Jagadhatri Serial Today September 30th: జగద్ధాత్రి సీరియల్: శ్రీవల్లిపై వైజయంతి కుట్ర! బూచి నిజంగానే ఆ తప్పుడు పని చేశాడా?
Jagadhatri Serial Today Episode September 30th శ్రీవల్లిని ఇంట్లో నుంచి పంపిచాలని వైజయంతి తాగిన మైకంలో ఉన్న బూచి శ్రీవల్లి మీద అఘాయిత్యం చేశాడని చెప్పడంతో ఇవాళ్టి ఎపిసోడ్ ఆసక్తికరంగా మారింది.
Jagadhatri Serial Today Episode సురేశ్ తప్పు చేశాడని నిషిక మాట్లాడటం అందుకు వైజయంతి కూడా మాటలు అనడంతో సుధాకర్ సీరియస్ అవుతాడు. గొడవ ఆపాల్సింది పోయి రెచ్చిపోతున్నావ్ ఇంకెప్పుడు మారుతావ్ చచ్చాకా.. అని అడుగుతాడు. అలా మాట్లాడుతావేంటి అని వైజయంతి అడిగితే చెంప పగలగొట్టలేదు జాగ్రత్తగా .. అల్లుడు గారు బాధ పడుతుంటే కుదిరితే ఓదార్చండి లేదంటే నోరు మూసుకొని ఇక్కడి నుంచి పోండి అని అరుస్తాడు.
కౌషికితో అల్లుడిని లోపలికి తీసుకెళ్లమని అంటాడు. కన్నకొడుకు మీకు నచ్చడు కదా అని యువరాజ్ అంటే బుద్ధులు బట్టే ఉంటుందని అంటాడు. ఇక వైజయంతి శ్రీవల్లిని కోపంగా చూసి ఈ మహాతల్లి ఏ ముహూర్తాన ఇంట్లో అడుగుపెట్టిందో అప్పుడు నుంచే గొడవలు మాటలు నిందలు అని అంటుంది. సుధాకర్ కోపంగా ఏమే అటు అయిపోయింది ఇప్పుడు ఇటు పడ్డావా.. ఆ నోరు ఆగదా ఆ పిల్ల మీద పడతావేంటే.. ఆ పిల్ల ఏం చేసిందే ఇదే వయసులో మన కూతురు ఉంటే అలాగే అంటావా అని అడుగుతాడు. అవునా అయితే నా వయసులో ఉన్న వారిని చూస్తే భార్య అనుకుంటావా అని వైజయంతి అడగటం ఈ నాలుక కోసేస్తే గానీ పీడ పోదు అని సుధాకర్ వెళ్లిపోతాడు.
జగద్ధాత్రి, కేథార్ జరిగిన విషయం గురించి మాట్లాడుకుంటారు. పిన్ని కొడుకు మీద ప్రేమతో యువరాజ్ ఎంత చేసినా వెనకేసుకొస్తుంది. యువరాజ్ ఆరు నెలల్లో మారుతాడు అని నమ్మకం లేదని కేథార్ అంటాడు. తల్లికి భార్యకి మార్చుకోవాలని లేనప్పుడు మనకు ఎందుకు అని జగద్ధాత్రి అంటుంది. పిన్ని దారుణంగా మాట్లాడుతుంది జగద్ధాత్రి అయినదానికి కాని దానికి శ్రీవల్లిని అంటుందని కేథార్ అంటాడు. శ్రీవల్లి వచ్చినప్పటి నుంచి తనని చూస్తే టెన్షన్‌ పడుతుంది. ఇదంతా చూస్తుంటే ఒకప్పుడు నిన్ను ఎలా టార్గెట్ చేశారో అలాగే ఇప్పుడు శ్రీవల్లిని టార్గెట్ చేస్తున్నారని జగద్ధాత్రి అంటుంది. అయితే నాకు లాగానే శ్రీవల్లికి ఈ ఇంటితో ఇంటి మనుషులతో ఏమైనా సంబంధం ఉంది అంటావా అని కేథార్ అడుగుతాడు. ఏమో తెలీదు అని జగద్ధాత్రి అంటుంది.
