Parenting Tips : పిల్లల విషయంలో తల్లిదండ్రులు చేయకూడని తప్పులు ఇవే.. లేదంటే వారిపై చెడు ప్రభావం పడుతుంది

Parenting Alert : తల్లిదండ్రులు పిల్లలను జాగ్రత్తగా చూసుకోవాలనుకుంటారు కానీ.. తెలియకుండా కొన్ని తప్పులు చేస్తారు. దీనివల్ల పిల్లలపై నెగిటివ్ ప్రభావం ఉంటుంది. ఆ తప్పులు ఏంటంటే..

పిల్లలతో తల్లిదండ్రులు అలా ప్రవర్తించకూడదు(Image Source : Freepik)

పిల్లల ముందు తల్లిదండ్రులు పొరపాటున కూడా వారి మనస్సుపై చెడు ప్రభావం చూపే విధంగా మాట్లాడకూడదు. ఎందుకంటే పిల్లలు విషయాలను ఎక్కువ కాలం గుర్తుంచుకుంటారు. అది వారికి చెడు అనుభవం ఇస్తే.. మనస్సుపై ప్రతికూల ప్రభావాన్ని చూపిస్తుంది. అందుకే పిల్లల ముందు పొరపాటున కూడా కొన్ని విషయాల గురించి చర్చించకూడదు. ఆ విషయాలు ఏంటో తెలుసుకుందాం.

పిల్లలను ఎప్పుడూ ఇతర పిల్లలతో లేదా వారి అన్నదమ్ములతో పోల్చకూడదు. అలా చేయడం వల్ల వారిలో తమపట్ల హీనభావం కావచ్చు. లేదా అవతలి పిల్లవాడిపై కోపం రావొచ్చు. దీనివల్ల ఒంటరిగా ఉన్నప్పుడు లేదా ఇతరులకు హాని కలిగించే అవకాశం ఉంది.