Puneeth Rajkumar: ఆ పద్దెనిమిది వందల మందిని నేను చదివిస్తా.. పునీత్ కి మాటిచ్చిన విశాల్

కన్నడ సూపర్ స్టార్ పునీత్ రాజ్ కుమార్ గుండెపోటుతో మరణించిన సంగతి తెలిసిందే. ఆయన మరణాన్ని అభిమానులు జీర్ణించుకోలేకపోతున్నారు. సెలబ్రిటీలు సైతం పునీత్ కోసం రోదిస్తున్నారు. 'అప్పు' అన్న తిరిగొచ్చెయ్ అంటూ సోషల్ మీడియా వేదికగా పోస్ట్ లు పెడుతున్నారు. మంచి నటుడిగానే కాకుండా.. మంచి మనిషిగా ఎందరో అభిమానాన్ని సొంతం చేసుకున్నారు పునీత్. 

తన కెరీర్ లో నలభైకి పైగా ఫ్రీ స్కూల్స్ ని, అనాధశరణాలయాలను, వృద్ధాశ్రమాలు నడిపించడంతో పాటు 1800 మంది స్టూడెంట్స్ కి ఫ్రీ ఎడ్యుకేషన్ ఇప్పిస్తున్నారు. అయితే ఇకపై ఆ 1800 మంది పిల్లల బాధత్య తను తీసుకుంటానని హీరో విశాల్ చెప్పారు. 

Also Read: హార్ట్ ఎటాక్ కాదు... నా దగ్గరకు వచ్చేసరికి పునీత్ పరిస్థితి ఇలా ఉంది... షాకింగ్ విషయాలు బయటపెట్టిన ఫ్యామిలీ డాక్టర్

విశాల్-ఆర్య హీరోలుగా తెరకెక్కుతోన్న చిత్రం 'ఎనిమీ'. ఈ సినిమా దీపావళి కానుకగా తెలుగు, తమిళ భాషల్లో విడుదలవుతోంది. తాజాగా ఈ సినిమా ప్రీరిలీజ్ ఈవెంట్ ను హైదరాబాద్ లో నిర్వహించిన విశాల్.. పునీత్ రాజ్ కుమార్ కి నివాళులు అర్పించారు. 

అనంతరం ఆయన మాట్లాడుతూ.. ''ఇవాళ ఈవెంట్ పెట్టుకోవాలా..? వద్దా..? అని లాస్ట్ మినిట్ వరకు గిల్టీ కాన్షియస్ ఉంది. ఎందుకంటే ఒక మంచి నటుడు మాత్రమే కాదు.. మంచి మిత్రుడు.. మంచి మనిషి.. మన మధ్య ఇవాళ లేడు అనే విషయాన్ని నమ్మలేకపోతున్నా.. 'పునీత్ రాజ్ కుమార్ ఈజ్ నో మోర్' అని చదివేప్పుడు, వినేప్పుడు జీర్ణించుకోలేకపోతున్నాను. ఆయన మరణం సినిమా ఇండస్ట్రీకి మాత్రమే కాదు.. ఆయన ఫ్యామిలీకి, సమాజానికి కూడా తీరని లోటు. పునీత్ లాంటి డౌన్ టు ఎర్త్ మనిషిని సినిమా ఇండస్ట్రీలో నేను చూడలేదు. ఆయన్ను ఇంట్లో కలిసినా.. బయట కలిసినా ఒకేలా ఉంటాడు. మేకప్ వేసుకున్నా.. సరే వేసుకోకపోయినా సరే.. ఒకేలా ఉండే మనిషి పునీత్. నేను కలిసిన అద్భుతమైన వ్యక్తుల్లో ఆయనొకరు. ఆయన ఆత్మకు శాంతి చేకూరాలి. ఇలాంటి సమయంలో ఆయన కుటుంబం స్ట్రాంగ్ గా ఉండాలి. గవర్మెంట్ చేసే పని ఆయన ఒక్కరే చేశారు. ఒక్క మనిషి 1800 మంది స్టూడెంట్స్ కి ఫ్రీ ఎడ్యుకేషన్ ఇప్పించారు. దాంతో పాటు వృద్ధాశ్రమాలు, అనాధశరణాలయాలు రన్ చేశారు. చనిపోయినప్పుడు కూడా ఆయన కళ్లను దానం చేశారు. విలక్షణ నటుడిని కోల్పోయాం'' అని అన్నారు.

ఆ తరువాత చనిపోయిన పునీత్ కి మాటిస్తూ.. ''నీ మిత్రుడిగా.. నేను వీలైనంత వరకు నువ్ చేసిన సర్వీస్ ను కంటిన్యూ అయ్యేలా చూసుకుంటాను. ఆ 1800 మంది బాధ్యత తీసుకుంటాను. వాళ్ల చదువుని నేను నడిపిస్తాను'' అంటూ ఎమోషనల్ గా చెప్పుకొచ్చారు.

Also Read: కన్నడ పవర్ స్టార్ పునీత్ రాజ్‌కుమార్ మరణంపై ప్రముఖుల దిగ్భ్రాంతి.. మోదీ ట్వీట్

Also Read: అర్ధరాత్రి హైద‌రాబాద్‌లో ఆ బ్రిడ్జ్ మీద వెంకీ, వరుణ్! ఏం చేస్తున్నారంటే?

Also Read: శాండిల్‌వుడ్‌కు పునీత్ పరిచయం చేసిన హీరోయిన్లు ఎవరో తెలుసా?

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి