Rahul Gandhi on Nagaland Firing: 'కాల్పులు జరిగితే కేంద్ర హోంశాఖ ఏం చేస్తోంది?'

నాగాలాండ్‌లో భద్రతా బలగాలు పౌరులపై కాల్పులు జరిపిన ఘటనపై కాంగ్రెస్ అగ్రనేత రాహుల్ గాంధీ తీవ్ర విచారం వ్యక్తం చేశారు.

'కేంద్ర హోంశాఖ ఏం చేస్తోంది?'

దేశంలో పౌరులు, భద్రతా సిబ్బంది సురక్షితంగా లేనప్పుడు హోంశాఖ ఏం చేస్తోందని కాంగ్రెస్ అగ్రనేత రాహుల్ గాంధీ ప్రశ్నించారు. నాగాలాండ్‌లో బలగాల కాల్పుల్లో పౌరులు చనిపోయిన ఘటనపై రాహుల్ గాంధీ తీవ్ర ఆగ్రహం వ్యక్తం చేశారు. ఈ ఘటనపై కేంద్రం నిజమైన సమాధానం చెప్పాలని రాహుల్ గాంధీ డిమాండ్ చేశారు. 

This is heart wrenching. GOI must give a real reply.

What exactly is the home ministry doing when neither civilians nor security personnel are safe in our own land?#Nagaland pic.twitter.com/h7uS1LegzJ

— Rahul Gandhi (@RahulGandhi) December 5, 2021

" ఈ ఘటన హృదయవిదారకం. భారత ప్రభుత్వం నిజమైన సమధానం ఇవ్వాలి. సొంత ప్రాంతంలో పౌరులు, భద్రతా సిబ్బంది సురక్షితంగా లేనప్పుడు కేంద్ర హోంమంత్రిత్వ శాఖ ఏం చేస్తోంది?                             "

-  రాహుల్​ గాంధీ, కాంగ్రెస్​ అగ్రనేత

ఏం జరిగింది?

మోన్ జిల్లాలోని ఓటింగ్ వద్ద మిలిటెంట్ల కదలికలున్నట్లు బలగాలకు సమాచారం అందింది. దీంతో ప్రత్యేక ఆపరేషన్ చేపట్టాయి. అయితే అప్పుడే బొగ్గు గనిలో విధులు ముగించుకుని కార్మికులు తిరు గ్రామం నుంచి ట్రక్కులో ఇంటికి వెళ్తుండగా బలగాలు కాల్పులు జరిపాయి. కాల్పుల్లో 13 మంది పౌరులు ప్రాణాలు కోల్పోయారు. మరో 11 మంది తీవ్రంగా గాయపడ్డారు. ఓ జవాను సైతం ప్రాణాలు కోల్పోయినట్లు అధికారులు తెలిపారు.

Based on credible intelligence of likely movement of insurgents, a specific op was planned in Tiru, Mon District, #Nagaland. Cause of loss of lives being probed by a Court of Inquiry at highest level & appropriate action will be taken: Assam Rifles officials

— ANI (@ANI) December 5, 2021

ఈ ఘటనతో ఉద్రిక్త పరిస్థితులు తలెత్తాయి. స్థానికులు భద్రతా బలగాలపై తీవ్ర ఆగ్రహం వ్యక్తం చేశారు. బలగాల వాహనాలను తగులబెట్టారు. బలగాల పొరపాటు వల్లే ఘటన జరిగిందా అనే కోణంలో దర్యాప్తు జరుగుతోందని అధికారులు జరిపారు. ప్రస్తుతం పరిస్థితులు అదుపులోనే ఉన్నాయని వెల్లడించారు.

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి