Praneeth Antilia controversy: గేటెడ్ కమ్యూనిటీ గోడ కూల్చి పబ్లిక్ రోడ్డు - హైడ్రా దూకుడు - అసలు వివాదం ఇదే?
Hydra aggression: మల్లంపేట-బాచుపల్లి ప్రాంతవాసులకు దశాబ్ద కాలంగా పీడకలగా మారిన రహదారి ఆటంకం ఎట్టకేలకు తొలగిపోయింది. ప్రణీత్ ఆంటిల్యా గోడను తొలగించి.. పబ్లిక్ రోడ్ సౌకర్యం కల్పించారు.
Hydra demolishes community wall and makes public road : హైదరాబాద్ శివారు బాచుపల్లి వద్ద ఉన్న ప్రణీత్ ఆంటిల్యా** గేటెడ్ కమ్యూనిటీ గోడనుహైడ్రా కూల్చివేసింది. అక్కడ రాకపోకలకు పబ్లిక్ రోడ్ సౌకర్యాన్ని కల్పించింది. అయితే తమది గేటెడ్ కమ్యూనిటీ అని ఆ విల్లాల యజమానులు ఆందోళనకు దిగుతున్నారు.
అసలు వివాదం ఏమిటంటే?
అసలు ఈ వివాదం ప్రణీత్ ఆంటిల్యా వెంచర్ ప్రారంభం నుంచే ఉంది. హెచ్ఎండీఏ నిబంధనల ప్రకారం.. ఇది ఒక బహిరంగ లేఅవుట్ . అంటే ఇందులోని 40 ఫీట్ల రహదారిని ప్రజలందరూ వాడుకోవచ్చు. కానీ, నిర్వహణలో భాగంగా ప్రణీత్ ఆంటిల్యా నిర్వాహకులు దీనిని గేటెడ్ కమ్యూనిటీ గా ముద్ర వేసి, రహదారికి అడ్డంగా భారీ ప్రహరీ గోడను నిర్మించారు. దీనివల్ల మల్లంపేట ఔటర్ రింగ్ రోడ్డు ఎగ్జిట్ 4 నుంచి ప్రగతినగర్ వెళ్లాల్సిన వాహనదారులు అదనంగా 5 కిలోమీటర్లు ప్రయాణించాల్సి వచ్చేది. ఈ అక్రమ గోడపై స్థానికులు ఎన్నో ఏళ్లుగా పోరాటం చేస్తున్నా, హైడ్రా రాకతోనే మోక్షం లభించింది.
గేటెడ్ కమ్యూనిటీ యజమానుల వాదన
హైడ్రా చర్యపై ప్రణీత్ ఆంటిల్యాలోని నివాసితులు భిన్నాభిప్రాయాలు వ్యక్తం చేస్తున్నారు. తాము కోట్ల రూపాయలు వెచ్చించి గేటెడ్ కమ్యూనిటీ అని నమ్మి ఇళ్లను కొనుగోలు చేశామని, ఇప్పుడు తమ లోపలి రహదారిని పబ్లిక్ రోడ్డుగా మార్చితే భద్రత ఏమవుతుందని వారు ప్రశ్నిస్తున్నారు. ముఖ్యంగా బయటి వాహనాల రాకపోకల వల్ల శబ్ద కాలుష్యం, పిల్లల భద్రతకు ముప్పు వాటిల్లుతుందని ఆందోళన వ్యక్తం చేశారు. గతంలో వీరు హైకోర్టును ఆశ్రయించినా, కోర్టు మాత్రం డ్యూ ప్రొసీజర్ ఫాలో కావాలని హైడ్రాకు సూచించింది. చివరకు ఇది అధికారికంగా గేటెడ్ కమ్యూనిటీ కాదని, పబ్లిక్ రోడ్డును ఆక్రమించారని తేలడంతో హైడ్రా చర్యలు చేపట్టింది.
-- ప్రణీత్ ఆంటిల్యాలో తొలగిన రహదారి ఆటంకం
— HYDRAA (@Comm_HYDRAA) March 9, 2026
-- 5 కిలోమీటర్లు తగ్గిన ప్రయాణ దూరం
-- కోర్టు ఉత్తర్వులు ప్రకారం అడ్డుగోడను తొలగించిన హైడ్రా
✳️ అడ్డుగోడ తొలగిస్తే 3 కిలోమీటర్లు.. లేదంటే 8 కిలోమీటర్లు ప్రయాణించాల్సిన అవస్థలకు హైడ్రా చెక్ పెట్టింది. మాది గేటెడ్ క… pic.twitter.com/UppEOU5HGw
హైడ్రా వ్యూహాత్మక అడుగు
హైడ్రా కమిషనర్ రంగనాథ్ నేతృత్వంలో అధికారులు ఇరుపక్షాలతో చర్చించి, లేఅవుట్ ప్లాన్ను క్షుణ్ణంగా పరిశీలించారు. హెచ్ఎండీఏ అనుమతించిన లేఅవుట్లో రహదారి కేటాయింపులు బహిరంగంగానే ఉన్నాయని నిర్ధారించుకున్నాకే గోడను తొలగించారు. కేవలం గోడను కూల్చడమే కాకుండా, ప్రయాణికులకు ఇబ్బంది కలగకుండా ప్రభుత్వం వెంటనే అక్కడ బీటీ రోడ్డు నిర్మాణాన్ని ప్రారంభించింది. పనులు పూర్తి అయితే ప్రగతినగర్, బాచుపల్లి, మల్లంపేట మధ్య ప్రయాణ సమయం భారీగా తగ్గనుంది. ప్రస్తుతం ఆకాశ్ వెంచర్, డ్రీమ్ వ్యాలీ, గ్రీన్ పార్కు కాలనీ వంటి పదుల సంఖ్యలోని కాలనీల ప్రజలకు ఈ రహదారి అందుబాటులోకి వచ్చింది. ప్రణీత్ ఆంటిల్యా నివాసితులు తమ ప్రైవసీ దెబ్బతింటుందని ఆందోళన చేస్తున్నారు.
టాప్ హెడ్ లైన్స్
ట్రెండింగ్ వార్తలు
