తక్కువ డౌన్ పేమెంట్తో TVS Ronin కొనేయండి.. మీరు EMI ఎంత చెల్లించాలంటే
TVS రోనిన్ దాని విభాగంలో పవర్ఫుల్ బైక్. ఇది రాయల్ ఎన్ఫీల్డ్ హంటర్ 350, హోండా CB350 RS లతో పోటీపడుతుంది. ఫైనాన్స్పై కొనుగోలు చేస్తే నెలకు EMI ఎంత కట్టాలో ఇక్కడ తెలుసుకోండి.
TVS రోనిన్ భారత మార్కెట్లో కస్టమర్ల ఆదరణ పొందుతున్న బైకులలో ఒకటి. టీవీఎస్ కంపెనీ దీనిని 2022 సంవత్సరంలో లాంచ్ చేసింది. ఈ బైక్2తో కంపెనీ ప్రీమియం లైఫ్ స్టైల్ సెగ్మెంట్లో అడుగు పెట్టింది. మోడ్రన్, రెట్రో లుక్ టీవీఎస్ రోనిన్ను మిగతా బైక్స్ కంటే ప్రత్యేకంగా చేస్తుంది. అందుకే ఈ బైక్ రాయల్ ఎన్ఫీల్డ్ హంటర్ (Royal Enfield Hunter) కి గట్టి పోటీనిస్తోంది. ఇప్పుడు మీరు ఈ బైక్ కొనాలని ప్లాన్ చేస్తుంటే మంచి అవకాశం వచ్చింది. సుమారు 5 వేల EMI తో కూడా ఇంటికి తీసుకెళ్లవచ్చు. డౌన్ పేమెంట్ ఎంత కట్టాలి అనేది మీరు ఏ రాష్ట్రంలో, ఏ సిటీలో తీసుకుంటున్నారు అనే దానిపై ఆధారపడి ఉంటుంది. షోరూమ్ లో వివరాలు కనుక్కున్నాకే కొనుగోలు చేయండి.
TVS రోనిన్ ధర మరియు EMI ప్లాన్
TVS రోనిన్ ఎక్స్-షోరూమ్ ధర రూ. 1.26 లక్షలకు ప్రారంభమై రూ. 1.60 లక్షల వరకు ఉంటుంది. EMI లెక్కింపు దీని టాప్ వేరియంట్ ధర రూ. 1,60,140 ఆధారంగా డిసైడ్ చేస్తారు. మీరు మొత్తం ఎక్స్-షోరూమ్ ధరపై లోన్ తీసుకుంటే, వడ్డీ రేటు 9.5 శాతంగా ఉందనుకుందాం. 12 నెలల కాలపరిమితితో లోన్ తీసుకుంటే ప్రతి నెలా సుమారు రూ. 14,042 EMI చెల్లించాల్సి ఉంటుంది. 24 నెలల గడువు ఎంచుకుంటే EMI సుమారు రూ. 7,353 అవుతుంది. మీరు 36 నెలలు అంటే 3 సంవత్సరాల కాలపరిమితిని ఎంచుకుంటే ప్రతి నెలా సుమారు రూ. 5,130 EMI చెల్లించాలి. ఈ విధంగా ఎక్కువ కాలపరిమితిని ఎంచుకోవడం ద్వారా మీరు తక్కువ EMI తో ఏ ఇబ్బంది లేకుండా ఈ బైక్ను కొనుగోలు చేయవచ్చు.
ఇంజిన్, పనితీరు
TVS రోనిన్లో 225.9 సీసీ ఇంజిన్ అందించారు. ఇది సిటీతో పాటు హైవే రెండింటిలోనూ మంచి పనితీరును చూపుతోంది. ఈ ఇంజిన్ స్మూత్ రైడింగ్ అనుభవాన్ని ఇస్తుంది. రోజువారీ వినియోగానికి కూడా చాలా ఉత్తమమైనది. బైక్ పవర్ డెలివరీ బ్యాలెన్స్డ్గా ఉంటుంది. దీనివల్ల కొత్త, పాత రైడర్లు ఎవరైనా దీనిని సులభంగా డ్రైవ్ చేయవచ్చు.
ఆధునిక ఫీచర్లతో వచ్చిన బైక్
టీవీఎస్ రోనిన్ బైక్లో పూర్తి స్థాయి LED లైటింగ్ సిస్టమ్ అందించారు. దీనివల్ల రాత్రి వేళల్లో నడిపేందుకు మంచి లైటింగ్ వస్తుంది. ఇందులో పక్కనే అమర్చిన LCD ఇన్స్ట్రుమెంట్ క్లస్టర్ ఉంటుంది. ఇది TVS SmartXonnect బ్లూటూత్ కనెక్టివిటీతో వస్తుంది. దీని ద్వారా మీరు కాల్స్, మెసేజ్ వివరాలను స్క్రీన్పైనే చూడవచ్చు.
సేఫ్టీ విషయానికి వస్తే ఇందులో రెయిన్, 'రోడ్' అనే రెండు ABS మోడ్లు ఉన్నాయి. దీనితో పాటు గ్లైడ్ త్రూ టెక్నాలజీ (Glide Through Technology) లభిస్తుంది. ఇది ట్రాఫిక్లో బైక్ నెమ్మదిగా ముందుకు సాగడానికి హెల్ప్ అవుతుంది. ముందు భాగంలో USD ఫోర్క్స్, వెనుక వైపు మోనోషాక్ సస్పెన్షన్ అందించారు. బ్రేకింగ్ కోసం ముందు, వెనుక రెండు వైపులా డిస్క్ బ్రేక్లు ఇచ్చారు. ABS అనేది మీకు స్టాండర్డ్ ఫీచర్గా వస్తుంది.
Also Read: ప్రారంభమైన Nissan Gravite 7 సీటర్ కారు డెలివరీ.. ఫ్యామిలీ కోసం బెస్ట్ ఆప్షన్, ధర, ఫీచర్ల వివరాలు
టాప్ హెడ్ లైన్స్
ట్రెండింగ్ వార్తలు
