Gunde Ninda Gudi Gantalu March 6th Episode: బాలు అరెస్ట్ , షాక్ లో మీనా! మరో స్కామ్ లో మనోజ్- గుండెనిండా గుడిగంటలు మార్చి 06 ఎపిసోడ్
Gunde Ninda Gudi Gantalu March 5th Episode: శివతో పరీక్షలు రాయించకుండా ప్లాన్ చేసి ఇరికిస్తాడు గుణ. ఎలాగైనా పరీక్షలు రాయిస్తామని మాటిస్తారు బాలు - మీనా ...ఈ రోజు ఎపిసోడ్ లో ఏం జరిగిందంటే
Gunde Ninda Gudi Gantalu 2025 March 6th Episode Telugu Serial
శ్రుతికి వచ్చిన పార్సిల్ ప్రభావతి ఓపెన్ చేస్తుంది..మీనా వద్దని చెప్పినా వినదు. శ్రుతి బాధపడుతందేమో అంటుంది మీనా. అయినా మీనాకు గడ్డిపెడుతుంది కానీ వినదు. అవి హెడ్ ఫోన్స్.. ఇదేంటి అంటుంది ప్రభావతి.. దానిని హెడ్ ఫోన్స్ అంటారు అంటుంది. నాకు తెలియదా ఏంటి అంటూనే..ఇందులో పాటలు రావడం లేదేంటని అడుగుతుంది. దాన్ని ఫోన్ కి కనెక్ట్ చేయాలని మీనా అనడంతో ఫైర్ అవుతుంది.నేను ఈ హెడ్ సెట్ పెట్టుకుంటే నాకెంత బావుందో అని మురిసిపోతుంది. ఇంతలో శ్రుతి వచ్చి నాకు వచ్చిన పార్సిల్ ఎలా ఓపెన్ చేస్తారు? మేనర్స్ ఉండాలి కదా? నాకు వచ్చిన వస్తువులు మా అమ్మ ఓపెన్ చేసినా నచ్చదు అంటుంది. ఈ ఇంట్లో పిల్లవే కదా అని ఓపెన్ చేశానని చెప్పింది కదా అంటాడు రవి. నా వస్తువులు ఎవరైనా తీసుకుంటే నచ్చదని నీకు తెలుసుకదా అని రవికి ఇచ్చిపడేస్తుంది. సారీ ఆంటీ అనేసి వెళ్లిపోతుంది.
మీనా ఇప్పుడు నీకు కళ్లు చల్లబడ్డాయా అని కోప్పడుతుంది. ఇలా జరుగుతుందనే మీకు ముందే చెప్పానంటుంది. అక్కడి నుంచి కోపంగా వెళ్లిన ప్రభావతి... రవిని పిలిచి అదేంటి అలా మాట్లాడుతుంది...నన్ను అన్నేసి మాటలు అంటుంటే చూస్తూ ఊరుకుంటావేంటి అంటుంది. నీకే సపోర్ట్ చేశాను కదా అని రవి చెప్పినా..ప్రభావతి ఫైర్ అవుతుంది. బాలు గాడు మీనా చేతిలో కీలుబొమ్మగా మారిపోయాడు, నువ్వు కూడా శ్రుతిని కంట్రోల్ చేయకపోతే నువ్వు కూడా అలానే తయారవుతాయ్ అంటుంది. ఇదంతా విని మీనా బాధపడుతుంది. ప్రభావతి అక్కడి నుంచి వెళ్లిపోగానే...మీనా వస్తుంది. బాధపడకు వదినా అమ్మ మాటలు విని అంటాడు. నాకు అలవాటు అయిపోయిందిలే రవి..శ్రుతి సంగతి తెలుసుకదా నువ్వెళ్లు అంటుంది.
