Krishna mukunda Murari Serial Today May 22nd: ‘కృష్ణ ముకుంద మురారి’ సీరియల్‌ : మీరా అబార్షన్ చేయించుకోలేదన్న నిజం తెలుసుకున్న కృష్ణ – మీరాకు వార్నింగ్ ఇచ్చిన కృష్ణ

Krishna mukunda Murari Today Episode: మీరా అబార్షన్ చేయించుకోలేదని కృష్ణకు తెలియడంతో షాక్ అవుతుంది. తనతోనే ఆ నిజం చెప్పించాలని కృష్ణ అనుకోవడంతో ఇవాళ్టీ ఎపిసోడ్ చాలా ఆసక్తిగా జరిగింది.

Image Credit: Disney Plus Hotstar/ Star Maa

Krishna mukunda Murari  Serial Today Episode : మీరా కూడా ముకుంద లాగే ప్రవర్తిస్తుందని అనుమానిస్తుంది కృష్ణ. దీంతో మీరా గదిలోకి వెళ్లి చెక్‌ చేస్తుంది. ఎంత వెతికినా ఏం కనిపించదు. మీరాను ఇలాగే వదిలేస్తే ఏం జరుగుతుందోనని భయంగా ఉందని అనుకుంటుంది. మీరా గదిలో ఉన్న డస్ట్ బిన్ చూస్తే అందులో కొన్ని వాడిన ట్యాబ్లెట్స్, పేపర్ కనిపిస్తుంది. ప్రిస్కిప్షన్ చూసి కృష్ణ షాక్‌ అవుతుంది. బేబీ గ్రోత్ కోసం ట్యాబ్లెట్ వేసుకుంటుంది అంటే మీరా అబార్షన్‌ చేయించుకోలేదు. ఎందుకు ఇలా చేస్తుంది. బిడ్డ ఉన్నందుకు సంతోషించాలా.. అబద్ధం చెప్పినందుకు బాధపడాలా.. అనుకుంటుంది. వాటిని తీసుకుని తన గదికి వచ్చి మనం మోసపోయామని మురారికి చెప్తుంది.

కృష్ణ: మీరా గర్భం తీయించుకోలేదు మనతో అబద్ధం చెప్పింది. మీరా కడుపులో మన బిడ్డ క్షేమంగా ఉంది. మన బాధ చూడలేక సరోగసికి ఒప్పుకున్నట్టు చెప్పింది. మన బిడ్డని కడుపులోకి వేసుకున్నాక గర్భం తీయించుకున్నానని అబద్ధం చెప్తుంది.

మురారి: మన బిడ్డని అడ్డం పెట్టుకుని ఎందుకు ఇలా చేస్తుంది. ఇలాంటి ఆడదాని కడుపులో మన బిడ్డ పెరుగుతుంది. తన నుంచి మన బిడ్డని ఎలా కాపాడుకోవాలి.

మీరా గర్భం ఉంచుకుందని తన నోటితో తనే చెప్పేలా చేయాలని కృష్ణ డిసైడ్ అవుతుంది. తర్వాత పెళ్లి ఎక్కడ చేయాలా అనే దాని గురించి భవానీ ఆలోచిస్తూ ఉంటే కృష్ణ డల్ గా కిందకు రావడం చూసి పిలుస్తుంది. పెళ్లి ఎక్కడ చేద్దామని కృష్ణని అడుగుతుంది. వాళ్ళు ఎంతో ఇష్టపడి చేసుకుంటున్నారని వాళ్ళనే అడగండి అని మీరాని పిలుస్తుంది. పెళ్లి ఎక్కడ చేసుకోవాలనే ఫాంటసీ ఏమైనా ఉందా చెప్పు అని కృష్ణ అడుగుతుంది.

మీరా: పెళ్లిది ఏముంది ఎక్కడ చేసుకుంటున్నామని కాదు ఎవరిని చేసుకుంటామనేది ముఖ్యం.

