Vijay Devarakonda Comments: వీడికి పోగరని తిట్టుకున్న పర్వలేదు, ఈసారి రూ.200 కోట్లు కొడుతా - 'లైగర్‌' ప్లాప్‌పై విజయ్‌ కామెంట్స్‌

Vijay Deverakonda: 'ఫ్యామిలీ స్టార్‌' ప్రీ రిలీజ్‌ ఈవెంట్‌లో విజయ్‌ మాట్లాడుతూ 'లైగర్‌' మూవీ టైంలో చేసి తప్పునే మళ్లీ రిపీట్ చేశాడు. ఈ సినిమాతో 200 కోట్లు కొడతానంటూ ఓవర్‌ కాన్ఫీడెన్స్‌ చూపించిన విజయ్‌

Vijay Devarakonda (Image Credit: Manastars/Youtube)

Vijay Devarakonda Speech at Family Star Pre Release event: 'రౌడీ' హీరో విజయ్‌ దేవరకొండ ఫ్యామిలీ స్టార్‌ మరో రెండు రోజుల్లో విడుదల కాబోతుంది. ఏప్రిల్‌ 5న మూవీ థియేటర్లో సందడి చేయబోతుంది. బ్లాక్‌బాస్టర్‌ హిట్‌ కాంబినేషన్‌లో వస్తున్న ఈ మూవీ ప్రేక్షకుల్లో భారీ అంచనాలు నెలకొన్నాయి. విజయ్‌ దేవరకొండ కెరీర్‌లోనే బ్లాక్‌బస్టర్‌ హిట్‌, వందకోట్ల సినిమా అందించిన పరశురాంతో కలిసి విజయ్‌ చేస్తున్న రెండవ సినిమా ఇది. దీంతో ఈ సినిమాపై హిట్‌ కాదు వందకోట్లు దాటడం పక్కా అని విజయ్‌ ఫ్యాన్స్‌ అంతా కాలర్‌ ఎగిరేస్తున్నారు. కానీ, విజయ్  మాత్రం మరింత కాన్పిడెన్స్ చూపిస్తున్నాడు. ఈ సినిమా రెండు వందల కోట్లు పక్కా అంటున్నాడు. 

నిన్న జరిగిన  'ఫ్యామిలీ స్టార్‌' ప్రీ రిలీజ్‌ ఈవెంట్‌లో విజయ్‌ మాట్లాడుతూ 'లైగర్‌' మూవీ టైంలో చేసి తప్పునే మళ్లీ రిపీట్ చేశాడు. 'లైగర్' టైంలో  సినిమాతో 200 కోట్లు కొడతానంటూ ఓవర్‌ కాన్ఫీడెన్స్‌ చూపించిన విజయ్‌ తాజాగా అదే కామెంట్స్‌తో హాట్‌టాపిక్‌ అయ్యాడు. 'ఫ్యామిలీ స్టార్‌'తో రూ. 200 కోట్లు కొడతానంటూ మళ్లీ అవే కామెంట్స్‌ చేసి ట్రోలర్స్‌ చేతికి చిక్కాడు. ఇంతకి ఈ ప్రీరిలీజ్‌ ఈవెంట్‌ విజయ్‌ ఏం అన్నాడంటే.. "ఆరేళ్ల క్రితం ఇదే డైరెక్టర్‌తో నా కెరీర్‌లోనే బిగ్గేస్ట్‌ హిట్‌ ఇచ్చాను. అదే 'గీతా గోవిందం'. అన్ని వర్గాలను ప్రేక్షకులు మెచ్చుకున్న సినిమా అది. మళ్లీ అలాంటి సినిమా ఎప్పుడు తీస్తావ్‌ విజయ్‌ అంటూ నా ఫ్యాన్స్‌, ఫ్యామిలీ ఆడియన్స్‌ అంతా నన్ను అడుగుతున్నారు.

