TVK MLAs: ఒకరు నడిరోడ్డుపై తాగుతూ చిందులేశారు - మరొకరు తల్వార్‌తో కేక్ కట్ చేశారు - అప్పుడే టీవీకే ఎమ్మెల్యేల తీరు వివాదాస్పదం

TVK MLAs : టీవీకే ఎమ్మెల్యేల వివాదాస్పద ప్రవర్తన హైలెట్ అవుతోంది. ఒక్క రోజులోనే ఇద్దరు ఎమ్మెల్యేల తీరు సోషల్ మీడియాలో వైరల్ అయింది.

ఒకరు నడిరోడ్డుపై తాగుతూ చిందులేశారు - మరొకరు తల్వార్‌తో కేక్ కట్ చేశారు - అప్పుడే టీవీకే ఎమ్మెల్యేల తీరు వివాదాస్పదం

Source : x

TVK MLAs controversial behavior : తమిళనాడులో ప్రభుత్వాన్ని ఏర్పాటు చేయబోతున్న తమిళగ వెట్రి కళగం  పార్టీకి అప్పుడే తలనొప్పులు మొదలయ్యాయి. పార్టీ ఎమ్మెల్యేలు బాధ్యతాయుతంగా ప్రవర్తించాల్సింది పోయి, గెలిచిన తొలి రోజే వివాదాలకు కేంద్రబిందువుగా మారుతున్నారు. ప్రజలు మార్పు కోరుకుని ఓట్లేస్తే, ప్రజాప్రతినిధులు మాత్రం బాధ్యతను గాలికొదిలేశారన్న విమర్శలు వెల్లువెత్తుతున్నాయి.

తంజావూరు ఎమ్మెల్యే  మత్తు  చిందులు 

తంజావూరు అసెంబ్లీ నియోజకవర్గం నుండి టీవీకే అభ్యర్థిగా గెలిచిన ఎమ్మెల్యేకు సంబంధించిన ఒక వీడియో ఇప్పుడు సోషల్ మీడియాలో వైరల్ అవుతోంది. అందులో ఆయన మద్యం మత్తులో ఊగుతూ, అసభ్యంగా డ్యాన్స్ చేస్తూ కనిపించడం స్థానిక ప్రజలను విస్మయానికి గురిచేసింది.  తంజావూరు ప్రజలు కోరుకున్న మార్పు ఇదేనా  అంటూ నెటిజన్లు ఆ వీడియోను రీ-పోస్ట్ చేస్తూ విజయ్ పార్టీని టార్గెట్ చేస్తున్నారు. ప్రజాప్రతినిధి హోదాలో ఉన్న వ్యక్తి ఇలా బహిరంగంగా తాగి తందనాలడటం పార్టీ ప్రతిష్టను దిగజార్చుతోంది.    

இதோ தஞ்சை மக்கள் விரும்பிய மாற்றம் தொடங்கியது.!!!

அமையவிருக்கும் மைனாரிட்டி அரசின் தஞ்சாவூர் சட்டமன்ற உறுப்பினரின் போதை ஆட்டம்.

Here comes the change that the people of Thanjavur wanted.!!!

The drunken dance of the Thanjavur MLA of the upcoming minority government.#TVKfails… pic.twitter.com/iiYUDGr8Cn

— Trends DMK (@TrendsDmk) May 6, 2026

కత్తితో కేక్ కటింగ్.. బాధ్యతారాహిత్యం 

మరోవైపు, టీవీకేకు చెందిన ఇంకొక ఎమ్మెల్యే తన అనుచరులతో కలిసి సంబరాలు చేసుకుంటూ.. ఏకంగా కత్తితో కేక్ కట్ చేయడం వివాదాస్పదమైంది. సాధారణంగా రౌడీ షీటర్లు, సంఘ విద్రోహ శక్తులు ఇటువంటి పనులు చేస్తూ వార్తల్లో నిలుస్తుంటారు. కానీ, చట్టసభకు ఎన్నికైన ఒక గౌరవనీయ ఎమ్మెల్యే ఇలా కత్తితో కేక్ కట్ చేసి, ఆ వీడియోను సోషల్ మీడియాలో పెట్టడం ఆయన బాధ్యతారాహిత్యానికి నిదర్శనమన్న విమర్శలు వస్తున్నాయి. ప్రజల్లో శాంతిభద్రతలపై భరోసా కల్పించాల్సిన వారే ఇలాంటి చర్యలకు పాల్పడటంపై సర్వత్రా నిరసన వ్యక్తమవుతోంది.  

This guy is an auto rickshaw driver from Vijay's party and now he is MLA and his name is Vijay Dhanu.

Just look at this celebration. Cutting cake with sword and all.

He already started weird behaviour. pic.twitter.com/8QuU5vIk3Q

— 👑Che_ಕೃಷ್ಣ🇮🇳💛❤️ (@ChekrishnaCk) May 6, 2026

 విజయ్‌కు మొదలైన తలనొప్పులు 

ప్రభుత్వ ఏర్పాటు కోసం విజయ్ ఒకవైపు మద్దతు కోసం పాట్లు పడుతుంటే, మరోవైపు తన ఎమ్మెల్యేల ప్రవర్తన ఆయనకు పెద్ద తలనొప్పిగా మారింది. పార్టీని క్రమశిక్షణతో నడిపిస్తానని, అవినీతి రహిత పాలన అందిస్తానని హామీ ఇచ్చిన విజయ్.. ఇప్పుడు తన ఎమ్మెల్యేల ఆగడాలపై ఎలా స్పందిస్తారనేది ఆసక్తికరంగా మారింది. అప్పుడే వీరు ఇలా ఉంటే, ఇక ఐదేళ్ల కాలంలో పరిస్థితి ఇంకెలా ఉంటుందోనన్న ఆందోళన సామాన్య ఓటర్లలో వ్యక్తమవుతోంది.                      

 

మరిన్ని చదవండి

స్టాలిన్‌కు రజనీకాంత్ ఓదార్పు - రాజకీయంగానూ మార్పులొస్తున్నాయా?

విజయ్ రాజీనామా చేసే సీటులో పోటీ చేసే టఫ్‌ ఆఫీసర్‌ బ్యాక్ గ్రౌండ్ మామూలుగా లేదు! అవినీతిపరులకు వణుకే!