PM Modi కాన్వాయ్‌లో 2 వాహనాలు Range Rover , Fortuner లలో సేఫ్టీ, మైలేజీలలో ఏది బెస్ట్ తెలుసా..

ప్రధానమంత్రి నరేంద్ర మోదీ తన కాన్వాయ్‌లో కేవలం రెండు వాహనాలు మాత్రమే ఉపయోగిస్తున్నారు. అయితే రేంజ్ రోవర్, ఫార్చూనర్ కార్లలో భద్రత, మైలేజీ పరంగా వీటిలో ఏది బెస్ట్ ఇక్కడ తెలుసుకోండి.

ప్రధాని నరేంద్ర మోదీ కాన్వాయ్

Source : ANI

Show Quick Read

Key points generated by AI, verified by newsroom

• ఇంధన వినియోగం తగ్గించేందుకు ప్రధాని మోదీ కాన్వాయ్ తగ్గింపు.
• ప్రధాని మోదీ కేవలం రెండు కార్లు రేంజ్ రోవర్, ఫార్చ్యూనర్ వాడుతున్నారు.
• రేంజ్ రోవర్ బుల్లెట్ ప్రూఫ్, లగ్జరీ సెక్యూరిటీ కారు.
• ఫార్చ్యూనర్ స్ట్రాంగ్ బిల్డ్, మైలేజ్, పనితీరుతో ఆకట్టుకుంటుంది.

PM Modi Convoy Cars: న్యూఢిల్లీ: దేశవ్యాప్తంగా పెట్రోల్, డీజిల్ ధరలు రూ.3 కు పైగా పెరిగాయి. రెండున్నర నెలలుగా పశ్చిమాసియాలో నెలకొన్న సంక్షోభం కారణంగా ఆయిల్ కంపెనీలు ఈ నిర్ణయం తీసుకున్నాయి. మరోవైపు ఇంధన వినియోగం తగ్గించేందుకు ప్రధాని నరేంద్ర మోదీ ఇటీవల దేశ ప్రజలకు పిలుపునిచ్చారు. అందులో భాగంగా ఆయన సైతం తన కాన్వాయ్‌ల సంఖ్య భారీగా తగ్గించారు. కేవలం 2 కార్లలో వెళ్తూ ప్రజలతో పాటు నేతలకు ఆదర్శంగా నిలిచారు. అయితే ప్రధాని మోదీ సెక్యూరిటీ మూవ్‌మెంట్‌లో కేవలం 2 రకాల వాహనాలు మాత్రమే కనిపిస్తున్నాయి. ఒకటి రేంజ్ రోవర్ కాగా, రెండోది ఫార్చ్యూనర్ కారు. 

దేశంలో కీలక నేత అయిన నరేంద్ర మోదీ కేవలం రెండు కార్లు రేంజ్ రోవర్, ఫార్చ్యూనర్ వాడుతున్నారు. కొందరు లగ్జరీ అని చెబుతంటే, మరికొందరు ప్రధానికి హై సెక్యూరిటీ ఇస్తాయా అని చర్చిస్తున్నారు. ఫార్చ్యూనర్ స్ట్రాంగ్ బాడీ, మంచి పనితీరుకు ఫేమస్. మైలేజ్, భద్రతలో వీటిలో ఏ కారు పవర్‌ఫుల్, వాటి వివరాలపై ఓ లుక్కేయండి. 

రేంజ్ రోవర్‌లో హై లెవల్ సెక్యూరిటీ
ప్రపంచంలోని అత్యంత ప్రీమియం, హై సెక్యూరిటీ ఎస్‌యూవీలలో (SUV) రేంజ్ రోవర్ ఒకటి. ప్రధాని మోదీ కాన్వాయ్‌లో ఉపయోగించే ప్రత్యేక రేంజ్ రోవర్‌ను బుల్లెట్ రెసిస్టెంట్ టెక్నాలజీ,  అడ్వాన్స్‌డ్ సేఫ్టీ ఫీచర్లతో కంపెనీ తయారుచేసింది. ఇందులో బలమైన బాడీ షెల్, బ్లాస్ట్ ప్రొటెక్షన్, హైటెక్ కమ్యూనికేషన్ సిస్టమ్ ఫీచర్లు ఇచ్చారు. అందుకే ఎస్పీజీ (SPG) లాంటి పెద్ద సెక్యూరిటీ ఏజెన్సీలు ఈ వాహనాన్ని ఎక్కువగా వినియోగిస్తాయి. 

అయితే మైలేజ్ విషయానికి వస్తే, ఇంత భారీ, పవర్‌ఫుల్ ఎస్‌యూవీ ఎక్కువ ఇంధనం వినియోగిస్తుంది. సాధారణంగా దీని మైలేజీ లీటరుకు 6 నుండి 8 కిలోమీటర్ల వరకు ఇస్తుందని భావిస్తారు. కానీ ఇక్కడ మైలేజీపై కాకుండా భద్రత, పనితీరుతో నమ్మకమైన వాహనంగా మారింది. అద్భుతమైన రోడ్ ప్రెజెన్స్, లగ్జరీ ఇంటీరియర్ కారణంగా ఈ వాహనం విఐపి (VIP) మూవ్‌మెంట్‌కు  ప్రాధాన్యతగా నిలుస్తుంది.

అద్భుతమైన మైలేజీ ఇచ్చే ఫార్చునర్
టొయోటా ఫార్చూనర్ విషయానికి వస్తే, భారత్‌లోని నాయకులు, అధికారులు, భద్రతా ఏజెన్సీలకు ఫేవరెట్ అని చెప్పవచ్చు. స్ట్రాంగ్ బిల్డ్ క్వాలిటీ, నమ్మకమైన ఇంజన్ వల్ల కారుపై నమ్మకం ఎక్కువే. అధ్వాన్నమైన రోడ్ల నుండి హైవేల వరకు ఫార్చూనర్ ప్రతిచోటా అద్భుతమైన పనితీరుతో కస్టమర్ల నమ్మకాన్ని నిలబెట్టుకుంది. అందుకే ప్రధాని మోదీ కాన్వాయ్‌లో కూడా ఈ వెహికిల్ కనిపిస్తుంది. మైలేజ్ పరంగా ఫార్చూనర్.. రేంజ్ రోవర్ కంటే చాలా ముందుందని చెబుతారు. దీని డీజిల్ వేరియంట్ లీటరుకు సుమారు 10 నుంచి 12 కిలోమీటర్ల మైలేజీని ఇస్తుంది.

భద్రత కోసం ఇందులో మల్టీ ఎయిర్‌బ్యాగ్‌లు, వెహికల్ స్టెబిలిటీ కంట్రోల్, బలమైన ఛాసిస్ వంటి ఫీచర్లు ఉన్నాయి. ఫార్చూనర్ ఈజీగా కనిపిస్తున్నప్పటికీ ప్రజలకు బాగా నచ్చుతుంది. అందుకే తక్కువ ఖర్చులో అధిక భద్రత, బెస్ట్ పనితీరు కోరుకునే వారికి ఈ SUV మంచి ఎంపికగా ఉంది.

మరిన్ని చదవండి

పొదుపు పిలుపే కాదు..పాటిస్తున్నారు కూడా - కాన్వాయ్‌ సైజ్ తగ్గించుకున్న మోదీ - అదే బాటలో వీఐపీలు

అప్రమత్తతే రక్ష - ప్రధాని మోదీ ఏడు సూత్రాలు రాజకీయం కాదు, ఆర్థిక యుద్ధ తంత్రం!