Toyota Starlet Safety Test: క్రాష్ టెస్టులో అట్ట‌ర్ ప్లాఫ్ అయిన‌ టయోటా స్టార్లెట్:  రేటింగ్ తెలిస్తే షాకే..!

Toyota Starlet Safety Test: మారుతి సుజుకి బాలెనో ఆధారంగా తయారైన టయోటా స్టార్లెట్ కారు గ్లోబల్ ఎన్‌క్యాప్ క్రాష్ టెస్టులో అడల్ట్ సేఫ్టీ పరంగా సున్నా రేటింగ్‌ను పొంది షాక్ ఇచ్చింది.

టయోటా స్టార్లెట్ కారు గ్లోబల్ ఎన్‌క్యాప్ క్రాష్ టెస్టు

Source : x.com/_ArriveAlive

Show Quick Read

Key points generated by AI, verified by newsroom

• టయోటా స్టార్లెట్ కార్ అడల్ట్ ఆక్యుపెంట్ విభాగంలో జీరో స్టార్ రేటింగ్ పొందింది.
• ఫ్రంటల్, సైడ్ ఇంపాక్ట్ పరీక్షల్లో డ్రైవర్ ఛాతీ రక్షణ చాలా తక్కువగా ఉంది.
• పిల్లల భద్రత విభాగంలో మూడు స్టార్లను సాధించింది, అయితే పెద్దల భద్రత లోపించింది.
• కొత్త మోడల్ లో సైడ్ ఎయిర్ బ్యాగ్స్ స్టాండర్డ్ గా అందిస్తున్నారు.

Toyota Starlet Scores Zero Stars in Global NCAP Safety Test: ఇండియాలో ఎంతో పాపులర్ అయిన మారుతి సుజుకి బాలెనో అలాగే టయోటా గ్లాంజా మోడళ్లకు రీబ్యాడ్జ్ వెర్షన్‌గా వస్తున్న టయోటా స్టార్లెట్ కారు భద్రత విషయంలో దారుణంగా విఫలమైంది. గ్లోబల్ ఎన్‌క్యాప్ (Global NCAP) నిర్వహించిన 'సేఫర్ కార్స్ ఫర్ ఆఫ్రికా' ప్రోగ్రామ్‌లో ఈ కారుకు అడల్ట్ ఆక్యుపెంట్ ప్రొటెక్షన్ విభాగంలో జీరో స్టార్ రేటింగ్ వచ్చింది. చైల్డ్ సేఫ్టీలో మాత్రం మూడు స్టార్లను సాధించినప్పటికీ, ఓవరాల్‌గా ప్రాథమిక క్రాష్ ప్రొటెక్షన్ లో ఉన్న లోపాలను ఈ ఫలితాలు ఎత్తిచూపుతున్నాయి. ఆఫ్రికా లాంటి ఎగుమతి మార్కెట్ల కోసం తయారు చేసిన ఈ కారు భద్రతపై ఇప్పుడు ఆందోళన మొదలైంది.

అడల్ట్ సేఫ్టీలో భారీ లోపాలు..

గ్లోబల్ ఎన్‌క్యాప్ నిర్వహించిన ఫ్రంటల్ ఇంకా సైడ్ ఇంపాక్ట్ టెస్టులలో టయోటా స్టార్లెట్ అడల్ట్ సేఫ్టీ పరంగా 34 పాయింట్లకు గానూ సున్నా పాయింట్లు మాత్రమే సాధించింది. ముందు వైపు నుండి జరిగిన క్రాష్ టెస్టులో డ్రైవర్ ఛాతీ భాగంలో రక్షణ చాలా తక్కువగా ఉన్నట్లు తేలింది. అలాగే ప్యాసింజర్ తలకు అందాల్సిన సేఫ్టీ కూడా ఆశించిన స్థాయిలో లేదు. ముఖ్యంగా కారు లోపల కాలు ఉంచే భాగం (Footwell area) తీవ్రంగా దెబ్బతింది. ఇక సైడ్ బారియర్ టెస్టులో కూడా తల ఇంకా ఛాతీ భాగాలకు రక్షణ కరువైంది. దీనివల్లే ఈ కారుకు జీరో స్టార్ రేటింగ్ కేటాయించినట్లు అధికారులు వెల్లడించారు.

పిల్లల రక్షణలో మెరుగైన ప్రదర్శన..

పిల్లల భద్రత (Child Safety) విషయానికి వస్తే, స్టార్లెట్ 49 పాయింట్లకు గానూ 29.33 పాయింట్లు సాధించి మూడు స్టార్లను దక్కించుకుంది. 18 నెలల చిన్నారి డమ్మీకి మంచి రక్షణ లభించినట్లు నివేదిక పేర్కొంది. అయితే మూడేళ్ల చిన్నారి డమ్మీ తల భాగం సైడ్ టెస్టులో లోపలి భాగాలకు తగలడం వల్ల కొన్ని పాయింట్లు కోల్పోయింది. ఈ రెండు పరీక్షల్లో కూడా వెనుక వైపు ముఖం ఉండే చైల్డ్ సీట్లను సీట్‌బెల్ట్ సాయంతో బిగించి టెస్ట్ చేశారు. ఈ విభాగంలో మెరుగ్గా ఉన్నా, పెద్దవారి భద్రతలో ఉన్న వైఫల్యం కారు ఓవరాల్ ఇమేజ్ మీద దెబ్బకొట్టింది.

తయారీ ,తాజా అప్‌డేట్స్..

ఈ టయోటా స్టార్లెట్ కారులో డ్యూయల్ ఫ్రంట్ ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్ వంటివి స్టాండర్డ్‌గా వస్తాయి. కానీ సైడ్ లేదా కర్టెన్ ఎయిర్‌బ్యాగ్‌లు లేకపోవడం పెద్ద లోపంగా మారింది. మారుతి సుజుకి ప్లాట్‌ఫామ్‌పై గుజరాత్ ప్లాంట్‌లో తయారైన ఈ కారు, మన దేశంలోని బాలెనో అండర్‌పిన్నింగ్స్‌నే పంచుకుంటుంది. అయితే క్రాష్ టెస్ట్ ఫలితాల తర్వాత టయోటా ఒక కీలక ప్రకటన చేసింది. సౌత్ ఆఫ్రికా మార్కెట్లోకి వచ్చే కొత్త స్టార్లెట్ వేరియంట్లలో సైడ్ హెడ్ ఇంకా థొరాక్స్ ఎయిర్‌బ్యాగ్‌లను స్టాండర్డ్ ఫీచర్లుగా ఇస్తున్నట్లు తెలిపింది. ఈ అప్‌డేటెడ్ మోడల్‌ను కూడా మరోసారి పరీక్షించి పాత దానికి దీనికి ఉన్న తేడాలను గ్లోబల్ ఎన్‌క్యాప్ త్వరలోనే వెల్లడించనుంది.

మరిన్ని చదవండి

పెద్ద కుటుంబాలకు ఈ 7 సీటర్ కార్లు బెస్ట్.. జాబితాలో Ertiga, Bolero మరింత ప్రత్యేకం

120 కిలోమీటర్ల కంటే ఎక్కువ రేంజ్ కలిగిన టూవీలర్ ఈవీల జాబితా ఇదే! ధరలు, ఫీచర్స్ తెలుసుకోండి!