Thank You Movie Update: ఆ ప్రచారం నమ్మొద్దన్న నాగ చైతన్య… క్లారిటీ ఇచ్చిన 'థ్యాంక్యూ' టీమ్

'లవ్ స్టోరీ' మూవీ తర్వాత నాగ చైతన్య నటిస్తోన్న చిత్రం 'థ్యాంక్యూ'. ఈ మూవీ ఓటీటీలో విడుదలవుతుందన్న ప్రచారంపై ఆ మూవీ మేకర్స్ రియాక్టయ్యారు..

'Thank You' Movie Update

రీసెంట్ గా 'లవ్ స్టోరీ' సినిమాతో భారీ హిట్  కొట్టిన అక్కినేని నాగచైతన్య త్వరలో థ్యాంక్యూ సినిమాతో రానున్నాడు. మరోవైపు నాగ చైతన్య కీలక పాత్ర పోషిస్తోన్న 'బంగార్రాజు' కూడా త్వరలోనే విడుదల కానుంది. అయితే 'బంగార్రాజు ' కన్నా  'థాంక్యూ'  మూవీ పూర్తి చేసాడు చైతూ. విక్రమ్ కె కుమార్ దర్శకత్వంలో దిల్ రాజు నిర్మిస్తోన్న ఈ సినిమాలో రాశి ఖన్నా, అవికా గోర్ హీరోయిన్స్. చాలా రోజుల క్రితమే షూటింగ్ పూర్తైనప్పటికీ ఈ సినిమా గురించి ఎలాంటి అప్ డేట్ లేదు. దీంతో ఈ సినిమా ఓటీటీ చూపులు చూస్తున్నట్టు వార్తలొచ్చాయి. సోషల్ మీడియాలో పెద్ద హడావుడే జరిగింది. ఆల్రెడీ 'థ్యాంక్యూ' ఓటిటి రిలీజ్ కు సంబంధించి ఓ సంస్థతో డీల్ పూర్తయ్యిందని కూడా అన్నారు. త్వరలోనే అధికారిక ప్రకటన రానుందనే వార్తలొచ్చాయి. కానీ అంతా తూచ్ అంటూ చిత్రయూనిట్ క్లారిటీ ఇచ్చింది. “థాంక్యూ” సినిమా థియేటర్లోనే విడుదల కానుందని ట్వీట్ చేసింది.  

#ThankYouTheMovie will release only in theaters. pic.twitter.com/M3i7N9qw7J

— Sri Venkateswara Creations (@SVC_official) December 8, 2021

 నాగ చైతన్య ప్రస్తుతం కళ్యాణ్ కృష్ణ దర్శకత్వంలో “బంగార్రాజు” సినిమా చేస్తున్నాడు. ఈ చిత్రాన్ని జనవరి 2022 లో విడుదల చేయడానికి సన్నాహాలు చేస్తున్నారు. ఇప్పటికే 'మనం'లో కలసి నటించిన తండ్రీ కొడుకు మళ్లీ బంగార్రాజు తో మెప్పించేందుకు రానున్నారు. మరోవైపు నాగ చైతన్య విక్రమ్ కుమార్ దర్శకత్వంలో వెబ్ సిరీస్ కోసం కమిట్ అయ్యాడు. ఈ ప్రాజెక్ట్ పై అతి త్వరలో అధికారిక ప్రకటన రానుంది. అయితే . ఇంతకు ముందు దిల్ రాజు ప్రొడక్షన్ లో రూపొందిన నాని, సుధీర్ బాబు ‘వి’మూవీ నేరుగా అమెజాన్ ప్రైమ్ విడుదలైంది.  ఈ సినిమాను దిల్ రాజు రూ. 33కోట్లకు విక్రయించినట్టు టాక్. రిజల్ట్ తేడా కొట్టినా ఆ సినిమా వల్ల దిల్ రాజు నష్టపోలేదు. దీంతో ఈ సారి కూడా థ్యాంక్యూని ఓటీటీలో విడుదల చేయనున్నాడనే టాక్ వచ్చినా..అదంతా రూమర్ మాత్రమే అని తేల్చి చెప్పారు మూవీ యూనిట్. మరి' లవ్ స్టోరీ' సినిమాతో హిట్టందుకున్న నాగచైతన్య..'థ్యాంక్యూ ' తో ఎలాంటి రిజల్ట్ అందుకుంటాడో వెయిట్ అండ్ సీ. Also Read: 'RRR' అప్‌డేట్.. భీమ్ వచ్చేశాడు
Also Read: ‘జబర్దస్త్’ షోకు ‘సుధీర్ టీమ్’ గుడ్‌బై.. నిజమా? ఫూల్స్ చేస్తున్నారా?

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి