అన్ని రాయల్ ఎన్‌ఫీల్డ్ 350 బైక్‌ల్లో ఒకే ఇంజిన్ - కానీ మీకు సరిపోయే మోడల్‌ ఏది? పూర్తి వివరాలు

రాయల్ ఎన్‌ఫీల్డ్ Classic 350, Hunter 350, Meteor 350, Bullet 350 & Goan Classic 350లో ఏ బైక్ కొనాలి? ధరలు, ఫీచర్లు, రైడింగ్ అనుభవం, నగర ప్రయాణం & లాంగ్ టూరింగ్‌కు ఏ మోడల్ బెస్ట్ అనే పూర్తి వివరాలు.

తెలుగులో ఆటోమొబైల్‌ వార్తలు

Source : https://x.com/

Royal Enfield 350 Price And Features: రాయల్ ఎన్‌ఫీల్డ్ బైక్ కొనాలని అనుకునే వారి ముందున్న పెద్ద సందేహం ఏ మోడల్ తీసుకోవాలన్నదే. Classic 350, Hunter 350, Meteor 350, Bullet 350 & Goan Classic 350... ఇవన్నీ ఒకే 349cc ఇంజిన్‌పై ఆధారపడినప్పటికీ, ప్రతి బైక్ వేర్వేరు రైడర్ల కోసం రూపొందించబడింది. కాబట్టి మీ అవసరానికి తగ్గ మోడల్‌ను ఎంచుకోవడం చాలా ముఖ్యం.

రాయల్ ఎన్‌ఫీల్డ్ 350 సిరీస్ కంపెనీకి అత్యంత కీలకమైన బైకుల్లో ఒకటి. ఏప్రిల్ 2025 నుంచి ఫిబ్రవరి 2026 వరకు కంపెనీ 10.07 లక్షల బైక్‌లను విక్రయించగా, అందులో 9.31 లక్షల యూనిట్లు అంటే దాదాపు 92 శాతం అమ్మకాలు 350cc సిరీస్‌ నుంచే వచ్చాయి.

Classic 350, Hunter 350, Meteor 350, Bullet 350 & Goan Classic 350 - ఈ ఐదు బైక్‌ల్లో ఒకే 349cc సింగిల్ సిలిండర్ ఎయిర్/ఆయిల్ కూల్డ్ ఇంజిన్ ఉంటుంది. ఇది 6,100rpm వద్ద 20.2hp పవర్ & 4,000rpm వద్ద 27Nm టార్క్‌ను ఉత్పత్తి చేస్తుంది. అన్ని బైక్‌లకు 5-స్పీడ్ గేర్‌బాక్స్ ఉంటుంది. ప్రస్తుతం Bullet 350 మినహా మిగతా అన్ని మోడళ్లలో Slip & Assist క్లచ్‌ను కంపెనీ అందిస్తోంది.

హంటర్ 350 – నగర ప్రయాణాలకు బెస్ట్

హంటర్ 350, రాయల్ ఎన్‌ఫీల్డ్ శ్రేణిలో అత్యంత తక్కువ ధరలో లభించే & అత్యంత తేలికైన మోడల్. దీని బరువు కేవలం 181 కిలోలు మాత్రమే. ట్రాఫిక్‌లో సులభంగా నడపడానికి అనువుగా ఉంటుంది. 2025 అప్‌డేట్‌తో కొత్త సీటు, మెరుగైన రియర్ సస్పెన్షన్, Slip & Assist క్లచ్‌ను కూడా అందించారు.

హంటర్ 350 ప్రారంభ ఎక్స్ షోరూమ్ ధర రూ.1.38 లక్షలు. కొత్త Base Premium వేరియంట్ రూ.1.51 లక్షలకు లభిస్తుంది. నగరంలో రోజువారీ ప్రయాణాల కోసం రాయల్ ఎన్‌ఫీల్డ్ కొనాలనుకుంటే హంటర్ 350 అత్యుత్తమ ఎంపిక.

మీటియర్ 350 – హైవే టూరింగ్‌కు బెస్ట్

మీటియర్ 350 క్రూయిజర్ స్టైల్ బైక్. ముందుకు ఉన్న ఫుట్‌పెగ్స్, 765mm సీటు ఎత్తు & రిలాక్స్‌డ్ రైడింగ్ పొజిషన్ దీని ప్రత్యేకత. ఇప్పుడు అన్ని వేరియంట్లలో Tripper నావిగేషన్, LED హెడ్‌లైట్, LED ఇండికేటర్లు, Slip & Assist క్లచ్‌ను స్టాండర్డ్‌గా అందిస్తున్నారు.

ఇది కూడా చదవండి: రాయల్ ఎన్‌ఫీల్డ్ క్లాసిక్ 350కి కొత్త అప్‌డేట్‌ - కొనే ముందు మీరు తెలుసుకోవాల్సిన 6 విషయాలు ఇవే!

దీని బరువు 191 కిలోలు అయినప్పటికీ, రైడింగ్ సమయంలో అంత భారంగా అనిపించదు. తరచూ లాంగ్ రైడ్స్ చేసే వారికి ఇది మంచి ఎంపిక. ధరలు సుమారు రూ.2 లక్షల నుంచి రూ.2.21 లక్షల వరకు ఉన్నాయి.

బుల్లెట్ 350 – సంప్రదాయ స్టైల్ కోరుకునేవారికి

రాయల్ ఎన్‌ఫీల్డ్ బ్రాండ్‌కు అసలైన గుర్తింపుగా నిలిచిన మోడల్ Bullet 350. క్లాసిక్ లుక్, సింగిల్ సీట్ & ఐకానిక్ డిజైన్‌ను ఇష్టపడేవారికి ఇది ఇప్పటికీ ఫేవరెట్. అయితే ప్రస్తుతం Slip & Assist క్లచ్ లేని ఏకైక 350cc మోడల్ ఇదే.

రైడింగ్ పరంగా ఇది Classic 350కు చాలా దగ్గరగా ఉంటుంది. కొంచెం ఎత్తైన హ్యాండిల్‌బార్ & మెరుగైన కుషన్ ఉన్న సీటు దీని ప్రత్యేకత. ప్రారంభ ధర రూ.1.62 లక్షలు కాగా, టాప్ వేరియంట్ ధర రూ.2.10 లక్షలు.

క్లాసిక్ 350 – అందరికీ సరిపోయే ఆల్‌రౌండర్

రాయల్ ఎన్‌ఫీల్డ్‌లో అత్యధికంగా అమ్ముడవుతున్న మోడల్ Classic 350. సౌకర్యవంతమైన రైడింగ్ పొజిషన్, బ్యాలెన్స్‌డ్‌ పెర్ఫార్మెన్స్‌ & క్లాసిక్ డిజైన్‌తో ఇది అన్ని వయసుల రైడర్లను ఆకట్టుకుంటోంది.

డ్యూయల్ ఛానల్ ABS వేరియంట్లలో Slip & Assist క్లచ్‌తో పాటు USB Type-C ఛార్జింగ్ పోర్ట్‌ను కూడా అందిస్తున్నారు. 19 అంగుళాల ముందు చక్రం ఉండటంతో హంటర్‌తో పోలిస్తే కొంచెం తక్కువ చురుకుదనం కనిపించినప్పటికీ, స్థిరత్వం మాత్రం మెరుగ్గా ఉంటుంది. ధరలు రూ.1.81 లక్షల నుంచి రూ.2.24 లక్షల వరకు ఉన్నాయి.

ఇది కూడా చదవండి: మీ గేమ్‌ను పరుగులు పెట్టించే ఆస్టన్ మార్టిన్ డ్రెడ్‌నాట్ - అక్టోబర్ 23 నుంచి కాల్ ఆఫ్ డ్యూటీలోకి!

గోవన్ క్లాసిక్ 350 – స్టైల్‌కే ప్రాధాన్యం ఇచ్చేవారికి

షోరూమ్ నుంచే కస్టమ్ బైక్ కొనాలనుకునేవారికి Goan Classic 350 సరైన ఎంపిక. Bobber స్టైల్ డిజైన్, Ape-hanger హ్యాండిల్‌బార్, 750mm తక్కువ సీటు ఎత్తు & ముందుకు ఉన్న ఫుట్‌పెగ్స్ దీని ప్రత్యేకత.

16 అంగుళాల వెనుక చక్రం, వైట్ వాల్ టైర్లు, ట్యూబ్‌లెస్ వైర్ స్పోక్ వీల్స్ & 650cc మోడళ్ల నుంచి తీసుకున్న ప్రీమియం మెటల్ స్విచ్ క్యూబ్స్ ఈ బైక్‌ను మరింత ప్రత్యేకంగా నిలబెడతాయి. ఇది 350cc శ్రేణిలో అత్యంత ఖరీదైన మోడల్. ధరలు రూ.2.18 లక్షల నుంచి రూ.2.28 లక్షల వరకు ఉన్నాయి.

ఏ బైక్ ఎవరికి?

నగరంలో రోజూ ప్రయాణించే వారికి Hunter 350 ఉత్తమ ఎంపిక. లాంగ్ టూర్స్ ఇష్టపడేవారికి Meteor 350 బాగా సరిపోతుంది. సంప్రదాయ రాయల్ ఎన్‌ఫీల్డ్ అనుభూతి కోరుకునేవారికి Bullet 350 నచ్చుతుంది. అన్ని అవసరాలకు సరిపోయే ఆల్‌రౌండర్ కావాలంటే Classic 350ను ఎంచుకోవచ్చు. ప్రత్యేకమైన డిజైన్ & కస్టమ్ స్టైల్ కోరుకునే వారికి Goan Classic 350 బెస్ట్ ఆప్షన్. దీంతో మీ అవసరం, బడ్జెట్ & రైడింగ్ శైలిని బట్టి సరైన రాయల్ ఎన్‌ఫీల్డ్ 350ను ఎంపిక చేసుకోవచ్చు.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

8 లక్షల మంది కొన్న ఫ్యామిలీ SUV, యూత్‌కీ ఇష్టమే - రేటు కూడా రూ.5.70 లక్షలే!

టాటా నెక్సాన్‌ను హైదరాబాద్‌లో 2 లక్షల డౌన్‌పేమెంట్‌తో కొనుగోలు చేస్తే EMI ఎంత చెల్లించాలి?