అన్వేషించండి

'RRR'Movie: 'RRR' అప్‌డేట్.. భీమ్ వచ్చేశాడు

సినీ ప్రియులు ఎంతో ఆసక్తిగా ఎదురుచూస్తోన్న RRR ట్రైలర్ విడుదలకు కౌంట్ డౌన్ ప్రారంభమైంది. గురువారం ట్రైలర్ విడుదలకానుంది. తాజాగా బ్రేస్ యువర్ సెల్ఫ్ ఫర్ భీమ్ అంటూ చెర్రీ కొత్త గ్లింప్ ట్వీట్ చేశాడు.

By : ABP Desam | Edited By: RamaLakshmibai | Updated at : 08 Dec 2021 11:33 AM (IST)

Bheem-RRR

రాజమౌళి ఎంతో ప్రతిష్ఠాత్మకంగా తెరకెక్కిస్తోన్న ఆర్ ఆర్ ఆర్ సినిమా ట్రైల్ కోసం సినీ ప్రియులు ఎంతో ఆసక్తిగా ఎదురుచూస్తున్నారు. యంగ్ టైగ‌ర్ ఎన్టీఆర్, మెగా ప‌వ‌ర్ స్టార్ రామ్ చ‌ర‌ణ్‌లు న‌టిస్తున్న ఈ భారీ బ‌డ్జెట్ మూవీలో ఆలియా భ‌ట్‌, అజ‌య్ దేవ‌గ‌ణ్ కీల‌క పాత్ర‌ల్లో న‌టిస్తున్నారు. మ‌రోవైపు హాలీవుడ్ నుంచి ఒలివియా మోరిస్‌, అలిస‌న్ డూడి, రే స్టీవెన్ స‌న్ వంటి స్టార్స్ కూడా ఈ ప్రాజెక్టులో భాగమయ్యారు. డివివి దాన‌య్య నిర్మిస్తున్న ఈ పాన్ ఇండియా చిత్రం సంక్రాంతి కానుకగా జనవరి 7న ప్రపంచ వ్యాప్తంగా భారీ స్థాయిలో విడుదలకు సిద్ధమవుతోంది. రిలీజ్ డేట్ దగ్గర పడుతుండడంతో ప్రమోషన్ జోరు పెంచారు మేకర్స్. ఇప్పటికే ఈ సినిమా నుంచి విడుదలై పోస్టర్స్, టీజర్, సాంగ్స్ అంచనాలు మరింత పెంచాయి. తాజాగా ట్రైలర్ విడుదలకు సిద్ధమవుతున్నారు మేకర్స్. గురువారం (డిసెంబర్ 9) ట్రైలర్ రిలీజ్ చేస్తున్నట్టు అఫీషియల్ గా చెప్పారు. అంతకన్నా ముందు స్పెషల్ పోస్టర్స్ తో ట్రైలర్ పై మరింత ఆసక్తి పెంచుతున్నారు.

Brace Yourself for BHEEM … @tarak9999 @ssrajamouli #RRRMovie #RRRTrailer pic.twitter.com/ocKXObKYVe
— Ram Charan (@AlwaysRamCharan) December 8, 2021

ఇప్పటికే రామ్ చరణ్ కి సంబంధించి కొత్త గ్లింప్స్ ను ఎన్టీఆర్ రిలీజ్ చేయగా...తాజాగా ఎన్టీఆర్ కు సంబంధించిన బ్రేస్ యువర్ సెల్ఫ్ ఫర్ భీమ్ అంటూ చెర్రీ కొత్త గ్లింప్ ట్వీట్ చేశాడు.

View this post on Instagram

A post shared by Jr NTR (@jrntr)

రామ్ చరణ్ అల్లూరి సీతారామరాజుగా నటిస్తుండగా… కొమరం భీం గా ఎన్టీఆర్ నటిస్తున్నారు. సీత పాత్రలో కనిపించనున్న హీరోయిన్ అలియా భట్ కు సంబంధించిన మేకింగ్ వీడియో ఇప్పటికే సోషల్ మీడియాలో సందడి చేస్తోంది. అలియా నుంచి ఆమె సీతగా మారేవరకూ చూపిస్తూ వీడియో షూట్ చేశారు.