'గీతా గోవిందం' తర్వాత బ్యాక్‌ టూ బ్యాక్‌ సినిమా చేశాను. కానీ, అలాంటి హిట్‌ మాత్రం ఇవ్వలేకపోయాను. ఎవడే సుబ్రమణ్యం మూవీ టైంలో అనుకుంట.. ఏదో ఇంటర్య్వూలో విజయ్‌ నీ గురించి ఎలాంటి గాసిప్‌ వినాలనుకుంటున్నావ్‌ అని అడిగారు. అప్పుడు నేను విజయ్‌ దేవరకొండ సినిమా రూ. 100 కోట్లు కొట్టిందని వినాలనుకుంటున్నా అని చెప్పాను. అదీ 'గీతా గోవిందం'తో నెరవేరింది. ఆ తర్వాత అందరి నుంచి ఎన్నో ప్రశంసలు, అభిమానాలు, ప్రేమలు చూశాను. తర్వాత అదే ప్రయత్నం ఫ్యాన్స్‌, ఆడియన్స్‌ ఎంటర్‌టైన్‌ చేయాలని ట్రై చేశా. కానీ, ఇప్పటి వరకు 'గీతా గోవిందం'ను బీట్‌ చేసిన సినిమా రాలేదు" అంటూ చెప్పుకొచ్చాడు. 

మళ్లీ మళ్లీ అదే స్టేట్ మెంట్!

అనంతరం మాట్లాడుతూ.. "అదే వందకోట్లు కోట్లు కొట్టిన పిల్లాడు.. రూ. 200 కోట్లు కొడతానంటూ ఓ సినిమాకు చెప్పాడు. ఆ స్టేట్‌మెంట్‌ ఇచ్చాడు కానీ, కొట్టలేదు. ఆ టైం నేను చేసిన కామెంట్స్‌కి నన్ను విమర్శించారు. 'నువ్వు అలాంటి స్టేట్‌మెంట్‌ ఎందుకు ఇచ్చాడు.. నీ వయసులో కెరీర్‌లో అలాంటివి మాట్లాడకుడదు. అది అహంకారం (అరోగంట్‌) అనుకుంటారు' అని చాలా మంది నా దగ్గరికి వచ్చి చెప్పారు. ఈ రోజు వరకు కూడా అదే చెబుతూనే ఉంటారు. కానీ, 200 కోట్లు కొడతా అని స్టేట్‌మెంట్‌ ఇవ్వడం తప్పుకాదు..  చెప్పి కొట్టకపోతే తప్పు. కానీ నేను ఎప్పటికైనా 200 కోట్లు కొడతా.. అప్పటి వరకు నేను ఈ స్టేట్‌మెంట్‌ ఇస్తూనే ఉంటా. మీరు నన్ను తల పోగరు, అరోగంట్‌ అనుకున్న పర్వలేదు. కానీ 'ఫ్యామిలీ స్టార్‌'తో మాత్రంరూ. 200 కోట్లు కొడతాను" అంటూ ధీమా వ్యక్తం చేశాడు. ప్రస్తుతం విజయ్‌ కామెంట్స్‌ హాట్‌టాపిక్‌గా నిలిచాయి. అయితే అతడి కామెంట్స్‌ని కొందరు సపోర్టు చేసిన విమర్శకుల మాత్రం విజయ్‌ని ఆటాడుకుంటున్నారు. 'లైగర్‌' లాంటి పాన్‌ ఇండియా సినిమా రానీ వసూళ్లు ఫ్యామిలీ స్టార్‌కు ఎలా వస్తాయని, ఇది నిజంగా విజయ్‌ ఓవర్‌ కాన్పిడెన్స్‌ అంటూ ట్రోల్‌ చేస్తున్నారు. మరి విజయ్‌ చెప్పినట్టు 'ఫ్యామిలీ స్టార్‌' రూ. 200 కోట్లు కొడుతుందా? లేదా? చూడాలి!