Celebrity Cricket Carnival 2024: సెలబ్రిటీ క్రికెట్ కార్నివాల్ రెండో సీజన్‌కు స్టార్స్ రెడీ - ఎప్పట్నుంచో తెలుసా?

Celebrity Cricket Carnival Season 2: క్రికెట్, సినిమా... ఈ రెండిటినీ భారతీయులు మిస్ కారు. అటువంటిది రెండూ ఒక్కచోట ఉంటే? స్టార్స్ క్రికెట్ ఆడితే? 'సెలబ్రిటీ క్రికెట్ కార్నివాల్' అని చెప్పవచ్చు.

'సెలబ్రిటీ క్రికెట్ కార్నివాల్' సీజన్ 2 పోస్టర్ లాంచ్ కార్యక్రమంలో పాల్గొన్న తమన్, శ్రీకాంత్, తరుణ్ తదితరులు

భారతీయులకు సినిమా అంటే ఎంతో ఇష్టం. ప్రతి శుక్రవారం కొత్త సినిమా చూసే ప్రజలు ఎంతో మంది ఉన్నారు. ఎట్ ద సేమ్ టైమ్... క్రికెట్ మర్చిపోతే ఎలా? ఇండియన్ టీమ్ క్రికెట్ మ్యాచ్ ఉంటే టీవీలకు అతుక్కుపోయే జనాలు ఎంతో మంది. వినోదం అంటే మన దేశంలో క్రికెట్, సినిమా గుర్తుకు వస్తాయి. ఆ రెండిటినీ ఒక్క చోటకు తీసుకు వస్తున్నారు 'సెలబ్రిటీ క్రికెట్ కార్నివాల్' నిర్వాహకులు. 

తెలుగు సినిమా ఇండస్ట్రీలో క్రికెట్ అంటే ఇష్టమైన హీరోలు, టెక్నీషియన్లు ఎంతో మంది ఉన్నారు. శతాధిక చిత్ర కథానాయకుడు శ్రీకాంత్, సంగీత దర్శకుడు తమన్, యువ హీరోలు అశ్విన్ బాబు, సుశాంత్, ఆది సాయి కుమార్, దర్శకుడు కమ్ టీవీ హోస్ట్ ఓంకార్ తదితరులు 'సెలబ్రిటీ క్రికెట్ కార్నివాల్'లో ఆడుతున్నారు. 

'సెలబ్రిటీ క్రికెట్ కార్నివాల్' ఫస్ట్ సీజన్ సూపర్ సక్సెస్ అయ్యింది. ఇప్పుడు సెకండ్ సీజన్ షురూ చేయడానికి సెలబ్రిటీలు రెడీ అయ్యారు. నవంబర్ 16 నుంచి ఆస్ట్రేలియాలో 'సెలబ్రిటీ క్రికెట్ కార్నివాల్ 2' జరగనుంది. దానికి సంబంధించిన సాఫ్ట్ పోస్టర్ లాంచ్ జరిగింది. అందులో ఈ తారలు అందరూ పాల్గొన్నారు. 

'సెలబ్రిటీ క్రికెట్ కార్నివాల్ 2'తో పాటు మరిన్ని రాజకీయ, సినిమా వార్తల కోసం ఏబీపీ దేశం ఫాలో అవ్వండి.