బాలు కాల్ చేసి గుణతప్పించుకున్నాడని చెబుతుంది. ఇప్పుడు నువ్వు కాలేజీకి రా.. శివకు ఎల్లుండి నుంచి పరీక్షలు కదా ఓసారి ప్రిన్సిపాల్ తో మాట్లాడుదాం అంటాడు బాలు. నేను చదువుకుని ఉంటే అత్తయ్య నాకు విలువ ఇచ్చేది కదా అంటుంది మీనా. మా అమ్మ విలువ ఇవ్వదు..వెలకడుతుంది అంటాడు. నేను చదువుకుని ఉంటే కార్ ఇంజినీరింగ్ చేసేవాడిని, నువ్వు చదువుకుంటే ఏసీ రూమ్ లో కూర్చుని పూలమ్ముకునేదానివి కదా అంటాడు. అంటే అప్పుడు కూడా మీకు కారు, నాకు పూలు తప్పవా అని నవ్వుతుంది.వెళ్లి ప్రిన్సిపాల్ ను కలిసేందుకు ఫ్యూన్ ని అడిగితే..అపాయింట్మెంట్ ఉందా అని అడుగుతారు. శనివారం రండి అంటాడు ఫ్యూన్. అలా కాదు తాతా..తనకు ఎల్లుండి నుంచి పరీక్షలున్నాయి..అందుకే ఈ రోజు మాట్లాడితేనే పరీక్షలు రాయడం కుదురుతుంది అంటారు. వెళ్లి ప్రిన్సిపాల్ ని అడిగి వచ్చినా అపాయిట్మెంట్ దొరకదు. అక్కడి నుంచి మీనా బాలు వెనుతిరుగుతారు. ప్రిన్సిపాల్ వెళ్లిపోతుంటే కలిసేందుకు ప్రయత్నించినా పట్టించుకోకుండా వెళ్లిపోతాడు.
సార్ కి ఓ కూతురు ఉండేది..ఆ అమ్మాయి బాగా చదువుకుంది.. ఓ అబ్బాయికి ఇచ్చి పెళ్లిచేశారు. ఎంతో ప్రేమగా చూసుకున్న ఆయన కూతుర్ని...భర్త నిత్యం తాగి వచ్చి కొట్టేవాడు. ఆ అమ్మాయి తిరిగి ఇంటికి వచ్చేసింది. అప్పటి నుంచి మందు బాటిల్ చూసినా, చదువుపై శ్రద్ధ లేని పిల్లల్ని చూసినా ఆయనకు కోపం అని చెబుతాడు. ప్రిన్సిపాల్ ని బయట కలవొచ్చా అని అడిగితే.. ఆయన ఎవ్వర్నీ కలవరు, ఎక్కడికీ వెళ్లరు అంటాడు. ఆయన ఇల్లు ఎక్కడ అని అడుగుతాడు బాలు. అడ్రస్ చెబుతాడు ఫ్యూన్.
మనోజ్ దగ్గర పనిచేసే సేల్స్ మేనేజర్ వచ్చి మా ఇంట్లో ఫంక్షన్ ఉంది డబ్బులు కావాలని అడుగుతాడు. లేవు పో అని చెప్పి పంపించేస్తాడు మనోజ్. ఆ తర్వాత బ్రో అంటూ ఒకడు ఎంట్రీ ఇస్తాడు. గతంలో లాటరీ గెలుస్తానని చెబితే నువ్వు నమ్మలేదు.. కోటి రూపాయలు లాటరీ తగిలింది..నాపై నాకున్న నమ్మకం..నేను నమ్మి గెలిచాను కోటీశ్వరుడిని అయ్యాను. నువ్వు నన్ను నమ్మలేదు..కొన్ని జీవితాలంతే అంటాడు. కొత్త స్టాక్ వచ్చిందంటూ హడావుడి చేస్తాడు మనోజ్. నేను ఇక్కడెందుకు కొంటాను.. పక్కషాపులో కొంటాని చెప్పి వెళ్లిపోతాడు. ఆ తర్వాత పార్క్ ఫ్రెండ్ వస్తాడు..అందరూ బాగుపడుతున్నారు నాకే ఎందుకు ఇలా అవుతుందో అర్థంకావడం లేదంటాడు. పక్కవాళ్లగురించి పాజిటివ్ గా మాట్లాడడం నేర్చుకో అని క్లాస్ వేస్తాడు. ప్రతి నెలా ఏదో సమస్య వచ్చి పడుతోంది అంటాడు బాలు. నీకు తెలిసిన చిల్లర వ్యాపారం చేస్తావా అని అడిగితే..మంచి ఐడియా ఇవ్వు అంటాడు మనోజ్. బాంబేలో నా ఫ్రెండ్ ఓ కంపెనీలో పనిచేస్తున్నాడు..ఆ కంపెనీలో డీలర్ షిప్ కి ఆప్షన్ ఉందంట ట్రై చేస్తావా అనగానే సరే అంటాడు మనోజ్.
