50,000 జీతంతో Land Rover Defender కారు మెయింటైన్ చేయవచ్చా? దాని మైలేజ్ ఎంత

Land Rover Defender Mileage: ల్యాండర్ రోవర్ డిఫెండర్ కారు అద్భుతమైన డిజైన్, ఆఫ్-రోడింగ్ సామర్థ్యం, ప్రీమియం ఫీచర్ల వల్ల బాగా ఫేమస్ అయింది. ఈ లగ్జరీ కారు ఎంత మైలేజీని ఇస్తుందో మీకు తెలుసా?

ల్యాండ్ రోవర్ డిఫెండర్

Source : Land Rover

గతంలో బైక్ కొనాలన్నా కొంచెం ఆలోచించే రోజులు ఉండేవి. తరువాత ఖరీదై బైక్స్ కూడా రోజువారీ పనులకు వాడేస్తున్నారు. ఇప్పుడు లగ్జరీ కారు కొనడం తమ కలగా భావిస్తుంటారు. తమ స్టైల్, పవర్,  స్టేటస్ సింబల్‌ను చాటిచెప్పేలా కారు తమ వద్ద ఉండాలని చాలా మంది సెలబ్రిటీలే కాదు కొనగలిగే స్థోమత ఉన్న వారంతా కోరుకుంటారు. అటువంటి ఫేమస్ లగ్జరీ కార్లలో ల్యాండ్ రోవర్ డిఫెండర్ (Land Rover Defender) ఒకటి. అద్భుతమైన డిజైన్, ఆఫ్ రోడింగ్ కెపాసిటీ, ప్రీమియం ఫీచర్ల కారణంగా ల్యాండ్ రోవర్ డిఫెండర్ ప్రపంచవ్యాప్తంగా ఫేమస్ అయింది. అయితే నెలకు 50 వేల రూపాయలు జీతం ఉన్న వారు, లేక అంతే మొత్తం సంపాదించే వారు ఈ కారు మెయింటైన్ చేయవచ్చా..? ప్రతిరోజూ ఆఫీసుకు వెళ్లడానికి వారికి ఎంత ఖర్చవుతుంది? ఈ కారు ఎంత మైలేజీ ఇస్తుంది లాంటి పూర్తి వివరాలను ఇక్కడ  తెలుసుకుందాం.

ల్యాండ్ రోవర్ డిఫెండర్ ధర ఎంత?

భారత్‌లో ల్యాండ్ రోవర్ డిఫెండర్ ధర సుమారు 1 కోటి రూపాయల నుండి ప్రారంభమై రూ. 3.02 కోట్ల వరకు ఉంటుంది. ఈ SUV పెట్రోల్, డీజిల్ ఇంజన్ ఆప్షన్లలో లభిస్తుంది. కంపెనీ సమాచారం ప్రకారం, దీని యావరేజ్ మైలేజీ లీటరుకు సుమారు 9 నుంచి 14 కిలోమీటర్ల వరకు ఉంటుంది. డ్రైవింగ్ కండీషన్‌తో పాటు కారు ఇంజన్ రకాన్ని బట్టి మైలేజీ మారుతూ ఉంటుంది.

క్విక్ రీడ్ (Quick Read)

ఇప్పుడు  ఇంధన ఖర్చును అంచనా వేస్తే.. పెట్రోల్ ధర లీటరుకు సుమారు రూ. 100, కారు యావరేజ్ మైలేజీ లీటరుకు సుమారు 10 కిలోమీటర్లు ఇస్తుంది అనుకుందాం. అంటే ఒక కిలోమీటర్ ప్రయాణించడానికి సుమారు 10 రూపాయల పెట్రోల్ ఖర్చవుతుంది. ఒక వ్యక్తి ఆఫీసు తన ఇంటి నుండి 20 కిలోమీటర్ల దూరంలో ఉన్నట్లయితే, రోజువారీ రాకపోకల మొత్తం ప్రయాణం 40 కిలోమీటర్ల మేర అవుతుంది. ఒక కిలోమీటరుకు రూ. 10 ఖర్చయితే, ప్రతిరోజూ ఆఫీసుకి వెళ్లి రావడానికి సుమారు రూ. 400 పెట్రోల్ ఖర్చవుతుంది. కానీ ట్రాఫిక్ వల్ల మైలేజీ తగ్గితే కనుక మరో 50 నుంచి వంద రూపాయలు సైతం ఖర్చు చేయక తప్పదు.

నెలలో ఎంత ఖర్చవుతుంది?

ఒకవేళ మీరు నెలలో 22 రోజులు ఆఫీసుకు వెళ్లాల్సి వస్తే, కేవలం పెట్రోల్ కోసమే రూ. 8,800 నుంచి రూ.9500 వరకు ఖర్చవుతుంది. అంటే రూ. 50,000 జీతంలో సుమారు 17 నుండి 20 శాతం డబ్బు కేవలం ఆఫీసు రాకపోకల కోసం పెట్రోల్ ఖర్చులకే సరిపోతుంది. ఇందులో కారు EMI, సర్వీసింగ్, ఇన్సూరెన్స్, ఇతర ఖర్చులు చేర్చలేదు. అలాంటప్పుడు 50 వేల రూపాయల జీతం ఉన్నవారు, నెలకు అంత మొత్తం సంపాదించే వారు డిఫెండర్ వంటి లగ్జరీ SUVలో ప్రతిరోజూ ఆఫీసుకు వెళ్లడం చాలా ఖర్చుతో కూడుకున్న పని. అయితే, ఒకవేళ ఎవరికైనా ఇప్పటికే డిఫెండర్ ఉండి, ఆఫీసు దూరం తక్కువగా ఉంటే ఈ లగ్జరీ కారులో వెళ్లడం వారికి అంత సమస్య కాదు. పైగా వారు తమ స్టేటస్, పవర్ సింబల్‌గా కంటిన్యూ చేయవచ్చు..

మరిన్ని చదవండి

బడ్జెట్ ధరలో అదిరిపోయే ఫీచర్లు: టీవీఎస్ ఆర్బిటర్ V1 ఎలక్ట్రిక్ స్కూటర్ విశేషాలు

బైక్ కొనేవారు కూడా కారు ఈజీగా కొనవచ్చు! టాప్ 5 చౌకైన ఫ్యామిలీ కార్లు ఇవే