగ్ ప్రాముఖ్యత మరింత పెరిగింది. టోల్ ప్లాజాల వద్ద తక్కువ బ్యాలెన్స్ ఉంటే భారీ జరిమానాలు లేదా డబుల్ టోల్ ఛార్జీలు చెల్లించాల్సి వస్తుంది. కాబట్టి ఎప్పటికప్పుడు బ్యాలెన్స్ చెక్ చేసుకోవడం, రీఛార్జ్ చేయడం చాలా ముఖ్యం. రేడియో ఫ్రీక్వెన్సీ ఐడెంటిఫికేషన్ (RFID) టెక్నాలజీ ద్వారా పనిచేసే ఈ విధానం వల్ల టోల్ గేట్ల వద్ద ఆగాల్సిన అవసరం లేకుండానే డబ్బులు ఆటోమేటిక్గా కట్ అవుతాయి. దీనివల్ల ప్రయాణ సమయం ఆదా అవ్వడమే కాకుండా క్యాష్ ఇచ్చే ఇబ్బంది తప్పుతుంది.
రీఛార్జ్ చేయడానికి సులభమైన పద్ధతులు..
ఫాస్ట్ట్యాగ్ రీఛార్జ్ చేయడం ఇప్పుడు చాలా ఈజీ అయిపోయింది. ఫోన్ పే, గూగుల్ పే, పేటీఎమ్ లేదా భీమ్ వంటి యూపీఐ (UPI) యాప్స్ ద్వారా నిమిషాల్లో ఈ పని పూర్తి చేయవచ్చు. మీ యాప్లో ఫాస్ట్ట్యాగ్ సెక్షన్లోకి వెళ్లి వెహికల్ నంబర్ ఎంటర్ చేసి పేమెంట్ చేయడమే. అలాగే ఫాస్ట్ట్యాగ్ మీద ఉండే క్యూఆర్ (QR) కోడ్ను స్కాన్ చేసి కూడా మనీ యాడ్ చేయవచ్చు. ఒకవేళ మీరు బ్యాంక్ ద్వారా ఫాస్ట్ట్యాగ్ తీసుకుంటే సదరు బ్యాంక్ వెబ్సైట్ లేదా మొబైల్ యాప్లోకి లాగిన్ అయ్యి నెట్ బ్యాంకింగ్, డెబిట్ లేదా క్రెడిట్ కార్డుల ద్వారా బ్యాలెన్స్ పెంచుకోవచ్చు. దీనికోసం ఎన్ హెచ్ఏఐ (NHAI) ప్రత్యేకంగా మైఫాస్ట్ట్యాగ్ (MyFASTag) యాప్ను కూడా అందుబాటులోకి తెచ్చింది.
బ్యాలెన్స్ చెక్ చేయడం ఎలా?
టోల్ ప్లాజా వద్దకు వెళ్ళిన తర్వాత ఇబ్బంది పడకుండా ఉండాలంటే ముందే బ్యాలెన్స్ చూసుకోవడం మంచిది. ప్రతిసారి టోల్ దగ్గర డబ్బులు కట్ అయినప్పుడు మీ రిజిస్టర్డ్ మొబైల్ నంబర్కు ఎస్ఎమ్ఎస్ (SMS) వస్తుంది, అందులో మిగిలిన బ్యాలెన్స్ వివరాలు ఉంటాయి. అది కాకుండా మైఫాస్ట్ట్యాగ్ యాప్లో మీ పూర్తి ట్రాన్సాక్షన్ హిస్టరీ చూసుకోవచ్చు. ఒకవేళ బ్యాలెన్స్ తక్కువగా ఉంటే బ్లాక్లిస్ట్ అయ్యే ప్రమాదం ఉంటుంది. కాబట్టి ప్రయాణానికి ముందే మీ బ్యాంక్ లేదా వాలెట్ యాప్లో బ్యాలెన్స్ సరిచూసుకోవడం ఉత్తమం. నిరంతరం ప్రయాణించే వారికి ఇది ఒక మంచి అలవాటుగా మారుతుంది.
ఫాస్ట్ట్యాగ్ వార్షిక పాస్ ప్రయోజనాలు..
తరచుగా ప్రయాణాలు చేసే వారి కోసం ప్రభుత్వం 'ఫాస్ట్ట్యాగ్ యాన్యువల్ పాస్' (Annual Pass) సౌకర్యాన్ని తీసుకొచ్చింది. ప్రతిసారి రీఛార్జ్ చేసే తలనొప్పి లేకుండా ఏడాదికి ఒకేసారి పేమెంట్ చేయవచ్చు. ప్రైవేట్ కార్లు, జీపులు ఇంకా వ్యాన్ల కోసం ఈ పాస్ అందుబాటులో ఉంది. గత ఏడాది దీని ధర రూ. 3,000 ఉండగా, ఇప్పుడు స్వల్పంగా పెరిగి రూ. 3,075 కి చేరింది. ఈ పాస్ తీసుకుంటే ఒక ఏడాదిలోపు లేదా 200 సార్లు టోల్ క్రాసింగ్స్ వరకు వాడుకోవచ్చు. దీన్ని పొందడం కోసం రాజమార్గ యాత్రా యాప్ లేదా సంబంధిత వెబ్సైట్లో కార్ వివరాలు, ఫాస్ట్ట్యాగ్ ఐడీ ఇచ్చి పేమెంట్ చేయాలి. ట్రాన్సాక్షన్ పూర్తయ్యాక మీ పాత ఫాస్ట్ట్యాగ్ ఐడీకే ఈ పాస్ కనెక్ట్ అవుతుంది.
టాప్ హెడ్ లైన్స్
ట్రెండింగ్ వార్తలు
