Maruti Suzuki Dzire Hyderabad Price: మారుతి సుజుకి డిజైర్ హైదరాబాద్‌లో ఆన్-రోడ్ ప్రైస్! ఈఎమ్‌ఐ, డౌన్‌పేమెంట్ లెక్కలు ఇవే!

హైదరాబాద్‌లో మారుతి సుజుకి డిజైర్ ఆన్-రోడ్ ధరలు రూ. 7.56 లక్షల నుంచి ప్రారంభమై రూ. 11.24 లక్షల వరకు ఉన్నాయి. మీ బడ్జెట్‌కు సరిపోయే వేరియంట్ డౌన్‌పేమెంట్, లోన్ వివరాలు ఇక్కడ చూద్దాం.  

మారుతి సుజుకి డిజైర్ హైదరాబాద్ ఆన్-రోడ్ ప్రైస్! ఈఎమ్‌ఐ, డౌన్‌పేమెంట్ లెక్కలు ఇవే!

Source : Social Media

Show Quick Read

Key points generated by AI, verified by newsroom

• మారుతి డిజైర్ అద్భుత మైలేజీ, భద్రత, సన్‌రూఫ్‌తో ప్రాచుర్యం పొందింది.
• హైదరాబాద్‌లో డిజైర్ ఆన్-రోడ్ ధరలు రూ.7.56 లక్షల నుంచి ప్రారంభం.
• వివిధ డౌన్‌పేమెంట్‌లపై LXI, VXI మోడళ్లకు EMI వివరాలు అందించబడ్డాయి.

Maruti Suzuki Dzire Hyderabad Price: భారతీయ మిడ్-సైజ్ సెడాన్ మార్కెట్లో తిరుగులేని మోడల్‌గా దూసుకుపోతోంది మారుతి సుజుకి డిజైర్. అద్భుతమైన మైలేజీ, తక్కువ మెయింటెనెన్స్, 5స్టార్ గ్లోబల్ NCAP సేఫ్టీ రేటింగ్, సెగ్మెంట్-ఫస్ట్ సన్‌రూఫ్ ఫీచర్లతో మధ్యతరగతి కుటుంబాలకు ఫేవరెట్ ఛాయిస్‌గా మారింది. హైదరాబాద్ నగరంలో కొత్త మారుతి సుజుకి డిజైర్ కొనుగోలు చేయాలనే ప్లాన్ ఉంటే ఆన్-రోడ్ ధర ఎంత? డౌన్‌పేమెంట్ ఎంత చెల్లించాలి? బ్యాంకు ఇచ్చే మొత్తంపై ఈఎమ్‌ఐ ఎంత అవుతుందో చూద్దాం.  

హైదరాబాద్‌లో మారుతి సుజుకి డిజైర్ వేరియంట్ల వారీగా ఆన్-రోడ్ ధరలు  

హైదరాబాద్‌లో మారుతి డిజైర్ ఎక్స్-షోరూమ్ ధర రూ. 6,25,600 నుంచి ప్రారంభమై, టాప్ వేరియంట్ రూ. 9,36,300 వరకు ఉంది. తెలంగాణ ఆర్టీవో ,లైఫ్ టాక్స్ , ఇన్సూరెన్స్, ఇతర చార్జీలను కలిపిన తర్వాత ఆన్-రోడ్ ధరలు నిర్ణయిస్తారు. 

వేరియంట్	ఇంధనం టైపు	ఎక్స్-షోరూమ్ ధర	హైదరాబాద్ ఆన్-రోడ్ ధర
Dzire LXI	పెట్రోల్ (Manual)	రూ.6,25,600	రూ.7,56,200
Dzire VXI	పెట్రోల్ (Manual)	రూ.7,22,100	రూ.8,69,300
Dzire VXI AMT	పెట్రోల్ (Automatic)	రూ.7,67,100	రూ.9,22,250
Dzire VXI CNG	సిఎన్‌జి (Manual)	రూ.8,10,600	రూ.9,76,440
Dzire ZXI	పెట్రోల్ (Manual)	రూ.8,22,700	రూ.9,91,000
Dzire ZXI AMT	పెట్రోల్ (Automatic)	రూ.8,67,700	రూ.10,44,000
Dzire ZXI Plus	పెట్రోల్ (Manual)	రూ.8,91,300	రూ.10,71,000
Dzire ZXI CNG	సిఎన్‌జి (Manual)	రూ.9,11,200	రూ.10,95,000
Dzire ZXI Plus AMT	పెట్రోల్ (Automatic)	రూ.9,36,300	రూ.11,24,000

బేస్ మోడల్ మారుతి డిజైర్ LXI లోన్ వివరాలు 

చాలా తక్కువ బడ్జెట్‌లో సొంత కారు కల నెరవేర్చుకోవాలనుకునే వారికి LXI వేరియంట్ బెస్ట్ ఆప్షన్ అవుతుంది. దీని ఆన్-రోడ్ ధర సుమారు రూ. 7,56,200గా ఉంది. దీన్ని సులభంగా చెల్లించేందుకు 3 విభిన్న డౌన్‌పేమెంట్ ఆప్షన్ల ప్రకారం ఈఎమ్‌ఐ లెక్కలు ఉన్నాయి. దీనికి వడ్డీ సుమారుగా 9.8%గా ఉంది.  

