TVK Chief Vijay: తమిళనాడులో విజయ్‌కు మరో షాక్‌! భద్రత, కాన్వాయ్‌ వెనక్కి! ప్రమాణ స్వీకారం లేనట్టే!

TVK Vijay: తమిళనాడులో రాజకీయం రోజుకో మలుపు తిరుగుతోంది. టీవీకే అధినేత విజయ్‌కు చుక్కలు కనిపిస్తున్నాయి. ప్రమాణ స్వీకారానికి గవర్నర్‌ అంగీకరించకలేదు. ఇప్పుడు భద్రత, కాన్వాయ్‌ను వెనక్కి తీసుకున్నారు.

తమిళనాడులో విజయ్‌కు మరో షాక్‌! భద్రత, కాన్వాయ్‌ వెనక్కి! ప్రమాణ స్వీకారం లేనట్టే!

Source : PTI

Show Quick Read

Key points generated by AI, verified by newsroom

• తమిళనాడులో టీవీకే 107 సీట్లు గెలిచి, ప్రభుత్వాన్ని ఏర్పాటు చేయలేదు.
• మెజారిటీకి 118 ఎమ్మెల్యేల మద్దతు అవసరం, కాంగ్రెస్ మాత్రమే మద్దతు ఇచ్చింది.
• గవర్నర్ మెజారిటీ నిరూపించుకునే వరకు ప్రమాణస్వీకారం నిరాకరించారు.
• అన్నాడీఎంకే తన ఎమ్మెల్యేలను రిసార్ట్‌కు తరలించి, టీవీకేకు మద్దతుపై విభేదాలున్నాయి.

TVK Chief Vijay: తమిళనాడులో అసలైన రాజకీయం అంటే ఏంటో టీవీకే అధినేత విజయ్ చూస్తున్నారు. ఎన్నికల్లో ఎక్కువ సీట్లు సాధించినప్పటికీ ప్రభుత్వాన్ని ఏర్పాటు చేసే మెజారిటీ రాకపోవడంతో ఇప్పుడు ఆయనకు చిక్కుల్లో పడేసింది. కాంగ్రెస్ పార్టీ మద్దతు ఇచ్చినప్పటికీ ఇంకా ఆరుగురు కావాల్సి ఉంది. వారి కోసం ఆయా పార్టీలతో టీవీకే సంప్రదింపులు జరుపుతోంది. ఇంతలో ప్రమాణస్వీకార ప్రక్రియ పూర్తి చేయాలనే ఆయన ఆలోచనపై ఆదిలోనే గవర్నర్‌ నీళ్లు చల్లారు. పూర్తి మెజారిటీ నిరూపించుకునే వరకు ప్రమాణస్వీకారం లేదని తేల్చి చెప్పేశారు. ఇప్పుడు ఆయనకు కేటాయించిన భద్రత, కాన్వాయ్‌ను అధికారులు వెనక్కి తీసుకున్నారు. ఎక్కువ సీట్లు సాధించినందుకు ముఖ్యమంత్రిగా ఆయన ప్రమాణం చేస్తారని ఫలితాలు వచ్చిన రోజునే విజయ్‌కు ఫుల్ సెక్యూరిటీ ఇచ్చారు. ముఖ్యమంత్రి స్థాయి కాన్వాయ్‌ను కేటాయించారు. అయితే ఇప్పుడు ఆ దిశగా ముందడుగు పడకపోవడంతో భద్రతను వెనక్కి తీసుకున్నారు. దీంతో తనకు కేటాయించిన కాన్వాయ్‌ను కూడా విజయ్ వెనక్కి ఇచ్చేశారు.  