కృష్ణ: ఆదర్శ్‌, ముకుంద కంటే మీరాని ఎక్కువ ఇష్టపడుతున్నాడు. ఈ పెళ్లి వాళ్ళకి జీవితాంతం గుర్తుండిపోవాలి.

మీరా: అయితే పెళ్లి ఎక్కడ చేయాలో మీరే డిసైడ్ చేస్తే బాగుంటుంది.

అని మీరా వెళ్లిపోతుంది. మీరాని ఎందుకు రెచ్చగొడుతున్నావని మురారి, కృష్ణని అడుగుతాడు. తిక్కలేస్తే నీకు గర్భం లేదని చెప్పేస్తుందేమోనని అంటాడు. తను చెప్పదు నిజం బయట పెట్టి మనల్ని బుక్ చేయాలని అనుకుంటే ఎప్పుడో చెప్పేది. వేరే ప్లాన్ ఏదో ఉంది అందుకే ఇలా నాటకం ఆడుతుందని చెప్తుంది కృష్ణ. తర్వాత పెళ్ళికి ఎవరెవరిని పిలవాలో లిస్ట్ రాయమని భవానీ ముకుందకు చెప్తుంది. అప్పుడే కృష్ణ, మురారి వస్తారు. మీరా యాక్టింగ్ చూసి ఇది సామాన్యురాలు కాదని ఎంత త్వరగా తేల్చుకుంటే అంత మంచిదని అనుకుంటారు.

కృష్ణ: నేను హాస్పిటల్ కి వెళ్తున్నాను నువ్వు నాతో పాటు వస్తావా? మీరా ఇంటికి వచ్చేటప్పుడు చిన్న షాపింగ్‌ ఉంది ఇద్దరం కలిసి చేద్దాం.

మీరా: సరే వస్తాను..  నేను రెడీ అవుతాను వెయిట్‌ చేస్తావా?

ఆదర్శ: ఎక్కడికి రెడీ అవుతానంటున్నావు. మనం షాపింగ్‌కు వెళ్దాం అనుకున్నాం కదా?

అని ఆదర్శ్‌ అనగానే నువ్వు ఇప్పుడే ఇలా ఉన్నావ్ అంటే పెళ్లి అయితే ముకుంద కొంగు వదిలేలా లేవని నందిని వాళ్ళు ఆదర్శ్‌ ను ఆటపట్టిస్తారు. తర్వాత మీరాను కృష్ణ రెస్టారెంట్‌కు తీసుకుపోతుంది.

మీరా: ఏమైంది ఇక్కడకి తీసుకొచ్చావు. నువ్వు ఏదో మాట్లాడటానికే ఇక్కడికి రమ్మన్నావ్ కానీ షాపింగ్ అని అబద్ధం చెప్పావ్ కదా

కృష్ణ: నాకోసం ఆలోచించి గర్భం తీయించుకున్నావ్‌ కదా?

మీరా: అవును మీ బిడ్డని మీకు ఇవ్వలేకపోయినందుకు చాలా బాధగా ఉంది.

కృష్ణ: మరీ అంత బాధపడకు. ఎందుకంటే మా బిడ్డ ఎక్కడికీ పోలేదు.

అని కృష్ణ చెప్పేసరికి ముకుంద షాక్ అవుతుంది. నేను గర్భం తీయించుకోలేదని తెలిసిపోయిందా? అని టెన్షన్ పడుతుంది ముకుంద. ఇంతలో  మేం మళ్ళీ సరోగసికి వెళ్దామని డిసైడ్ అయ్యామని కృష్ణ చెప్తుంది. వీళ్ళు ఇంకెవరితోనో బిడ్డని కంటే నా ఆటలు ఎలా సాగుతాయని మనసులో అనుకుంటుంది. ఎందుకు టెన్షన్ పడుతున్నావని కృష్ణ అడుగుతుంది. ఏం లేదని మీరా అనగానే కృష్ణ లాగిపెట్టి చెంప పగలగొడుతుంది. దీంతో ఇవాళ్టీ ఎపిసోడ్‌ అయిపోతుంది.