Liquor Tax in India : మందుబాటిల్​పై ప్రభుత్వానికి ఎంత లాభం వస్తుంది? టాక్స్ లేకపోతే ఎంత ధర ఉంటుంది?

Liquor Bottle Price : భారతదేశంలో మద్యంపై ప్రభుత్వం భారీగా పన్నులు వసూలు చేస్తుంది. పన్ను లేకపోతే బాటిల్ ధర ఎంత ఉంటుంది? వంటి ఇంట్రెస్టింగ్ విషయాలు తెలుసుకుందాం.

లిక్కర్​పై టాక్స్ ఎంత ఉంటుందో తెలుసా

భారతదేశంలో మద్యంపై ఎక్సైజ్ సుంకం కూడా వసూలు చేస్తారు. ప్రతి రాష్ట్రం తన విధానాల ప్రకారం మద్యంపై ఎక్సైజ్ టాక్స్, వ్యాట్, ఇతర సుంకాలు విధిస్తుంది. చాలా రాష్ట్రాల్లో మద్యం ధరలో 60% నుంచి 80% వరకు కేవలం పన్నులే ఉంటాయి.

ఢిల్లీలో ఒక బాటిల్ ధరపై దాదాపు 65-70% పన్ను ఉంటుంది. కర్ణాటక, తమిళనాడులో పన్ను 70% కంటే ఎక్కువ. ఉత్తర ప్రదేశ్​లో కూడా మద్యంపై మొత్తం పన్ను దాదాపు 60% వరకు ఉంది.

ఒక ప్రీమియం బ్రాండ్ మద్యం బాటిల్ ఫ్యాక్టరీ ధర 200 రూపాయలు అనుకోండి. దీనిపై రాష్ట్ర ప్రభుత్వం వివిధ పన్నులు విధిస్తుంది.

ఒకవేళ పన్ను రేటు సగటున 70% అయితే..బాటిల్ ధర ఎలా నిర్ణయిస్తారంటే.. ఫ్యాక్టరీ ధర 200 రూపాయలు, ఎక్సైజ్ సుంకం, ఇతర పన్నులు 70% అంటే 140 రూపాయలు. ఇది కాకుండా డిస్ట్రిబ్యూటర్, రిటైల్ మార్జిన్ 60 రూపాయలు. ఫైనల్​గా దాని ధర 400 రూపాయలు.

బాటిల్ మీద ప్రభుత్వానికి 140 రూపాయలు టాక్స్ అందుతుంది. మొత్తం ధరలో దాదాపు మూడో వంతు నుంచి సగం వరకు ప్రభుత్వానికి లాభంగా వెళుతుంది.

అదే పన్నులు లేకపోతే 400 రూపాయల బాటిల్ అసలు ధర 200 నుంచి 250 రూపాయల మధ్య ఉంటుంది. అంటే వినియోగదారుడు సగం ధరకే మద్యం కొనుగోలు చేయగలుగుతాడు.

కానీ ప్రభుత్వానికి ఇది సాధ్యం కాదు. ఎందుకంటే మద్యం పన్ను రాష్ట్రాల ఆదాయంలో పెద్ద భాగం. వార్తల ప్రకారం.. ఆర్థిక సంవత్సరం 2022-23లో మద్యం పన్ను ద్వారా రాష్ట్రాలు దాదాపు 2.4 లక్షల కోట్ల రూపాయలు సంపాదించాయి.