Dude OTT: 'డ్యూడ్' ఓటీటీ స్ట్రీమింగ్... ఒక్కటి కాదు, ఐదు భాషల్లో - ప్రదీప్ రంగనాథన్, మమితా బైజు సినిమా ఎందులో ఉందంటే?

Dude OTT Streaming: ప్రదీప్ రంగనాథన్, మమితా బైజు జంటగా నటించిన సినిమా 'డ్యూడ్'. ఇప్పుడీ సినిమా ఓటీటీలోకి వచ్చింది. ఒక్కటి కాదు... ఐదు భాషల్లో స్ట్రీమింగ్ అవుతోంది.

'డ్యూడ్' ఓటీటీ స్ట్రీమింగ్ షురూ

Source : https://www.instagram.com/p/DRBc4puEgom/

Pradeep Ranganathan's Dude OTT Streaming: కోలీవుడ్ యంగ్ అండ్ సెన్సేషనల్ హీరో ప్రదీప్ రంగనాథన్ నటించిన సినిమా 'డ్యూడ్'. ఇందులో మలయాళ హిట్ 'ప్రేమలు' ఫేమ్ మమితా బైజు హీరోయిన్‌గా నటించింది. రొమాంటిక్ కామెడీ డ్రామాగా తెరకెక్కిన ఈ సినిమా థియేటర్లలో భారీ విజయం సాధించింది. ఇప్పుడు ఓటీటీలోకి వచ్చింది. సినిమా ఎందులో స్ట్రీమింగ్ అవుతోంది? ఎన్ని భాషల్లో స్ట్రీమింగ్ అవుతోంది? అనేది చూస్తే...

నెట్‌ఫ్లిక్స్‌లో 'డ్యూడ్'... ఐదు భాషల్లో!
Dude streaming on Netflix: డ్యూడ్ డిజిటల్ స్ట్రీమింగ్ హక్కులను నెట్‌ఫ్లిక్స్‌ సొంతం చేసుకుంది. ఓటీటీలోకి ఈ రోజు సినిమాను తీసుకు వచ్చింది. తమిళంలో తెరకెక్కించిన 'డ్యూడ్'ను తెలుగులోనూ విడుదల చేశారు. రెండు భాషల్లో సినిమా విజయం సాధించింది. 

తమిళం, తెలుగుతో పాటు కన్నడ, మలయాళం, హిందీ భాషల్లో సినిమాను స్ట్రీమింగ్ చేస్తోంది నెట్‌ఫ్లిక్స్‌. ఈ రొమాంటిక్ కామెడీ సినిమాకు ఓటీటీ వ్యూవర్స్ నుంచి ఎటువంటి రెస్పాన్స్ వస్తుందో చూడాలి. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix India (@netflix_in)

డ్యూడ్... బాక్సాఫీస్ బరిలో 100 కోట్లు!
ప్రదీప్ రంగనాథన్, మమితా బైజు సినిమాకు థియేటర్లలో రెస్పాన్స్ అదిరింది. మైత్రీ మూవీ మేకర్స్ బ్యానర్ మీద నవీన్ యెర్నేని, రవిశంకర్ యలమంచిలి ప్రొడ్యూస్ చేసిన ఈ సినిమాకు థియేటర్లలో వంద కోట్ల రూపాయలకు పైగా కలెక్షన్స్ వచ్చాయి. ఈ సినిమాతో కీర్తీశ్వరన్ సంగీత దర్శకుడిగా పరిచయం అయ్యారు. ఈ సినిమాకు సాయి అభ్యంకర్ సంగీతం అందించారు.

అసలు 'డ్యూడ్' కథ ఏమిటి? ఏముంది?
Dude Story: గగన్ (ప్రదీప్ రంగనాథన్), కుందన (మమితా బైజు) బావా మరదళ్లు. బావకు మరదలు ప్రపోజ్ చేస్తే రిజెక్ట్ చేస్తాడు. ఆ బాధ నుంచి బయట పడటం వేరే సిటీ వెళుతుంది. అమ్మాయి దూరం అయ్యాక ఆ ప్రేమ తెలుసుకుంటాడు హీరో. మావయ్యకు చెబితే పెళ్లి ఫిక్స్ చేస్తాడు. అయితే తాను వేరొక అబ్బాయితో ప్రేమలో పడ్డానని చెబుతుంది. ఆ తర్వాత ఏమైంది? అనేది సినిమా.