కేథార్ హాల్‌లో లైట్ ఆఫ్ చేస్తా అని బయటకు వెళ్తాడు. హాల్‌లో శ్రీవల్లి పడుకొని వణుకుతూ తల్లి ఫొటో చూస్తుంది. కేథార్ వెళ్లి ఇక్కడ పడుకున్నావ్ ఏంటి అని అడుగుతాడు. అక్కా, బావగారు కూడా వాళ్ల గదిలోనే పడుకోమన్నారు కానీ బావగారికి దెబ్బలు తగిలాయని నేనే ఇక్కడికి వచ్చానని చెప్పి దుప్పటి ఇవ్వమని అంటుంది. ఇక కేథార్ శ్రీవల్లి చూస్తున్న ఫొటో గురించి అడిగితే మా అమ్మది అని చెప్తుంది. కేథార్ చూసే టైంకి కరెంట్ పోతుంది. ఇంతలో జగద్ధాత్రి కూడా వస్తుంది. జగద్ధాత్రి శ్రీవల్లితో మా అత్తయ్య ఈ సారి నీతో మంచిగా మాట్లాడితే నాకు చెప్పు అని అంటుంది. ఇక కేథార్ దుప్పటి ఇస్తాడు. జగద్ధాత్రి, కేథార్ శ్రీవల్లితో మాట్లాడి వెళ్లిపోతారు. నాకు సొంత అన్నయ్య ఇస్తే ఇలాగే చూసుకునేవాడేమో అని శ్రీవల్లి అనుకొని పడుకుంటుంది.
వైజయంతి శ్రీవల్లిని చూసి ఎలా అయినా దీన్ని పంపేయాలని అనుకుంటుంది. ఏం చేయాలా అని అనుకుంటుంది. ఇంతలో బూచి ఫుల్లుగా మందు తాగి వచ్చి డోర్ తీయమని అరుస్తాడు. వైజయంతి మాటలు విని తాగుబోతు చచ్చినోడు వచ్చాడా.. ఇప్పుడు తలుపు తీస్తే నా మీద వీరంగం ఆడుతాడు. అస్సలు తలుపు తీయను అని అనుకొని వెళ్లిపోతూ శ్రీవల్లిని చూసి దీన్ని ఇంటి నుంచి గెంటేయాలి అని అల్లుడిని వాడుకుంటా అని తలుపు తీస్తుంది. అల్లుడు రా లోపలికి తీసుకెళ్తా అని తూగుతూ ఉన్న బూచిని శ్రీవల్లి వైపు తీసుకెళ్తుంది. కావాలనే శ్రీవల్లి మీద తోసేస్తుంది. శ్రీవల్లి షాక్ అయి లేస్తుంది. బూచి మత్తులో అక్కడే పడుకొని వాగుతూ ఉంటాడు.
శ్రీవల్లిని పాడు చేయాలని బూచి ప్రయత్నించాడని అరుస్తుంది. అందరూ బయటకు వస్తారు. కాచి చూసి అమ్మాయిని ఇబ్బంది పడతావా అని చితక్కొడుతుంది. శ్రీవల్లి మీద నేను పడలేదు అని బూచి అంటాడు. శ్రీవల్లి ఏడుస్తుంది. అత్తా నువ్వే కదా అని బూచి చెప్పబోతే వైజయంతి ఆపి ఈడొచ్చిన పిల్లని ఇంట్లో ఉంచొద్దని అన్నాను కదా అయినా ఉంచారు.. అల్లుడు ఆ పిల్ల మీద పడ్డారో.. లేదంటే ఆ పిల్లే పిలిచిందో.. ఈ ఇంట్లో ఉండిపోవడానికి ఇలా ప్లాన్ చేసిందేమో అని వైజయంతి అంటుంది. అంత దారుణంగా ఎలా మాట్లాడుతారు అని కౌషికి, కేథార్, జగద్ధాత్రి అంటారు. వయసులో ఉన్న ఆడపిల్లని ఇంట్లో ఉంచొద్దు అని నిషిక, వైజయంతి అని అంటారు.
కాచితో మీ ఆయన్ను తీసుకెళ్లు అని కౌషికి అంటుంది. నేనేం చేయలేదు కాచీ అని బూచి అంటాడు. నువ్వే అత్త నీ సంగతి చెప్తా అని బూచి వెళ్లిపోతాడు. వైజయంతి శ్రీవల్లికి దుప్పటి కప్పి జాగ్రత్తమ్మా అని వెళ్లిపోతుంది. కౌషికి శ్రీవల్లితో ఏడ్వకు నీకు నా ఇంట్లో కూడా రక్షణ లేకుండా పోయింది అంటే నమ్మలేకపోతున్నా మా బూచి అలాంటి వాడు కదమ్మా ఏదో జరిగింది అని కౌషికి అంటుంది. దీంతో ఇవాళ్టి ఎపిసోడ్ పూర్తయిపోతుంది.
Before You Go
Virosh Couple Clarity on Divorce Rumours | ట్రోల్స్‌కు విజయ్, రష్మిక అదిరిపోయే కౌంటర్
టాప్ హెడ్ లైన్స్
ట్రెండింగ్ వార్తలు
