OnePlus 10T: 150W ఫాస్ట్ చార్జింగ్‌తో వన్‌ప్లస్ 10టీ - కేవలం అరగంటలోనే ఫుల్ చార్జ్!

ప్రస్తుతం వన్‌ప్లస్ తన 10 సిరీస్‌లో కొత్త స్మార్ట్ ఫోన్‌పై పనిచేస్తుంది. అదే వన్‌ప్లస్ 10టీ. దీనికి ఓవల్‌టైన్ అనే కోడ్‌నేమ్ పెట్టినట్లు తెలుస్తోంది. ఇందులో 6.7 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లే ఉండనుంది. దీని స్క్రీన్ రిఫ్రెష్ రేట్ 120 హెర్ట్జ్ కాగా... క్వాల్‌కాం స్నాప్‌డ్రాగన్ 8 ప్లస్ జెన్ 1 ప్రాసెసర్‌పై ఈ ఫోన్ పనిచేయనుంది. వన్‌ప్లస్ 10 ప్రో కంటే దీని ధర తక్కువగానే ఉండనుందని తెలుస్తోంది.

వన్‌ప్లస్ 10టీ ధర (అంచనా)
ఐటీహోం వెబ్‌సైట్ కథనం ప్రకారం... వన్‌ప్లస్ 10టీ స్మార్ట్ ఫోన్ ధర చైనాలో 3,000 నుంచి 4,000 యువాన్ల (మనదేశ కరెన్సీలో సుమారు రూ.35,000 నుంచి రూ.47,000 మధ్య) మధ్య ఉండనుంది. ఈ వన్‌ప్లస్ ఫోన్ ఈ సంవత్సరమే మనదేశంలో లాంచ్ అయ్యే అవకాశం ఉంది. తాజాగా లీకైన రెండర్ల ప్రకారం బ్లాక్, మింట్ గ్రీన్, వైట్ రంగుల్లో ఈ ఫోన్ కొనుగోలు చేయవచ్చు.

వన్‌ప్లస్ 10టీ స్పెసిఫికేషన్లు (అంచనా)
ఇందులో 6.7 అంగుళాల ఫుల్ హెచ్‌డీ+ ఎల్టీపీవో 2.0 అమోఎల్ఈడీ డిస్‌ప్లే ఉండనుంది. దీని స్క్రీన్ రిఫ్రెష్ రేట్ 120 హెర్ట్జ్‌గానూ, టచ్ శాంప్లింగ్ రేట్ 180 హెర్ట్జ్‌గానూ ఉండనుంది. హెచ్‌డీఆర్10 సపోర్ట్ కూడా ఇందులో అందించారు. స్క్రీన్ ప్రొటెక్షన్ కోసం కార్నింగ్ గొరిల్లా గ్లాస్ ప్రొటెక్షన్ కూడా ఉండనుంది.

క్వాల్‌కాం స్నాప్‌డ్రాగన్ 8 ప్లస్ జెన్ 1 ప్రాసెసర్‌పై ఈ ఫోన్ పనిచేయనుంది. 12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉండనున్నాయి. ఫోన్ వెనకవైపు మూడు కెమెరాలు సెటప్ ఉంది. వీటిలో ప్రధాన కెమెరా సామర్థ్యం 50 మెగాపిక్సెల్ కాగా దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో షూటర్ కూడా అందించనున్నారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉంది.

దీని బ్యాటరీ సామర్థ్యం 4800 ఎంఏహెచ్‌గా ఉండనుంది. 150W ఫాస్ట్ చార్జింగ్‌ను ఇది సపోర్ట్ చేయనుంది. అరగంటలోపే బ్యాటరీ ఫుల్‌గా చార్జ్ కానుంది. సెక్యూరిటీ కోసం ఇన్‌డిస్‌ప్లే ఫింగర్ ప్రింట్ సెన్సార్ కూడా ఈ ఫోన్‌లో అందించనున్నారు. డ్యూయల్ స్పీకర్ సెటప్ ఇందులో ఉండనుంది. బ్లూటూత్ వీ5.3 కనెక్టివిటీతో ఈ ఫోన్ లాంచ్ కానుందని తెలుస్తోంది.

Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?

Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!