Allu Arjun : శక్తిమాన్‌గా అల్లు అర్జున్ - మలయాళ స్టార్ డైరెక్టర్‌తో మూవీ... క్లారిటీ వచ్చేసింది

Allu Arjun Basil Joseph : ఐకాన్ స్టార్ అల్లు అర్జున్ రాబోయే ప్రాజెక్ట్స్ భారీ హైప్ క్రియేట్ చేస్తున్నాయి. మలయాళ స్టార్ డైరెక్టర్‌తో ఆయన మూవీపై ఇంట్రెస్టింగ్ అప్డేట్‌తో పాటు క్లారిటీ వచ్చేసింది.

అల్లు అర్జున్ బాసిల్ జోసెఫ్ మూవీ అప్డేట్

Source : https://www.instagram.com/p/DOQnXJTkvKV/?hl=en

Allu Arjun Basil Joseph Movie Clarity : ఇండస్ట్రీలో క్రేజీ కాంబోస్ కామన్. హిట్ డైరెక్టర్స్‌తో స్టార్ హీరోస్ మూవీస్ చేసేందుకు ఇంట్రెస్ట్ చూపిస్తుంటారు. గత కొంతకాలంగా సూపర్ కాంబో రాబోతోందంటూ అటు సోషల్ మీడియాలో ఇటు ఇండస్ట్రీలో తెగ ప్రచారం సాగింది. అదే, ఐకాన్ స్టార్ అల్లు అర్జున్, మలయాళ స్టార్ డైరెక్టర్ బాసిల్ జోసెఫ్ మూవీ. 

బాసిల్ జోసెఫ్ కేవలం డైరెక్టర్‌గానే కాకుండా నటుడిగానూ తన సత్తా చాటారు. ఆయన దర్శకత్వంలో టొవినో థామస్ నటించిన సూపర్ హీరో మూవీ 'మిన్నల్ మురళి' బాక్సాఫీస్ వద్ద సంచలన విజయం సాధించింది. ఈ మూవీతో బాలీవుడ్‌లోనూ బాసిల్ పేరు గట్టిగానే వినిపించింది. ఆ తర్వాత ఆయన 90s నాటి టీవీ షో 'శక్తిమాన్'ను తెరకెక్కించబోతున్నారని... ఇందులో అల్లు అర్జున్ హీరోగా చేయబోతున్నట్లు ప్రచారం సాగింది. ఇప్పటికే స్టోరీని బన్నీకి వినిపించినట్లుగా కూడా రూమర్స్ వచ్చాయి.

క్లారిటీ ఇదే...

టొవినో థామస్, బాసిల్ జోసెఫ్ ప్రధాన పాత్రల్లో నటించిన 'అతిరాడి' మూవీకి అరుణ్ అనిరుధన్ దర్శకత్వం వహించిన సంగతి తెలిసిందే. యాక్షన్ కామెడీ మూవీ ఈ నెల 14న రిలీజైంది. ఈ మూవీ టీం తాజాగా రాబోయే ప్రాజెక్ట్ శక్తిమాన్ గురించి ఇంట్రెస్టింగ్ అప్డేట్ ఇచ్చారు. 'పాల్సన్, నేను, బాసిల్ దర్శకత్వంలో రాబోయే నెక్స్ట్ మూవీకి స్క్రీన్ ప్లే రాస్తున్నాం. శక్తిమాన్ భారీ చిత్రంగా రావాల్సి ఉంది. దురదృష్టవశాత్తు అది సెట్స్‌పైకి వెళ్లలేదు.

ఇది జరుగుతుందో లేదో నాకు తెలీదు. చాలా టఫ్ టైం. 'మిన్నల్ మురళి' మూవీ చూసి అల్లు అర్జున్... బాసిల్‌ను ఆహ్వానించారు. వారిద్దరూ టచ్‌లో ఉన్నారు. అల్లు అర్జున్‌కు శక్తిమాన్ కథ గురించి ఎప్పుడూ చెప్పలేదు. వీరిద్దరూ పని చేస్తున్నది శక్తిమాన్ గురించి కాదు. అది వేరే విషయం. అన్నీ అప్డేట్స్ త్వరలోనే షేర్ చేసుకుంటాం.' అని అరుణ్ అనిరుధన్ చెప్పారు.

అల్లు అర్జున్ ప్రస్తుతం స్టార్ డైైరెక్టర్ అట్లీ మూవీ 'రాకా' షూటింగ్‌లో బిజీగా ఉన్నారు. ముంబయిలో శరవేగంగా షూటింగ్ సాగుతోంది. ఇప్పటికే రిలీజ్ చేసిన ఫస్ట్ లుక్ భారీ హైప్ క్రియేట్ చేస్తోంది. ఈ సినిమాలో బాలీవుడ్ హీరోయిన్ దీపికా పదుకోన్ ఒక హీరోయిన్‌గా నటిస్తుండగా... మరో ముగ్గురు హీరోయిన్లు నటించే ఛాన్స్ ఉన్నట్లు తెలుస్తోంది.

సన్ పిక్చర్స్ బ్యానర్‌పై కళానిధి మారన్ భారీ బడ్జెట్‌తో మూవీని నిర్మిస్తున్నారు. VFX ప్రాధాన్యంగా సైన్స్ ఫిక్షన్ అడ్వెంచర్‌గా మూవీ తెరకెక్కుతోంది. ఓ యోధుడి కథగా రానున్నట్లు టాక్ వినిపిస్తోంది. వచ్చే ఏడాది సినిమా ప్రేక్షకుల ముందుకు రానుంది. అలాగే, ఈ ప్రాజెక్ట్ తర్వాత కోలీవుడ్ స్టార్ డైరెక్టర్ లోకేశ్ కనగరాజ్ దర్శకత్వంలో 'AA23' మూవీ కూడా అనౌన్స్ చేశారు. భారీ యాక్షన్ ఎంటర్టైనర్‌గా ఈ మూవీ రానుంది.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

మరిన్ని చదవండి

పెద్ది హల్లల్లల్లో... ఫుల్ సాంగ్ - ఇద్దరు బ్యూటీస్‌తో చరణ్ స్టెప్పులు