Tata Tiago vs Maruti Swift: రూ.7 లక్షల బడ్జెట్లో ఏ కారు బెటర్ మైలేజ్ ఇస్తుంది, ఏ కారు మీ స్టైల్కు సూటవుతుంది?
Best hatchback under 7 lakh: టాటా టియాగో, మారుతి స్విఫ్ట్లో మీరు ఏ కారు కొనాలన్న అయోమయంలో ఉంటే, ఈ కథనంలోని వివరాలు మీకు ఉపయోగపడతాయి.
Maruti Swift Mileage vs Tata Tiago Safety Comparison: టాటా టియాగో & మారుతి స్విఫ్ట్ రెండు కార్లను వాటి స్టైలిష్ డిజైన్, ఫీచర్లు & పనితీరు కారణంగా ప్రజలు ఇష్టపడతారు. టాటా టియాగో స్పోర్టీ గ్రిల్, షార్ప్ హెడ్ల్యాంప్స్, డ్యూయల్ టోన్ బంపర్లతో ఆకర్షణీయంగా కనిపిస్తుంది. దీని కాంపాక్ట్ డిజైన్ నగర రైడింగ్కు చక్కగా సరిపోతుంది. మారుతి స్విఫ్ట్ కర్వీ బాడీ లైన్స్, అగ్రెసివ్ హెడ్ల్యాంప్స్, & సిగ్నేచర్ LED ఎలిమెంట్స్ ప్రత్యేక ఆకర్షణగా నిలుస్తాయి. దీని యూత్ఫుల్ డిజైన్ యువతను బాగా ఆకట్టుకుంటుంది. టాటా టియాగో కొన్ని నెలల క్రితమే కొత్త అప్డేట్ను అందుకుంది, మారుతి స్విఫ్ట్ గత సంవత్సరంలో అప్డేట్ అయింది.
డిజైన్ & లక్షణాలు
Maruti Swift కొత్త మోడల్ గతంలో కంటే బోల్డ్ & స్పోర్టియర్ లుక్ తో వచ్చింది. ఇందులో క్రోమ్ గ్రిల్, LED DRLs (Daytime Running Lights), LED ప్రొజెక్టర్ హెడ్ ల్యాంప్స్ & డైమండ్-కట్ అల్లాయ్ వీల్స్ ఉన్నాయి. దీని ఏరోడైనమిక్ డిజైన్ కారణంగా ఇది మరింత స్టైలిష్ గా కనిపిస్తుంది.
Tata Tiago డిజైన్ కొంచెం ప్రీమియం & కాంపాక్ట్గా కనిపిస్తుంది. ఇందులో సిగ్నేచర్ ట్రై-యారో గ్రిల్, LED DRLs, డ్యూయల్-టోన్ అల్లాయ్ వీల్స్ & షార్ప్ కట్స్ ఉన్నాయి. దీని డిజైన్ యువ & సాహసోపేత డ్రైవర్లకు నచ్చవచ్చు.
ఏ కారు ధర తక్కువ?
ఆంధ్రప్రదేశ్ & తెలంగాణలో, మారుతి స్విఫ్ట్ బేస్ వేరియంట్ ధర రూ.6.49 లక్షల (ఎక్స్-షోరూమ్) నుంచి ప్రారంభమైతే, టాప్ మోడల్ ధర రూ.9.65 లక్షల వరకు ఉంది. బేస్ వేరియంట్ను దాదాపు రూ. 7.74 లక్షల ఆన్-రోడ్ ధరకు కొనవచ్చు. CNG వేరియంట్ రూ. 8.19 లక్షల (ఎక్స్-షోరూమ్) ధరకు లభిస్తుంది. దీనిని దాదాపు రూ. 9.74 లక్షల ఆన్-రోడ్ ధరకు కొనవచ్చు.
తెలుగు రాష్ట్రాల్లో, టాటా టియాగో బేస్ వేరియంట్ ఎక్స్-షోరూమ్ ధర రూ. 5 లక్షలు & టాప్ మోడల్ ధర రూ. 7.45 లక్షలు. బేస్ వేరియంట్ను దాదాపు రూ. 6.03 లక్షల ఆన్-రోడ్ ధరకు కొనవచ్చు. దీని CNG వేరియంట్ ఎక్స్-షోరూమ్ ధర రూ. 5.99 లక్షలకు కొనుగోలు చేయవచ్చు & ఇది రూ. 7.26 లక్షల ఆన్-రోడ్ ధరకు లభిస్తుంది.
మైలేజ్
స్విఫ్ట్ మైలేజ్ 24.8 నుంచి 25.75 kmpl. ARAI సర్టిఫికెట్ ప్రకారం, దీని ఆటోమేటిక్ పెట్రోల్ వేరియంట్ 25.75 kmpl మైలేజ్ & మాన్యువల్ పెట్రోల్ వేరియంట్ 24.8 kmpl మైలేజ్ ఇస్తుంది. CNG (కంప్రెస్డ్ నేచురల్ గ్యాస్) ఇంజిన్ కలిగిన మారుతి స్విఫ్ట్ 32.85 km/kg మైలేజీని అందించగలదు.
టాటా టియాగో, ఇంధన రకం & ట్రాన్స్మిషన్ను బట్టి 19 kmpl నుంచి 26.49 kmpl మైలేజీ ఇస్తుంది. దీని పెట్రోల్ వేరియంట్లు సాధారణంగా 19 kmpl అందిస్తాయి, CNG వేరియంట్లు 26.49 km/kg సాధించగలవు,
ఏ కారును కొనాలి?
మీరు బెటర్ మైలేజ్ & అధునాతన ఫీచర్లను కోరుకుంటే మారుతి స్విఫ్ట్ మీ అవసరాలకు మెరుగ్గా ఉంటుంది. బడ్జెట్ అనుకూలత & ముఖ్యంగా భద్రతకు ఎక్కువ ప్రాధాన్యత ఇస్తే, టాటా టియాగో మంచి ఎంపిక అవుతుంది.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
