Citroen Basalt లేదా Kia Syros .. ఇంజిన్, ఫీచర్ల పరంగా ఏ SUV బెటర్? వ్యత్యాసం ఏంటీ
Citroen Basalt Vs Kia Syros: సిట్రోయెన్ బసాల్ట్, కియా సిరోస్ రెండూ వాటి విభాగాలలో ఫేమస్ అవుతున్నాయి. ఈ రెండు SUV లలో మీకు ఏది మంచిదో ఫీచర్లు చూసి డిసైడ్ చేసుకోండి.
భారత ఆటోమొబైల్ మార్కెట్లో SUVలకు డిమాండ్ వేగంగా పెరుగుతోంది. Citroen Basalt కారు, Kia Syros కార్లు వాటి డిజైన్, ఫీచర్లు, ఇంజిన్ పనితీరుతో కస్టమర్ల ఆదరణ పొందుతున్నాయి. మీరు కొత్త SUV కొనాలని ఆలోచిస్తూ, ఈ రెండింటిలో ఒకటి ఎంచుకోవాలనుకుంటే, ఇంజిన్, ఫీచర్ల పరంగా ఏ SUV మెరుగ్గా ఉందో ఇక్కడ తెలుసుకోండి.
ఫీచర్లలో ఏది పవర్ఫుల్
Citroen Basaltలో పలు ముఖ్యమైన, అవసరమైన ఫీచర్లు అందించారు. ఇందులో 10.25 అంగుళాల టచ్ స్క్రీన్ ఇన్ఫోటైన్‌మెంట్ సిస్టమ్ ఇచ్చారు. ఇది ఆండ్రాయిడ్ ఆటో, ఆపిల్ కార్ ప్లేను సపోర్ట్ చేస్తుంది. దీనితో పాటు 7 అంగుళాల డిజిటల్ ఇన్స్ట్రుమెంట్ క్లస్టర్ కూడా ఇచ్చారు. సీట్లపై లెథరెట్ కవర్లు లభిస్తాయి. 470 లీటర్ల పెద్ద బూట్ స్పేస్ అందించారు. దీనివల్ల కుటుంబంతో సుదీర్ఘ ప్రయాణాలు సులభం అవుతాయి. ఇందులో LED ప్రొజెక్టర్ హెడ్ లాంప్స్, ఆటో క్లైమేట్ కంట్రోల్, రియర్ ఏసీ వెంట్స్ వంటి సదుపాయాలు ఉన్నాయి.
ఫీచర్ల పరంగా Kia Syros ఒక అడుగు ముందున్నట్లు కనిపిస్తుంది. ఇందులో 30 ఇంచెస్ పెద్ద ట్రినిటీ పనోరమిక్ డిస్‌ప్లే ప్యానెల్ ఇచ్చారు. ఇందులో నావిగేషన్, కనెక్టెడ్ కార్ టెక్నాలజీ లభిస్తాయి. ఇవే కాకుండా డ్యూయల్ పేన్ సన్‌రూఫ్, 64 రంగుల యాంబియంట్ లైటింగ్, రియర్ సీట్ రెక్లైన్, వెంటిలేటెడ్ సీట్ల వంటి ఫీచర్లు దీనిని మరింత ప్రీమియంగా మారుస్తాయి. ఫీచర్ల ఆధారంగా చూస్తే, Kia Syros మరింత మోడ్రన్, లగ్జరీ అనుభూతిని ఇస్తుంది.
ఇంజిన్, పర్ఫార్మెన్స్‌లో ఏది ముందుంది?
Citroen Basaltలో 1.2 లీటర్ల 3 సిలిండర్ల పెట్రోల్ ఇంజిన్ ఉంది. దీని మాన్యువల్ వెర్షన్‌లో 82 PS పవర్, 115 Nm టార్క్ లభిస్తుంది. ఇందులో 5 స్పీడ్ మాన్యువల్ గేర్‌బాక్స్ ఇచ్చారు. కంపెనీ ప్రకారం ఇది లీటరుకు 18 నుండి 18.7 కిలోమీటర్ల వరకు మైలేజీ ఇస్తుంది. దీని ఆటోమేటిక్ వెర్షన్‌లో ఇదే ఇంజిన్ 110 PS పవర్, 205 Nm టార్క్‌ను అందిస్తుంది.
మరోవైపు Kia Syrosలో రెండు ఇంజిన్ ఆప్షన్లు ఉన్నాయి. ఇందులో ఒక లీటరు టర్బో పెట్రోల్ ఇంజిన్ ఉంది. ఇది 120 PS పవర్, Nm టార్క్‌ను ఇస్తుంది. ఇది కాకుండా 1.5 లీటర్ల డీజిల్ ఇంజిన్ కూడా ఉంటుంది. దీని ద్వారా 116 PS పవర్, 250 Nm టార్క్ అందుతుంది. రెండు ఇంజిన్లలోనూ మాన్యువల్ మరియు ఆటోమేటిక్ గేర్‌బాక్స్ ఎంపికలు అందుబాటులో ఉన్నాయి. ఇంజిన్ ఆప్షన్లు, ఎనర్జీ విషయంలో Kia Syros మరింత బలంగా కనిపిస్తోంది.
ధరలో ఏది బెస్ట్
Citroen Basalt ఎక్స్-షోరూమ్ ప్రారంభ ధర రూ. 8.15 లక్షలు, దీని టాప్ వేరియంట్ ధర రూ. 13.11 లక్షల వరకు ఉంటుంది. అదే సమయంలో Kia Syros ప్రారంభ ధర రూ. 8.67 లక్షలు కాగా, టాప్ వేరియంట్ రూ. 15.94 లక్షల వరకు లభిస్తుంది. అంటే Basalt ధర పరంగా కొంచెం చౌకగా ఉంది.
టాప్ హెడ్ లైన్స్
ట్రెండింగ్ వార్తలు