లక్ష రూపాయల డౌన్‌పేమెంట్‌ చేస్తే ఈఎంఐ

మారుతి డిజైర్ బేసిక్ మోడల్ LXI కొనుగోలు చేయాలనే ఆలోచన చేస్తే లక్ష రూపాయలు డౌన్‌పేమెంట్ మీ చేతిలో ఉంటే ఈ ఆప్షన్ ఎంచుకోవచ్చు. మిగతా మొత్తం రూ. 6,56,200లను లోన్ రూపంలో తీసుకోవచ్చు. దీనికి 9.8శాతం వడ్డీ రేటుత ఐదేళ్ల కాలపరిమితికి లోన్ తీసుకుంటే నెలకు రూ. 13,890  ఈఎంఐ చెల్లించాలి. అదే మొత్తాన్ని 7 సంవత్సరాల కాలపరిమితిి తీసుకుంటే రూ. 10,810 నెల నెల కట్టాలి.  

రెండు లక్షల డౌన్‌పేమెంట్ చేస్తే ఈఎంఐ

ఇదే కారును రెండు లక్షలు డౌన్‌పేమెంట్ చేస్తే మీరు రూ. 5,56,200లను లోన్‌గా తీసుకోవచ్చు. దీనికి నెలకు రూ. 11,770 చెల్లిస్తే ఐదేళ్లలో మీ లోన్ క్లియర్ చేసుకోవచ్చు. అదే 7 సంవత్సరాల కాలపరిమితికి పెట్టుకుంటే నెలకు రూ. 9,160 EMI చెల్లించాలి. 

మోస్ట్ పాపులర్ మోడల్ మారుతి డిజైర్ VXI ఈఎమ్‌ఐ లెక్కలేంటి? 

డిజైర్ మోడల్స్ అన్నింటిలోనూ అత్యధికంగా అమ్ముడయ్యే వేరియంట్ VXI. ఇందులో టచ్ స్క్రీన్ ఇన్ఫోటైన్‌మెంట్, రియర్ ఏసీ వెంట్స్, స్టీరింగ్ మౌంటెడ్ కంట్రోల్స్ వంటి లేటెస్ట్‌ ఫీచర్లు ఉన్నాయి. ఈ మోడల్ హైదరాబాద్ ఆన్-రోడ్ ధర సుమారు రూ.8,69,300. దీన్ని 1,20,000 డౌన్‌పేమెంట్ చేసి కొనుగోలు చేస్తే రూ. 7,49,300 మొత్తాన్ని నెలకు 15,860 రూపాయలు చెల్లిస్తే ఐదేళ్లలో క్లియర్ చేయవచ్చు. అదే ఏడేళ్లలో చెల్లించాలి అంటే రూ. 12,340 రూపాయలు బ్యాంకుకు కట్టాలి. 

రూ. 2,50,000 డౌన్‌పేమెంట్ చేస్తే రూ. 6,19,300ను బ్యాంకు లోన్‌గా తీసుకోవచ్చు. దీని కోసం 5 సంవత్సరాలలో నెలకు రూ. 13,110 కట్టాలి. 7 సంవత్సరాల కాలపరిమితితో తీసుకుంటే రూ. 10,200  తిరిగి చెల్లించాలి.  

సరికొత్త డిజైన్, అప్గ్రేడెడ్ ఫీచర్లు, తిరుగులేని భద్రతా ప్రమాణాలతో వచ్చిన సరికొత్త మారుతి డిజైర్ మీ కుటుంబానికి ఒక సురక్షితమైన, నమ్మకమైన ప్రయాణాన్ని అందిస్తుంది. మీ బడ్జెట్ పరిమితులను బట్టి సరైన డౌన్‌పేమెంట్, రీపేమెంట్ ప్లాన్ ఎంచుకోవచ్చు.  

మరిన్ని చదవండి

మారుతి బలెనో ఒక బెస్ట్‌ కార్‌! అయితే, పెర్‌ఫెక్ట్‌ మాత్రం కాదు, ఈ లోపాలు కూడా ఉన్నాయి!

హైదరాబాద్‌లో మారుతి ఎస్‌ప్రెస్సో ఆన్‌రోడ్ ధరలు! వేరియంట్స్, మైలేజీ పూర్తి వివరాలు ఇవే!