ఇంట్లో అందరూ పడుకున్నారా అని అడిగిన తర్వాత మందు బాటిల్ బయటకు తీస్తాడు బాలు. మీనాను ప్రిన్సిపాల్ ఇంటికి తీసుకెళ్లి అక్కడ మందు తాగి రచ్చ రచ్చ చేస్తాడు. నేను మందు బాటిల్ మీ తమ్ముడి కాలేజ్ బ్యాగ్ లో దాచిపెడితే నాకేం తెలియదు అంటాడా అని మీనాపై ఫైర్ అవుతాడు. ఇదంతా విన్న ప్రిన్సిపాల్..అయ్యో శివకి నేను అన్యాయం చేశానా అనుకుంటాడు. ఇప్పటికే నా తమ్ముడి చేయి విరగ్గొట్టి వాడిని చదువుకోకుండా ఆపేశావ్..ఇప్పుడు మందుబాటిల్ వాడి బ్యాగ్ లో పెట్టి ఇలా చేశావ్ అంటుంది మీనా. అయ్యయ్యో పాపం అని ప్రిన్సిపాల్ బాధపడతాడు. ఇంతలో శివ రాగానే..ప్రిన్పిపాల్ దగ్గరకు తీసుకెళ్లి బతిమలాడుతుంది మీనా. అప్పుడు శివకు ఎగ్జామ్ రాసే అవకాశం కల్పిస్తాడు ప్రిన్సిపాల్. పోలీసులను పిలిచి బాలుని పట్టిస్తాడు. నువ్వు రేపటి నుంచి కాలేజీకి వచ్చి ఎగ్జామ్స్ బాగా రాసి..ఈ దరిద్రుడి నుంచి విడాకులు ఇప్పించి మీ అక్కను పోషించు అంటాడు. మీ మేలు మర్చిపోలేను సర్ అని అంటుంది మీనా.
పోలీసులు వచ్చి బాలుని తీసుకెళ్లేందుకు ప్రయత్నిస్తారు..ప్రిన్సిపాల్ వెళ్లిపోతాడు. అసలేం జరుగుతోందని శివ అడుగుతాడు. పోలీసులకు బాలు నిజం చెబుదాం అని ప్రయత్నించినా పట్టించుకోరు. మంచి పని అయిందని శివ అంటే..అంతా నీవల్లే , ఇదంతా నాటకం, మీ ప్రిన్సిపాల్ నీ తప్పేం లేదనుకోవాలని తప్పు తనపై వేసుకున్నాడని చెబుతుంది మీనా. ఇద్దరం కలసి ఇలా ప్లాన్ చేశాం నీ చదువు కోసం అని బాధపడుతుంది మీనా. ఇప్పుడు ఆయన్ని కొడతారో ఏంటో అని బాధపడుతుంది.
టాప్ హెడ్ లైన్స్
ట్రెండింగ్ వార్తలు
