Vivo T1x 5G: వివో కొత్త 5జీ ఫోన్ వచ్చేస్తుంది - సూపర్ ఫీచర్లు!

వివో టీ1ఎక్స్ మనదేశంలో త్వరలో లాంచ్ కానుందని తెలుస్తోంది. ఈ వివో ఫోన్ చైనాలో గతేడాది లాంచ్ అయింది. దీనికి సంబంధించిన వివరాలు ఇంకా తెలియాల్సి ఉంది. ఇందులో వెనకవైపు మూడు కెమెరాలు ఉండనున్నాయి. ఆక్టాకోర్ మీడియాటెక్ డైమెన్సిటీ 900 ప్రాసెసర్‌పై ఈ ఫోన్ పనిచేయనుంది. ఈ విషయాన్ని ప్రముఖ టిప్‌స్టర్ పరాస్ గుగ్లానీ ట్వీట్ చేశాడు.

వివో టీ1ఎక్స్ ధర (అంచనా)
చైనాలో ఈ ఫోన్ ధర 1,699 యువాన్ల (సుమారు రూ.20,000) నుంచి ప్రారంభం కానుంది. మనదేశంలో కూడా దీని ధర అదే రేంజ్‌లో ఉండే అవకాశం ఉంది. అయితే అధికారికంగా ఎంత ఉండనుందో మాత్రం లాంచ్ అయ్యే దాకా తెలియరాలేదు.

వివో టీ1ఎక్స్ స్పెసిఫికేషన్లు (అంచనా)
ఆండ్రాయిడ్ ఆపరేటింగ్ సిస్టంపై వివో టీ1ఎక్స్ పనిచేయనుంది. ఇందులో 6.58 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. ఆక్టాకోర్ మీడియాటెక్ డైమెన్సిటీ 900 ప్రాసెసర్‌పై ఈ ఫోన్ పనిచేయనుంది.. 8 జీబీ వరకు ర్యామ్, 256 జీబీ వరకు స్టోరేజ్‌ను అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 64 మెగాపిక్సెల్ కాగా... దీంతోపాటు 2 మెగాపిక్సెల్ మాక్రో సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా అందించారు.

దీని బ్యాటరీ సామర్థ్యం 5000 ఎంఏహెచ్‌గా ఉంది. 5జీ, 4జీ ఎల్టీఈ, వైఫై, జీపీఎస్/ఏ-జీపీఎస్, ఎఫ్ఎం రేడియో, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ కూడా ఇందులో ఉన్నాయి. ఫింగర్ ప్రింట్ సెన్సార్‌ను ఫోన్ పక్క భాగంలో అందించారు. 

Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?

Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!

 

 

 

 

 

View this post on Instagram

 

 

 

 

 

 

 

 

 

 

 

A post shared by DroidAfrica (@droid_africa)