Balakrishna: బాలయ్య ఆ దర్శకుడిని నమ్ముతారా... కాంబినేషన్ కుదిరితే దబిడి దిబిడే!

Balakrishna New Movie: 'అఖండ 2' విజయం తర్వాత బాలకృష్ణను ఇద్దరు ముగ్గురు దర్శకులు కలిశారు. అందులో ఓ దర్శకుడితో సినిమా ఓకే అయితే తెరపై డిఫరెంట్ బాలకృష్ణను చూడొచ్చు.

బాలకృష్ణతో షాకింగ్ కాంబినేషన్... వయలెన్స్ తో థియేటర్లలో దబిడి దబిడే

Source : https://www.instagram.com/p/DSPsfsTASMF/?img_index=1

'అఖండ 2 తాండవం' విజయంతో 2025ను ముగించారు గాడ్ ఆఫ్ మాసెస్, నట సింహం నందమూరి బాలకృష్ణ. కొత్త ఏడాది 2026లో రెండు సినిమాలతో ప్రేక్షకుల ముందుకు రావాలని సన్నాహాలు చేస్తున్నారు. 'వీర సింహా రెడ్డి' వంటి విజయవంతమైన సినిమా తీసిన దర్శకుడు గోపీచంద్ మలినేనికి మరోసారి అవకాశం ఇచ్చిన సంగతి తెలిసిందే. ప్రస్తుతానికి ఆ సినిమా సెట్స్ మీదకు వెళ్లడానికి సమయం పట్టేలా ఉంది. ఈ లోపు మరో సినిమాను స్టార్ట్ చేయడానికి కొత్త కథలు వింటున్నారట. ఇటీవల ఇద్దరు ముగ్గురు దర్శకులు బాలకృష్ణను కలిశారు అందులో ఓ దర్శకుడితో సినిమా ఓకే అయితే వెండితెరపై డిఫరెంట్ బాలకృష్ణను చూడవచ్చని చెప్పవచ్చు. కానీ ఆ కాంబినేషన్ కుదురుతుందా అనేది చూడాలి. 

'దండుపాళ్యం' దర్శకుడితో బాలకృష్ణ సినిమా!?
కన్నడతో పాటు తెలుగు ప్రేక్షకులను ఆశ్చర్యానికి గురి చేసిన సినిమా 'దండుపాళ్యం' (Dandupalyam). అందులో వయలెన్స్ ఒళ్ళు గగుర్పాటుకు గురి చేసే విధంగా ఉంటుంది. ముఖ్యంగా గొంతు కోసే సన్నివేశాలను అంత త్వరగా మరిచిపోలేం. ఆ చిత్రానికి శ్రీనివాస రాజు దర్శకుడు (Director Srinivas Raju).‌ ఈ మధ్య బాలకృష్ణను కలిసిన ఆయన ఒక కథ చెప్పారట.

శ్రీనివాస రాజు చెప్పిన కథ విన్న బాలకృష్ణ ఏం చెప్పారు? ఆయన ఎటువంటి నిర్ణయం తీసుకున్నారు? అనేది ఇంకా బయటకు రాలేదు. ఒక వేళ గనుక ఈ కాంబినేషన్ సెట్ అయితే... అటు ఇండస్ట్రీ ప్రముఖులు, ఇటు ప్రేక్షకులకు షాకింగ్ అని చెప్పాలి. బాలకృష్ణ అవకాశం ఇస్తే శ్రీనివాస రాజు ఎటువంటి వయలెన్స్ తెరపై చూపిస్తారో!? బాలకృష్ణ మాస్ ఇమేజ్, శ్రీనివాస రాజు వయలెన్స్ తోడు అయితే వెండితెరపై దబిడి దబిడే.

బాలకృష్ణను చిత్ర సినిమాలో అందరూ దర్శకుల నటుడు అని బలంగా చెబుతారు. ఒక్కసారి దర్శకుడు పైన నమ్మకం ఉంచితే అతడు చెప్పింది చేసుకుంటూ వెళ్లడం బాలకృష్ణ స్టైల్. అందుకే ఆయన సినిమాలలో కొత్త తరహా యాక్షన్స్ సన్నివేశాలను ప్రేక్షకులు చూడగలుగుతున్నారు. మరి శ్రీనివాస రాజు దర్శకత్వంలో బాలకృష్ణ నటిస్తారా? లేదా? అనేది త్వరలో తెలుస్తుంది. ఈ కాంబినేషన్ కుదిరితే క్రేజ్ ఒక రేంజ్‌లో ఉంటుందని చెప్పవచ్చు.