DRDO Recruitment 2021: డీఆర్డీఓ హైద‌రాబాద్‌లో జాబ్స్.. రూ.54,000 వరకు జీతం.. ఇంటర్వ్యూ ద్వారా ఎంపిక..

డీఆర్డీఓకు చెందిన సెంట‌ర్ ఫ‌ర్ హై ఎన‌ర్జీ సిస్ట‌మ్ అండ్ సైన్స్ 8 పోస్టుల భ‌ర్తీకి నోటిఫికేష‌న్ విడుద‌ల చేసింది. దీని ద్వారా రీసెర్చ్ అసోసియేట్‌, జూనియ‌ర్ రీసెర్చ్ ఫెలోషిప్ పోస్టులను భ‌ర్తీ చేయ‌నుంది.

ప్రతీకాత్మక చిత్రం

డీఆర్డీఓకు చెందిన సెంట‌ర్ ఫ‌ర్ హై ఎన‌ర్జీ సిస్ట‌మ్ అండ్ సైన్స్ (CHESS) 8 పోస్టుల భ‌ర్తీకి నోటిఫికేష‌న్  విడుద‌ల చేసింది. దీని ద్వారా సంస్థలోని వివిధ విభాగాల్లో ఖాళీగా ఉన్న 8 రీసెర్చ్ అసోసియేట్‌ (Research Associate), జూనియ‌ర్ రీసెర్చ్ ఫెలోషిప్ (Junior Research Fellowship) ఉద్యోగాల‌ను భ‌ర్తీ చేయ‌నున్నట్లు ప్రకటించింది. ఈ పోస్టులకు ఎంపికైన వారు హైద‌రాబాద్‌లోని సీహెచ్ఈఎస్ఎస్ కార్యాల‌యంలో విధులు నిర్వర్తించాల్సి ఉంటుంది. ఈ పోస్టుల ద‌ర‌ఖాస్తు ప్రక్రియ ఇప్పటికే ప్రారంభం అవ్వగా.. గడువు అక్టోబర్ 28వ తేదీతో ముగియనుంది. ఎంపికైన వారికి నెలవారీ వేతనం రూ.31,000 నుంచి రూ.54,000 వ‌ర‌కు ఉంటుంది. ఈ పోస్టులకు సంబంధించిన మరిన్ని వివరాల కోసం డీఆర్డీఓ అధికారిక వైబ్‌సైట్‌ https://www.drdo.gov.in/careers ను సంప్రదించవచ్చు. 

ఖాళీల వివరాలు..

విభాగం	పోస్టుల సంఖ్య	సబ్జెక్టు / విభాగం
జేఆర్ఎఫ్	5	ఫిజిక్స్ / అప్లయిడ్ ఫిజిక్స్ / అప్లయిడ్ ఆప్టిక్స్ / లేజర్ టెక్నాలజీ, లేజర్, అడాప్టివ్ ఆప్టిక్స్, ఆప్టో ఎలక్ట్రానిక్స్ / ఫొటోనిక్స్
ఆర్ఏ (ఫిజిక్స్‌)	1	ఫిజిక్స్/ అప్లయిడ్ ఫిజిక్స్ / అప్లయిడ్ ఆప్టిక్స్ / లేసర్ టెక్నాలజీ, లేజర్ అడాప్టివ్ ఆప్టిక్స్, ఆప్టో ఎలక్ట్రానిక్స్ / ఫొటోనిక్స్
ఆర్ఏ (ఫిజిక్స్‌)	1	ఫిజిక్స్/ అప్లయిడ్ ఫిజిక్స్ / అప్లయిడ్ ఆప్టిక్స్ /  లేజర్ టెక్నాలజీ/ లేజర్/ ఆప్టో ఎలక్ట్రానిక్స్
జేఆర్ఎఫ్ మెకానిక‌ల్‌	1	మెకానికల్ ఇంజనీరింగ్

విద్యార్హత, వయోపరిమితి వివరాలు.. 
పోస్టును బట్టి విద్యార్హత, వయోపరిమితి వివరాలు మారుతున్నాయి. అధికారిక నోటిఫికేషన్ కోసం ఇక్కడ క్లిక్ చేయండి. ఈ పోస్టులకు దరఖాస్తు చేసుకునే వారికి గేట్‌, నెట్ స్కోర్ ఉండాలి. జూనియ‌ర్ రీసెర్చ్ ఫెలో చేస్తున్న వ్య‌క్తి నిబంధ‌న‌ల‌కు అనుగుణంగా పీహెచ్‌డీ చేయ‌వ‌చ్చు. దరఖాస్తు చేసుకునే అభ్యర్థి వయసు 28 నుంచి 35 ఏళ్ల మధ్య ఉండాలి. అకడమిక్ మెరిట్, అనుభ‌వం ఆధారంగా అర్హులను షార్ట్ లిస్ట్ చేస్తారు. వీరందరికీ ఆన్ లైన్ విధానంలో ఇంటర్వ్యూ నిర్వహిస్తారు. వీటి ఆధారంగా తుది ఎంపిక చేస్తారు. ఎంపికైన వారికి మెయిల్ ద్వారా సమాచారం అందిస్తారు. సంబంధిత సబ్జెక్టుల్లో బీఈ/ బీటెక్‌/ ఎంటెక్‌ /ఎంఈ, పోస్టు గ్రాడ్యుయేషన్‌ (పీజీ), పీహెచ్‌డీ ఉత్తీర్ణత సాధించి ఉండాలి. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి