Telangana Political Friends: బీఆర్ఎస్, కాంగ్రెస్ పార్టీల ఫ్రెండ్స్ మారిపోయారా? - రేవంత్,జగన్ ఎందుకిలా?

Revanth And Jagan: తెలంగాణ పొలిటికల్ ఫ్రెండ్ షిప్‌ల మధ్య ఇప్పుడు క్రాకులు వచ్చినట్లుగా కనిపిస్తోంది. చంద్రబాబును ఇబ్బంది పెట్టేలా రేవంత్, కేసీఆర్ ను ఇబ్బంది పెట్టేలా జగన్ మాట్లాడుతున్నారు.

బీఆర్ఎస్, కాంగ్రెస్ పార్టీల ఫ్రెండ్స్ మారిపోయారా? - రేవంత్,జగన్ ఎందుకిలా?

Source : x

Telangana Political Friends change: తెలంగాణ, ఆంధ్రప్రదేశ్ రాజకీయాల్లో ప్రస్తుతం కనిపిస్తున్న పరిణామాలు  ఇప్పటి వరకూ ఉన్న సీన్‌ను మార్చేస్తున్నాయి.  ఒకప్పుడు చంద్రబాబు-రేవంత్ రెడ్డిల మధ్య ఉన్న గురుశిష్యుల బంధం, అలాగే జగన్-కేసీఆర్ మధ్య ఉన్న సఖ్యత ఇప్పుడు  మారిపోయిన సూచనలు కనిపిస్తున్నాయి.   రాష్ట్రాల ప్రయోజనాలు ,  రాజకీయ వ్యూహాల కోసం పార్టీలు తమ పాత లింకులను తెంచుకుని కొత్త కాంబినేషన్లను వెతుక్కుంటున్నట్లు కనిపిస్తోంది.
 
 మారుతున్న కాంబినేషన్లు- రేవంత్ వర్సెస్ బాబు? 

చంద్రబాబు నాయుడు,  రేవంత్ రెడ్డి మధ్య ఉన్న సంబంధం అందరికీ తెలిసిందే. రేవంత్ రెడ్డి రాజకీయ ఎదుగుదలలో చంద్రబాబు పాత్ర కీలకమైంది. అయితే, ముఖ్యమంత్రిగా రేవంత్ బాధ్యతలు చేపట్టాక కూడా చంద్రబాబుకు వ్యతిరేకంగా మాట్లాడలేదు. అయితే రాయలసీమ లిఫ్ట్ ఇరిగేషన్ ప్రాజెక్టును తన విజ్ఞప్తితో చంద్రబాబు ఆపారని చెప్పడం ద్వారా ఆయనకు చిక్కులు తెచ్చిపెట్టారు. సాంకేతికంగా ఆ ప్రాజెక్టు జగన్ హయాంలోనే ఆగిపోయింది. దీనిపై ఏపీ ప్రభుత్వం అధికారికంగా ఖండన ఇచ్చింది. చంద్రబాబు కూడా ఇలా రాజకీయాలు చేయడం సరి కాదన్నారు. ఇది ఇద్దరి మధ్య దూరం పెరుగుతోందా? లేక రాజకీయ వ్యూహంలో భాగంగా ఒకరినొకరు ఇరుకున పెట్టుకుంటున్నారా? 

 జగన్ వ్యూహం: కేసీఆర్ పట్ల  వ్యతిరేకత పెంచే ప్రశంస **

జగన్ మోహన్ రెడ్డి తాజాగా చేసిన వ్యాఖ్యలు అత్యంత ఆసక్తికరంగా ఉన్నాయి. " కేసీఆర్ ఉన్నప్పుడే రాయలసీమ లిఫ్ట్ 80 శాతం పూర్తయింది అని చెప్పడం ద్వారా ఆయన కేసీఆర్‌ను పొగిడినట్లు కనిపిస్తున్నా, వాస్తవానికి అది బీఆర్ఎస్‌ను ఇరకాటంలో పెట్టే వ్యాఖ్యే. తెలంగాణలో రేవంత్ రెడ్డి ప్రభుత్వం ఇప్పుడు బీఆర్ఎస్‌ను తెలంగాణ ప్రయోజనాలను ఏపీకి తాకట్టు పెట్టారు అని విమర్శించడానికి జగన్ ఒక అస్త్రాన్ని అందించారు. కేసీఆర్ సహకరించారని జగన్ చెప్పడం వల్ల తెలంగాణలో సెంటిమెంట్ మళ్ళీ బీఆర్ఎస్‌కు వ్యతిరేకంగా మారే ప్రమాదం ఉంది. అంటే, జగన్ పరోక్షంగా బీఆర్ఎస్‌కు చిక్కులు తెచ్చిపెట్టారు. ఇప్పటికే చామల కిరణ్ వంటి  కాంగ్రెస్ నేతలు  ఈ మాటల్ని హైలెట్ చేసి బీఆర్ఎస్ ను కార్నర్ చేస్తున్నారు. 

కొత్త దారుల్లో వెళ్తున్నారా? 

తెలంగాణలో గతంలో బీఆర్ఎస్-వైసీపీల మధ్య ఒక అప్రకటిత అవగాహన ఉండేది. కానీ ఇప్పుడు జగన్ తన ఉనికి చాటుకోవడానికి , తనపై ఉన్న వైఫల్యాలను కప్పిపుచ్చుకోవడానికి కేసీఆర్ పేరును వాడుకుంటున్నారు. మరోవైపు, రేవంత్ రెడ్డి తన తెలంగాణ ఆత్మగౌరవ నినాదాన్ని నిలబెట్టుకోవడానికి తన పాత గురువు చంద్రబాబును సైతం ఎదిరిస్తున్నట్లు కనిపిస్తోంది. దీనివల్ల గతంలో ఉన్న లింకులు తెగిపోయి, ఇప్పుడు రాజకీయ అవసరాల కోసం కొత్త కాంబినేషన్లు పుట్టుకొస్తున్నాయి. మునుపెన్నడూ లేని విధంగా ఇరు రాష్ట్రాల ముఖ్యమంత్రులు,  మాజీ ముఖ్యమంత్రులు ఒకరిపై ఒకరు మైండ్ గేమ్ ఆడుతున్నారు. చంద్రబాబును ఇరుకున పెట్టేలా రేవంత్, బీఆర్ఎస్‌ను ఇబ్బంది పెట్టేలా జగన్ వ్యవహరిస్తున్న తీరు చూస్తుంటే, తెలుగు రాష్ట్రాల్లో రాజకీయ మిత్రులు, శత్రువులు పూర్తిగా మారిపోయారని స్పష్టమవుతోంది. ఇది తాత్కాలికమా.. మరింత పెరుగుతుందా అన్నది వేచి చూడాల్సిందే.              

మరిన్ని చదవండి

ఎర్రవల్లి ఫామ్‌హౌస్‌లో కేసీఆర్‌తో మంత్రులు సురేఖ, సీతక్క సమావేశం - మేడారం జాతరకు ఆహ్వానం

సంక్రాంతి వేళ హైదరాబాద్‌లో చైనా మాంజాపై ఉక్కుపాదం; ఆ దారంతో పతంగులు ఎగరేసిన వారిపై కేసులు! పోలీసుల సంచలన నిర్ణయం