Naa Sami Ranga OTT: ఓటీటీలోకి 'నా సామిరంగ'- స్ట్రీమింగ్ ఎక్కడ? ఎప్పటి నుంచంటే..

నాగార్జున హీరోగా నటించిన ‘నా సామిరంగ’ ఓటీటీ స్ట్రీమింగ్ కు రెడీ అవుతోంది. సంక్రాంతి బరిలో నిలిచిన ఈ సినిమా త్వరలో డిజిటల్ రిలీజ్ కాబోతున్నట్లు డిస్నీ ప్లస్‌ హాట్‌ స్టార్‌ అధికారికంగా వెల్లడించింది.

‘నా సామిరంగ’ ఓటీటీ విడుదల(Photo Credit: Nagarjuna Akkineni / Twitter)

Nagarjuna's Naa Saami Ranga Locks OTT Release Date: టాలీవుడ్ స్టార్ హీరో  అక్కినేని నాగార్జున ప్రధాన పాత్రలో రూపొందిన రీసెంట్ మూవీ ‘నా సామిరంగ’. సంక్రాంతి కానుకగా జనవరి 14న ఈ సినిమా విడుదల అయ్యింది. ఈ చిత్రంతో పాటు 'హనుమాన్‌', 'గుంటూరు కారం', 'సైంధవ' సినిమాలు సైతం రిలీజ్ అయ్యాయి. అయినప్పటికీ ఈ మూవీ మంచి విజయాన్ని అందుకుంది. వసూళ్ల పరంగానూ సత్తా చాటింది. గ్రామీణ నేపథ్యంలో తెరకెక్కిన ఈ  యాక్షన్ ఎంటర్‌టైనర్‌ కు విజయ్ బిన్నీ దర్శకత్వం వహించారు. థియేటర్లలో ప్రేక్షకులను అలరించిన ఈ సినిమా ఓటీటీలోకి ఎప్పుడు వస్తుందా? అని సినీ అభిమానులు ఎదురు చూస్తున్నారు.

ఫిబ్రవరి 17 నుంచి ‘నా సామిరంగ’ ఓటీటీ స్ట్రీమింగ్

ఈ నేపథ్యంలో ‘నా సామిరంగ’ ఓటీటీ విడుదలకు సంబంధించి ఆడియెన్స్ కు గుడ్ న్యూస్ అందింది. ఈ సినిమా ఓటీటీ రిలీజ్ డేట్ ను డిస్నీ+ హాట్‍ స్టార్ అధికారికంగా ప్రకటించింది. ఇప్పటికే ఈ మూవీ హక్కులను ఫ్యాన్సీ అమౌంట్ కు  డిస్నీ+ హాట్‍ స్టార్ సొంతం చేసుకుంది. తాజాగా ఈ సినిమాకు డిజిటల్ రిలీపై కీలక ప్రకటన చేసింది. ఫిబ్రవరి 17 నుంచి స్ట్రీమింగ్ అవుతుందని వెల్లడించింది. ఈ మేరకు నాగార్జున మీసం తిప్పే చిన్న క్లిప్ ను సదరు ఓటీటీ సంస్థ షేర్ చేసింది.

Just one more week until we get to see the King 👑 #NaaSaamiRangaonHotstar Streaming from 17th Feb only on #DisneyPlusHotstar@iamnagarjuna @allarinaresh @mmkeeravaani @vijaybinni4u @itsRajTarun @AshikaRanganath @mirnaaofficial @RuksharDhillon @actorshabeer @srinivasaaoffl… pic.twitter.com/b32dwWbrIH

— Disney+ Hotstar Telugu (@DisneyPlusHSTel) February 10, 2024

నాగార్జునకు కలిసి వచ్చిన సంక్రాంతి సెంటిమెంట్

1980 గ్రామీణ నేపథ్యంలో ఈ సినిమాను తెరకెక్కించారు దర్శకుడు విజయ్ బిన్నీ. ఈ చిత్రంలో నాగార్జున ఊర మాస్ గెటప్, అంతకు మించిన మాస్ యాక్షన్, అదిరిపోయే డైలాగుతు ప్రేక్షకులను బాగా ఆకట్టుకున్నాయి. తన సినిమాలకు బాగా కలిసి వచ్చే సంక్రాంతికి ఈ చిత్రాన్ని ప్రేక్షకుల ముందుకు తీసుకొచ్చారు నాగార్జున. ఆయన సెంటిమెంట్ ఈ సారి కూడా వర్కౌట్ అయ్యింది. పెద్ద చిత్రాలతో గట్టి పోటీ ఎదురైనా ఈ సినిమా చక్కటి విజయాన్ని అందుకుంది. ఈ చిత్రంలో  నాగార్జున సరసన అషికా రంగనాథ్ హీరోయిన్‍గా నటించింది. యువ నటులు అల్లరి నరేష్, రాజ్ తరుణ్  కీలకపాత్రలు పోషించారు. ఈ చిత్రంలో నరేష్ కు జోడీగా మిర్నా మీనన్, రాజ్ తరుణ్ కు జోడీగా రుక్సాన్ థిల్లాన్ నటించింది.

శేఖర్ కమ్ముల, ధనుష్ చిత్రంలో నటిస్తున్న నాగ్

‘నా సామిరంగ’ సినిమా విజయం తర్వాత నాగార్జున ఏ ప్రాజెక్ట్ చేస్తున్నారు అనే విషయంలో ఇప్పటి వరకు ఎలాంటి క్లారిటీ లేదు. కానీ, శేఖర్ కమ్ముల దర్శకత్వంలో తమిళ హీరో ధనుష్ ప్రధాన పాత్రలో ఓ సినిమా తెరకెక్కుతోంది. ఈ చిత్రంలో నాగార్జున కీలక పాత్ర పోషించబోతున్నారు. ఈ విషయాన్ని చిత్రబృందం ఇప్పటికే అధికారికంగా ప్రకటించింది. అయితే, ఈ సినిమాలో ఆయన అతిథి పాత్రలో కనిపించబోతున్నారా? లేదంటే పూర్తి స్థాయిలో నటిస్తున్నారా? అనే విషయంపై మేకర్స్ ఎలాంటి క్లారిటీ ఇవ్వలేదు.