Multibagger Stock: 1 లక్ష రూపాయల్ని 3.50 కోట్లుగా మార్చిన మల్టీబ్యాగర్ స్టాక్.. ప్రస్తుత పరిస్థితి ఏంటీ?

Multibagger Stock India |పెట్టుబడిదారులు నిరంతరం మల్టీ బ్యాగర్ స్టాక్స్ కోసం ప్రయత్నిస్తుంటారు. మార్కెట్ రిస్క్ మధ్య, ఎంపిక చేసిన కొన్ని స్టాక్స్ పెట్టుబడిదారులకు అద్భుతమైన లాభాలను అందించాయి.

మల్టీబ్యాగర్ స్టాక్

Source : ABPLIVE AI

City Pulse Multiventures multibagger stock | పెట్టుబడిదారులు తమకు మల్టీబ్యాగర్ రిటర్న్స్‌ను అందించే స్టాక్స్ కోసం సెర్చ్ చేస్తుంటారు. కొత్తగా స్టాక్ మార్కెట్లోకి వచ్చేవాళ్లు సైతం తక్కువ పెట్టుబడితో ఎక్కువ లాభాల కోసం ప్రయత్నాలు మొదలుపెడతారు.  మార్కెట్‌లో పెట్టుబడులు రిస్కులకు లోబడి ఉంటాయి. అయితే కొన్ని ఎంపిక చేసిన షేర్లు తమ ఇన్వెస్టర్లకు అద్భుతమైన లాభాలను ఆర్జించే అవకాశాన్ని ఇస్తాయి. అటువంటి షేర్లలో City Pulse Multiventures Ltd ఒకటి. గత కొన్నేళ్లలో ఈ కంపెనీ అనేక రెట్లు రాబడిని ఇచ్చి పెట్టుబడిదారులకు షాకిచ్చింది. దీని గురించి మరిన్ని వివరాలు ఇక్కడ తెలుసుకుందాం...

1 లక్ష పెట్టుబడి ఏకంగా 3.50 కోట్లు అయింది
గత కొన్నేళ్లలో City Pulse Multiventures Ltd కంపెనీ షేర్లు ఇన్వెస్టర్లకు అద్భుతమైన రిటర్న్స్‌ను అందించాయి. ఏప్రిల్ 2021లో దీని ధర సుమారు రూ. 8 గా ఉంది. ఒకవేళ ఆ సమయంలో ఎవరైనా 1 లక్ష రూపాయలు ఇన్వెస్ట్ పెట్టి ఉంటే, ఆ మొత్తం సుమారు 3.50 కోట్ల రూపాయలకు చేరువైంది. ఫిబ్రవరి 2026 చివరి వారంలో ఈ షేర్ 2,887 రూపాయల వద్ద ట్రేడ్ అయింది. ఈ మధ్య కాలంలో షేర్లు సుమారు 31,900 శాతం లాభాలు అందించాయి. అందుకే ఈ కంపెనీ షేర్‌ను మల్టీబ్యాగర్ అని చెప్పవచ్చు. స్టాక్ మార్కెట్లో దీర్ఘకాలం పాటు కొనసాగిన ఇన్వెస్టర్లకు మల్టీబ్యాగర్ రిటర్న్స్ లభించాయి.

షేర్ మార్కెట్లో కంపెనీ పనితీరు

బీఎస్ఈ (BSE)లో గత వారం రోజుల్లో రూ.388 పెరిగిన సిటీ పల్స్ మల్టీవెంచర్స్ స్టాక్ సోమవారం మార్చి 2న సైతం పతనమైంది. రూ.29.55 తగ్గి రూ.2853.50 వద్ద ముగిసింది. ఉదయం 2945తో ఓపెన్ అయిన స్టాక్ తరువాత ఇరాన్, ఇజ్రాయెల్ యుద్ధం కారణంగా షేర్ విలువ పడిపోయింది. బీఎస్ఈ (BSE) లో శుక్రవారం, ఫిబ్రవరి 27న కంపెనీ షేర్లు పడిపోయాయి. కంపెనీ షేర్ 0.86 శాతం లేదా 24.90 రూపాయల తగ్గుదలతో 2883.05 రూపాయల వద్ద ముగిసింది. ఆ రోజు ఇంట్రాడే గరిష్ఠం (High) 2907.95 రూపాయలుగా నమోదైంది.

కంపెనీ షేర్ల 52 వారాల గరిష్ఠ స్థాయిని గమనిస్తే, ఈ కాలంలో షేర్లు 3,289.95 రూపాయల మార్కును తాకాయి. అదేవిధంగా, 52 వారాల కనిష్ఠ స్థాయి 1080 రూపాయలు. కంపెనీ మార్కెట్ క్యాప్ రూ.3074.49 కోట్లుగా ఉంది. గత కొన్నేళ్లుగా ఇలాంటి చాలా స్టాక్స్ మల్టీ బ్యాగర్‌గా మారిన 1 లక్ష రూపాయల కోటి రూపాయలుగా చేశాయి. కానీ వాటికి సంబంధించి పూర్తి అవగాహన లేకపోతే నష్టాలు సైతం అదే స్థాయిలో వస్తాయి.

కంపెనీ ఏం చేస్తుంది?
ఈ కంపెనీ 2000 లో ప్రారంభమైంది. ఇది ప్రధానంగా ఎంటర్టైన్మెంట్ రంగానికి సంబంధించి పనిచేస్తుంది. కంపెనీ సినిమాల డిస్ట్రిబ్యూషన్, మల్టీప్లెక్స్ నిర్వహణ, థియేటర్లలో ఆహార, పానీయాల సరఫరా వంటి పనులు చేస్తుంది. ఇది కాకుండా WOWPLEX పేరుతో ఓటీటీ (OTT) ప్లాట్‌ఫామ్‌ రన్ చేస్తోంది. 

Note: (ఇక్కడ అందించిన సమాచారం కేవలం మీ అవగాహన కోసం మాత్రమే. మార్కెట్లో పెట్టుబడులు రిస్క్‌కు లోబడి ఉంటాయని గమనించాలి. ఇన్వెస్టర్‌గా డబ్బు పెట్టే ముందు ఎల్లప్పుడూ ఆర్థిక నిపుణుల సలహా తీసుకోండి. పెట్టుబడి పెట్టాలని ఏబీపీ దేశం ఎవరికీ ఎప్పుడూ సలహా ఇవ్వదు.)

మరిన్ని చదవండి

మరోసారి వెయ్యి పాయింట్లకుపైగా కోల్పోయిన సెన్సెక్స్ - ఐదున్నర లక్షల కోట్ల ఇన్వెస్టర్ల సంపద ఆవిరి

బంగారం కొనే ముందు మీరు తెలుసుకోవాల్సిన విషయాలు ఇవే!