OnePlus 10R 5G: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
ప్రముఖ స్మార్ట్ ఫోన్ బ్రాండ్ వన్‌ప్లస్ మనదేశంలో తన కొత్త స్మార్ట్‌ఫోన్ వన్‌ప్లస్ 10ఆర్‌ను లాంచ్ చేసింది. దీని ధర రూ.38,999 నుంచి ప్రారంభం కానుంది.
వన్‌ప్లస్ 10ఆర్ 5జీ స్మార్ట్ ఫోన్ మనదేశంలో గురువారం లాంచ్ అయింది. దీంతోపాటు 150W ఫాస్ట్ చార్జింగ్ సపోర్ట్ ఉన్న ఎన్‌డ్యూరెన్స్ ఎడిషన్ కూడా లాంచ్ అయింది. మీడియాటెక్ డైమెన్సిటీ 8100 ప్రాసెసర్‌పై ఈ ఫోన్ పని చేయనుంది. ఫోన్ వెనకవైపు మూడు కెమెరాలు అందించారు.
వన్‌ప్లస్ 10ఆర్ 5జీ ధర
వన్‌ప్లస్ 10ఆర్‌లో రెండు వేరియంట్లు లాంచ్ అయ్యాయి. వీటిలో 8 జీబీ ర్యామ్ + 128 జీబీ స్టోరేజ్ ఉన్న 80W సూపర్‌వూక్ మోడల్ ధర రూ.38,999గానూ, 12 జీబీ ర్యామ్ + 256 జీబీ స్టోరేజ్ ఉన్న 80W మోడల్ ధర రూ.42,999గా నిర్ణయించారు. ఇక 150W ఫాస్ట్ చార్జింగ్ ఉన్న ఎన్‌డ్యూరెన్స్ మోడల్ ధర రూ.43,999గా ఉంది. ఫారెస్ట్ గ్రీన్, సియర్రా బ్లాక్ కలర్ ఆప్షన్లలో ఈ ఫోన్ అందుబాటులో ఉంది. మే 4వ తేదీన వీటి సేల్ ప్రారంభం కానుంది.
వన్‌ప్లస్ 10ఆర్ 5జీ ఫీచర్లు
ఆండ్రాయిడ్ 12 ఆధారిత ఆక్సిజన్ఓఎస్ 12.1 ఆపరేటింగ్ సిస్టంపై ఈ ఫోన్ పనిచేయనుంది. 6.7 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను ఈ స్మార్ట్ ఫోన్‌లో అందించారు. దీని డిస్‌ప్లే యాస్పెక్ట్ రేషియో 20:9 కాగా... స్క్రీన్ రిఫ్రెష్ రేట్ 120 హెర్ట్జ్‌గా ఉంది. డిస్‌ప్లే ప్రొటెక్షన్ కోసం 2.5డీ కర్వ్‌డ్ కార్నింగ్ గొరిల్లా గ్లాస్ 5 ప్రొటెక్షన్ కూడా వన్‌ప్లస్ 10ఆర్‌లో అందించారు.
12 జీబీ వరకు ర్యామ్, 512 జీబీ వరకు స్టోరేజ్ ఈ స్మార్ట్ ఫోన్‌లో ఉంది. ఆక్టాకోర్ మీడియాటెక్ డైమెన్సిటీ 8100 మ్యాక్స్ ప్రాసెసర్‌పై వన్‌ప్లస్ 10ఆర్ పనిచేయనుంది. 4500 ఎంఏహెచ్ బ్యాటరీ, 80W ఫాస్ట్ చార్జింగ్ ఉన్న ఆప్షన్, 5000 ఎంఏహెచ్, 150W ఫాస్ట్ చార్జింగ్ ఉన్న ఆప్షన్లు ఈ స్మార్ట్ ఫోన్‌లో ఉన్నాయి.
ఇక కెమెరాల విషయానికి వస్తే... వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ మాక్రో లెన్స్ కూడా ఉన్నాయి. ముందువైపు సెల్ఫీలు, వీడియో కాల్స్ కోసం 16 మెగాపిక్సెల్ శాంసంగ్ ఐసోసెల్ ఎస్5కే3పీ9 సెన్సార్‌ను అందించారు.
5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉన్నాయి. యాక్సెలరో మీటర్, యాంబియంట్ లైట్ సెన్సార్, గైరోస్కోప్, మ్యాగ్నెటోమీటర్, ప్రాక్సిమిటీ సెన్సార్లు కూడా వన్‌ప్లస్ 10ఆర్‌లో అందించారు. ఈ స్మార్ట్ ఫోన్ మందం 0.82 సెంటీమీటర్లు కాగా... బరువు 186 గ్రాములుగా ఉంది.
View this post on Instagram
టాప్ హెడ్ లైన్స్
ట్రెండింగ్ వార్తలు
