యాంకర్ సౌమ్య చెప్పుపై చంటీ పంచ్‌లు - అలా చేస్తే నా జడ్జి పోస్ట్ ఎప్పుడో పోయేదన్న కృష్ణ భగవాన్

జబర్దస్త్ కామెడీ షో కి సంబంధించిన లేటెస్ట్ ప్రోమో విడుదలైంది. ఈ ప్రోమోలో రాఘవ, చంటి, సద్దాం తమదైన పంచులతో ఆకట్టుకున్నారు. ప్రస్తుతం ఈ ప్రోమో సోషల్ మీడియాలో వైరల్ అవుతుంది.

Photo Credit : Mallemalatv/Youtube

‘జబర్దస్త్’, ‘ఎక్స్‌ట్రా జబర్దస్త్’ కామెడీ షోలకి ఆడియన్స్ లో ఎలాంటి క్రేజ్ ఉందో ప్రత్యేకంగా చెప్పనక్కర్లేదు. కొన్ని సంవత్సరాలుగా ఈ షో ప్రేక్షకులకు వినోదాన్ని పంచుతూ వస్తోంది. ఈ క్రమంలోనే ప్రతి గురువారం ‘జబర్దస్త్’ లో కమెడియన్స్ తమ స్కిట్స్ తో అలరిస్తుండగా, ఎప్పటిలాగే ఈ వారం ‘జబర్దస్త్’ ఎపిసోడ్ మరింత సరదాగా సాగనున్నట్లు తెలుస్తోంది. ఇందుకు సంబంధించిన లేటెస్ట్ ప్రోమో ప్రస్తుతం సోషల్ మీడియాలో వైరల్ అవుతుంది. సెప్టెంబర్ 28న ఈటీవీలో ప్రసారం కానున్న ‘జబర్దస్త్’ ప్రోమో ని తాజాగా విడుదల చేశారు. ఈ ప్రోమోలో రాఘవ, చంటి, సద్దాం హుస్సేన్, నూకరాజు తమ స్కిట్స్ తో అదరగొట్టేశారు.

రాఘవ స్కిట్ తో ప్రోమో స్టార్ట్ అయ్యింది. "కడుపులో ఎలకలు పరిగెడుతున్నాయి. ఏదైనా తినడానికి పట్టుకురా?" అని రాఘవ తన భార్యతో చెప్తే.. "ఆమె నీకా? ఎలకలకా?’’ అంటూ పంచ్ వేస్తుంది. ఇలాంటి డైలాగులు వేస్తే నాకు మండిపోద్ది అని రాఘవ చెబితే, ఎక్కడమ్మా? అని భార్య అంటుంది. దానికి రాఘవ ముందు నుంచి వెనక్కి తిరుగుతూ ఇక్కడ! కడుపులో అని చెప్పగానే షోలో ఉన్న వాళ్లంతా నవ్వేశారు. "నేను ఏదైనా మనసులో అనుకుంటే అది బయటికి వినబడిపోతుంది. ఇది నాకున్న జబ్బు" అని రాఘవ చెబుతుండగా, "ఇలా మనసులో అనుకున్నవి బయటకు వినబడిపోతే నా జడ్జి పోస్ట్ ఎప్పుడో పోయేది’’ అని కృష్ణ భగవాన్ సెటైర్ వేస్తాడు. దానికి ఇంద్రజ ‘‘అంటే?’’ అని షాకింగ్ గా చూస్తుంది.

ఆ తర్వాత వెంకీ స్కిట్ లో భాగంగా భార్య భర్తలు ఇద్దరు గొడవ పడుతుండగా భార్య వెంకీ ని, "వీడు ఇక్కడ ఎగురుతాడు, అక్కడ ఎగరడు?" అని అనగానే దానికి ఇంద్రజ, సౌమ్య పగలబడి నవ్వుతారు. ఆ తర్వాత సద్దాం, యాదమ్మ రాజు స్కిట్ లో పంచులు బాగా పేలాయి. ‘‘వైజాగ్ ని వైజాగ్ అని ఎందుకంటారు?’’ అని అడిగితే.. "బ్రిటిష్ వాళ్ళు ఉన్నప్పుడు జాగ్ అన్న ఒకడు ఉండేవాడు. అతను ఇంగ్లాండ్ కి వెళ్ళేటప్పుడు ఎందుకు వెళ్తున్నావ్? వై..జాగ్ వై..జాగ్? అలా అది వైజాగ్ అయిపోయిందని" సద్దాం హుస్సేన్ చెప్పగానే షోలో నవ్వులు విరిసాయి. ఆ తర్వాత మచిలీపట్నం కి ఆ పేరు ఎలా వచ్చింది అని అడిగితే.. "మచిలీపట్నంలో ఒక రాజు ఉండేవాడు. ఆయనకు ఒక చెల్లి ఉండేది. ఆమెకు ఏదైనా గిఫ్ట్ గా ఇద్దాం అనుకున్నాడు. అందుకే ఆ ఊరికి మా చెల్లి పట్నం అని పెట్టేశాడు. అది కాస్త మచిలీపట్నం అయిపోయింది" అని సద్దాం చెప్పగానే కృష్ణభగవాన్, ఇంద్రజ నవ్వారు.

చంటి స్కిట్ లో భాగంగా ఓ చెప్పును చూపిస్తూ.. "ఇప్పటికీ 200 సార్లు దాన్ని కుట్టాను" అని చంటి అంటాడు. ‘‘ఎవరిదన్నా ఈ చెప్పు’’ అని అడిగితే ‘‘మన సౌమ్యది’’ అని చంటి అంటాడు. ‘‘అదేంటన్నా కొత్త చెప్పు కొనుక్కోవచ్చుగా’’ అని అంటే.. "ఆవిడకి ఇచ్చే పేమెంటులో కాఫీ కప్పే కొనుక్కోదు. ఇంకా చెప్పలేం కొంటుంది" అని చంటి చెప్పగానే, ‘‘నీకన్నా పదివేలు ఎక్కువే అని చెప్పారు’’ అంటూ సందీప్ సెటైర్ వేస్తాడు. ఆ సెటైర్ కి ఇంద్రజ పగలబడి నవ్వుతుంది. చివరగా నూకరాజు తన స్కిట్లో భాగంగా విమానం మూవీ స్పూఫ్ చేశాడు. ఆ స్కూఫ్ లో వేసిన పంచులు నరేష్ కి అర్థం కాక.."దేవుడా ఈ కాలు తీసేసుకో" అని నరేష్ చెప్పగానే షోలో ఉన్నవాళ్లంతా తెగ నవ్వుతారు. అక్కడితో ప్రోమో ఎండ్ అవుతుంది.

Join Us on Telegram: https://t.me/abpdesamofficial