Deepthi Sunaina: ఇంకేం మాట్లాడాలిరా!? దీప్తి సునైన మళ్లీ ఏసేసిందిగా!!

దీప్తి సునైన మరోసారి ఇన్‌స్టాగ్రామ్‌లో పోస్టులు చేసింది. ఆమె మళ్లీ పంచ్ డైలాగులు ఏసేసింది. ఇంకేం మాట్లాడటానికి లేదన్నట్టు ఆమె పోస్టులు ఉన్నాయి.

By: ABP Desam | Updated at : 23 Dec 2021 05:58 PM (IST)

Deepthi Sunaina did it again... She targets Shanmukh Jaswanth and as well as public again?

దీప్తి సునైన (Image Credit: Instagram/Deepthi Sunaina)

యూట్యూబర్ దీప్తి సునైన తాను చెప్పాలనుకున్నది చెబుతోంది! కానీ, ఎవరిని ఉద్దేశించి చెబుతోందో చెప్పడం లేదు. కానీ, ఇన్‌స్టాగ్రామ్‌లో ఆమె పెడుతున్న స్టోరీలు చూస్తుంటే ఎవరిని ఉద్దేశించి చెబుతోందో అందరికీ అర్థం అవుతోంది. 'బిగ్ బాస్ 5'కి వెళ్లడానికి ముందు వరకూ షణ్ముఖ్ జ‌స్వంత్‌తో ఆమె ప్రేమలో ఉంది. అతడు 'బిగ్ బాస్'కు వెళ్లిన తర్వాత కూడా ఆమె తన ప్రేమను చాటుకుంది. షోలో ఉన్నప్పుడు షన్ను బర్త్ డే జరిగితే... బయట హడావిడి చేసింది. ఐ లవ్యూ చెప్పింది. కానీ, 'బిగ్ బాస్' హౌస్‌లో సిరి హనుమంతుకు షన్ను దగ్గర కావడంతో ఆమె హర్ట్ అయినట్టు ఉంది.

"నువ్వు ప్రజెంటేషన్ ఇస్తున్నప్పుడు 'మాట్లాడు' అంటే... " ఈ ప్రశ్న ఎదురు అయితే ఎలా ఉందన్నట్టు ఓ ఎక్స్‌ప్రెష‌న్ ఇచ్చారు. 'ఇంకేం మాట్లాడాలిరా?' అన్నట్టు ఆమె ఎక్స్‌ప్రెష‌న్ ఉందని కొందరు భావిస్తున్నారు. అంతకు ముందు ఓ హాలీవుడ్ సినిమా క్లిప్‌ను ఇన్‌స్టా స్టోరీలో పోస్ట్ చేశారు. అందులో "నువ్వు నాతో ఆడుకుంటున్నావ్ కదా" అని హీరోని హీరోయిన్ ప్రశ్నిస్తుంది. అందుకు బదులుగా అతడు 'అవును' అన్నట్టు సమాధానం ఇస్తాడు. అప్పుడు హీరోయిన్ "ఈజీ టార్గెట్" అని అంటుంది. దీనిని చూస్తే... తాను ఈజీ టార్గెట్ అయినట్టు దీప్తి సునైన భావిస్తుందా? అనే సందేహం కలుగుతోంది.

'కనీసం నీకు నువ్వు అయినా సమాధానం చెప్పుకొనేలా ఉండు', 'నా చుట్టూ ఉన్న పరిస్థితులు అనుకూలంగా లేనప్పటికీ నా జీవితాన్ని ఎంజాయ్ చేస్తున్నా', 'ఈ ఏడాది నాకు బాగా అనిపించలేదు. కానీ, చాలా నేర్చుకున్నాను' అంటూ వరుసగా దీప్తి సునైన పోస్టులు పెట్టింది. ఇవి చూసి చాలా మంది షన్నుతో ఆమె బ్రేకప్ అయ్యిందని అనుకుంటున్నారు. ఆ డౌట్ క్లియర్ కాకముందే మరోసారి ఆమె ఇన్‌స్టాగ్రామ్ స్టోరీల్లో మరికొన్ని పోస్టులు చేశారు. దీప్తి సునైన తీరు చూస్తుంటే... ఆమె ఏదో చెప్పాలని అనుకుంటున్నదని ఆడియన్స్ అందరికీ అర్థం అవుతోంది.