తమిళనాడు అసెంబ్లీ ఎన్నికల్లో ప్రజలు ఎవరికీ సరైన మెజారిటీని ఇవ్వలేదు. విజయ్‌ నేతృత్వంలోని టీవీకే 108 స్థానాలు గెలుచుకుంది. అయితే అందులో రెండు స్థానాలు విజయ్‌వి కావడంతో ఓవరాల్‌గా సీట్లు సంఖ్య 107గా ఉంది. తమిళనాడులో ప్రభుత్వం ఏర్పాటు చేయాలంటే 118 మంది ఎమ్మెల్యేలు మద్దతు అవసరం. ఆ మద్దతు లేనందున విజయ్ సొంతంగా ప్రభుత్వాన్ని ఏర్పాటు చేయలేరు. దీని కోసం అన్ని పార్టీల మద్దతును అడుగుతున్నారు. ఐదు సీట్లు ఉన్న కాంగ్రెస్ మద్దతు ఇచ్చేందుకు అంగీకరించింది. అయినా మ్యాజిక్ ఫిగర్‌ సాధించలేకపోయారు. ఇప్పుడు మిగతా పార్టీలు వచ్చేందుకు అంగీకరించడం లేదు.

ఏదోలా ప్రమాణస్వీకారం చేసి తర్వాత పార్టీల మద్దతు, కలిసి వచ్చే ఎమ్మెల్యేలతో మ్యాజిక్ ఫిగర్ సాధించి బల నిరూపణ చేసుకుందామని విజయ్ అనుకున్నారు. కానీ ప్రమాణస్వీకారానికి గవర్నర్‌ అంగీకరించడం లేదు. ముందు మ్యాజిక్ ఫిగర్ తెచ్చుకొని రావాలని సూచించారు. మంచి ముహూర్తం ఉందని ఇవాళ ప్రమాణస్వీకార మహోత్సవం చేద్దామని అనుకున్నారు. కానీ ఇది వాయిదా పడే అవకాశం ఉంది. ఇప్పుడు కలిసి వచ్చే వారితో విజయ్ చర్చలు జరుపుతున్నారు. 

ఎమ్మెల్యేలు జారిపోతారేమో అన్న భయంతో అన్నాడీఎంకే తన ఎమ్మెల్యేలను రిసార్ట్‌కు తరలించింది. టీవీకేకు మద్దతు ఇవ్వడంపై ఇప్పటికే విభేదాలు తలెత్తాయి. అందుకే టీవీకేకు అనుకూలంగా మాట్లాడిన 27 మంది ఎమ్మెల్యేలను పుదుచ్చేరి పంపించారు. వీళ్లకు సీవీకే షణ్ముగం నేతృత్వం వహిస్తున్నారు. విజయ్ తన ప్రభుత్వాన్ని ఏర్పాటు చేసిన తర్వాత వారిని అసెంబ్లీకి రప్పించే అవకాశం ఉంది. 

చిన్న చితక పార్టీలను విజయ్ సంప్రదిస్తున్నప్పటికీ వారంతా కలిసి బలం 118కి చేరుకుంటుంది. ఈ సంఖ్యతో ఏం స్టేబుల్ ప్రభుత్వం ఏలా ఏర్పాటు చేస్తారో అన్న సందేహం చాలా మందిలో ఉంది. ఇప్పుడే పాలనా అనుభవం, రాజకీయ అనుభవం లేని విజయ్‌కు పార్టీలు మూడుచెరువుల నీళ్ల తాగిస్తున్నాయి. ఒకవేల అరకొర మెజారిటీతో ప్రభుత్వాన్ని ఏర్పాటు చేస్తే తను అనుకున్నట్టు పాలన సాగించడం అంత ఈజీయేనా అన్న చర్చ మొదలైంది. ఇలాంటి ప్రభుత్వానికి దినదిన గండం నూరేళ్లు ఆయుస్సులా ఉంటుందని అంటున్నారు. 

మరిన్ని చదవండి

స్టాలిన్‌కు రజనీకాంత్ ఓదార్పు - రాజకీయంగానూ మార్పులొస్తున్నాయా?