Sunil Gavaskar Slams Abhishek Sharma | అభిషేక్ శర్మపై గవాస్కర్ ఫైర్ | ABP Desam

టీ20 ప్రపంచకప్ 2026 ( T20 World Cup 2026 ) సూపర్-8లో దక్షిణాఫ్రికాతో జరిగిన కీలక మ్యాచ్‌లో టీమిండియా 76 పరుగుల తేడాతో ఓటమి పాలవ్వడంపై దిగ్గజ క్రికెటర్ సునీల్ గవాస్కర్ ( Sunil Gavaskar ) స్పందించారు. ముఖ్యంగా యువ ఓపెనర్ అభిషేక్ శర్మ ( Abhishek Sharma ) ఫామ్‌పై గవాస్కర్ ఆసక్తికర వ్యాఖ్యలు చేశారు.

"అంతర్జాతీయ మ్యాచ్‌ల్లో ఉండే ఒత్తిడి అభిషేక్ శర్మ సహజ సిద్ధమైన ఆటను దెబ్బతీస్తోంది. నెట్స్‌లో ప్రాక్టీస్ చేసినంత సులభంగా మెయిన్ మ్యాచ్‌లో ఉండదు. ఒక్కసారి వికెట్ పడితే తిరిగి వచ్చే అవకాశం ఉండదు కాబట్టి.. ఆ భయం వల్ల అభిషేక్ తన ఫ్రీడమ్‌ను కోల్పోయి ఆడుతున్నాడు" అని వివరించారు.

దక్షిణాఫ్రికా బౌలర్లు అభిషేక్‌ను కట్టడి చేయడానికి పక్కా వ్యూహంతో వచ్చారని గవాస్కర్ పేర్కొన్నారు. "అభిషేక్ సాధారణంగా ఆఫ్ సైడ్ రూమ్ చేసుకుని ఆడతాడు. అందుకే రబాడ లాంటి బౌలర్లు అతనికి ఏమాత్రం గ్యాప్ ఇవ్వకుండా నేరుగా ప్యాడ్లను లక్ష్యంగా చేసుకుని బంతులు వేశారు. ఆ వ్యూహంలో అభిషేక్ చిక్కుకుపోయాడు" అని అన్నారు. 

కేవలం అభిషేక్ మాత్రమే కాదు, మిగిలిన బ్యాటర్ల షాట్ సెలక్షన్‌పై కూడా గవాస్కర్ ఆగ్రహం వ్యక్తం చేశారు. సఫారీ బ్యాటర్లు డేవిడ్ మిల్లర్, డెవాల్డ్ బ్రెవిస్ పిచ్ పరిస్థితులను అర్థం చేసుకుని ఆడగా, భారత బ్యాటర్లు మాత్రం వికెట్లు పారేసుకున్నారని విమర్శించారు.