Nazriya Nazim: నజ్రియా లిస్ట్ లో ఆ ముగ్గురు హీరోలు!

మలయాళీ ముద్దుగుమ్మ నజ్రియా నజీమ్ 'రాజారాణి' సినిమాతో టాలీవుడ్ వారికి దగ్గరైంది. ఆ తరువాత మాత్రం ఆమె నటించిన సినిమా ఏదీ తెలుగులో రిలీజ్ కాలేదు. మలయాళంలో కూడా ఆమె చాలా గ్యాప్ తీసుకొని సినిమాలు చేస్తుంటుంది. ఒక్కోసారి నాలుగేళ్లు కూడా గ్యాప్ తీసుకుంటుంది. దీంతో జనాలు కూడా ఆమె నుంచి ఎప్పుడు సినిమా వస్తుందా..? అని ఎదురుచూడడం మానేశారు. అయితే ఈమెకి మాత్రం పలానా హీరోలతో కలిసి పని చేయాలనే కోరికలు మాత్రం ఉన్నాయి. 

ముఖ్యంగా స్టార్ హీరోలతో సినిమాలు చేయాలనే కోరికను బయటపెట్టింది ఈ బ్యూటీ. తెలుగులో తనకు చాలా పెద్ద లిస్ట్ ఉందని.. తెలుగు సినిమాలు చాలా రెగ్యులర్ గా చూస్తానని చెప్పింది. మహేష్ బాబు, ఎన్టీఆర్, రామ్ చరణ్ ల యాక్టింగ్ అంటే చాలా ఇష్టమని.. కుదిరితే వాళ్లతో సినిమాలు చేయాలనుకుంటున్నానని తెలిపింది. తమిళంలో అజిత్ లాంటి స్టార్స్ సరసన నటించే అవకాశం వస్తే కచ్చితంగా చేస్తానని చెప్పింది. 

ఇలా మహేష్ బాబు, ఎన్టీఆర్, రామ్ చరణ్ తో నటించాలనే కోరికను బయటపెట్టింది. నజ్రియా కంటిన్యూస్ గా సినిమాలు చేయాలి గానీ.. అవకాశాలు ఇవ్వడానికి స్టార్ హీరోలు సైతం ముందుకొస్తారు. ఆమె క్యూట్ లుక్, పెర్ఫార్మన్స్ కి చాలా మంది ఫ్యాన్స్ ఉన్నారు. కానీ ఒక సినిమా ఒప్పుకోవడానికి ఆమె చాలా సమయం తీసుకుంటుంది. అలా గ్యాప్ తీసుకునే హీరోయిన్లకు అవకాశాలు ఇవ్వడానికి పెద్ద హీరోలు అంతగా ఆసక్తి చూపించరు. ప్రస్తుతం ఈ బ్యూటీ నటించిన 'అంటే సుందరానికి' సినిమా విడుదలకు సిద్ధంగా ఉంది. 

Also Read: సాయి పల్లవి కెరీర్ బెస్ట్ పెర్ఫార్మన్స్, మాటలు రావడం లేదు - 'విరాట పర్వం' చూసిన సెలబ్రిటీల రివ్యూ

Also Read: అరుదైన సినిమా, బాక్సు నిండుగా టిష్యూలు తీసుకు వెళ్ళండి - '777 చార్లీ' చూసిన సెలబ్రిటీలు ఏమన్నారంటే?

 

 

 

 

 

View this post on Instagram

 

 

 

 

 

 

 

 

 

 

 

A post shared by Nazriya Nazim Fahadh (@nazriyafahadh)