TVS Orbiter V1 Electric Scooter: బడ్జెట్ ధరలో అదిరిపోయే ఫీచర్లు: టీవీఎస్ ఆర్బిటర్ V1 ఎలక్ట్రిక్ స్కూటర్ విశేషాలు

TVS Orbiter V1 Electric Scooter: తక్కువ ధరలో ఎక్కువ ఫీచర్లను కోరుకునే వారి కోసం టీవీఎస్ కొత్త వేరియంట్‌ను తీసుకొచ్చింది. కేవలం ₹49,999 ప్రారంభ ధరతో లభించే ఈ స్కూటర్, రేంజ్ టెక్నాలజీ ఏంటోో చూద్దాం.

బడ్జెట్ ధరలో అదిరిపోయే ఫీచర్లు: టీవీఎస్ ఆర్బిటర్ V1 ఎలక్ట్రిక్ స్కూటర్ విశేషాలు

Source : X.com

Show Quick Read

Key points generated by AI, verified by newsroom

• TVS Orbiter V1 ఎలక్ట్రిక్ స్కూటర్ మార్కెట్లోకి విడుదలైంది.
• బ్యాటరీ యాజ్ ఏ సర్వీస్ (BaaS) తో ధర రూ.49,999 కి లభిస్తుంది.
• 86 కి.మీ రేంజ్, 2.20 గంటల్లో 80% ఛార్జింగ్ సౌకర్యం ఉంది.
• బ్లూటూత్, నావిగేషన్, రైడింగ్ మోడ్స్, 34లీ. స్టోరేజ్ ఉన్నాయి.

TVS Orbiter V1 Electric Scooter: అద్భుతమైన ఫీచర్లతో తాజాగా టీవీఎస్ సంస్థ ఒక ఎల‌క్ట్రిక్ స్కూట‌ర్ని మార్కెట్లోకి తీసుకువ‌చ్చింది. ఎలక్ట్రిక్ వాహనాల రంగంలో తనదైన ముద్ర వేస్తున్న టీవీఎస్  తాజాగా 'ఆర్బిటర్ V1' పేరుతో సరికొత్త ఎంట్రీ లెవల్ వేరియంట్‌ను మార్కెట్లోకి ప్రవేశపెట్టింది. సాధారణంగా తక్కువ ధర ఉండే స్కూటర్లలో ఫీచర్లు తక్కువగా ఉంటాయని అందరూ భావిస్తారు. కానీ, టీవీఎస్ ఈ అపోహను చెరిపివేస్తూ, సరసమైన ధరకే అత్యాధునిక సాంకేతికతను ఈ స్కూటర్ ద్వారా అందిస్తోంది. ఇందులో అదిరి పోయే ఫీచ‌ర్లు ఉన్నాయ‌ని నిపుణులు పేర్కొంటున్నారు.

ధర ,బ్యాటరీ యాజ్ ఏ సర్వీస్ (BaaS)

సాధార‌ణంగా ఈవీ కొనుగోలు దారుల‌కు బ్యాట‌రీ ఖ‌ర్చే అధికంగా ఉంటుంది. దీంతో వాహనం ధ‌ర భారీగా పెరుగుతుంది.  ఇక‌, ఈ స్కూటర్ సాధారణ ఎక్స్-షోరూమ్ ధర రూ. 84,500 గా ఉంది. అయితే, టీవీఎస్ ప్రవేశపెట్టిన 'బ్యాటరీ యాజ్ ఏ సర్వీస్' (BaaS) ప్రోగ్రాం ద్వారా దీని ధర భారీగా తగ్గింది. ఈ పద్ధతిలో కేవలం రూ. 49,999 కే స్కూటర్ సొంతం చేసుకోవచ్చు. కాకపోతే, బ్యాటరీ కోసం నెలకు రూ. 862 చొప్పున 60 నెలల పాటు సబ్‌స్క్రిప్షన్ చెల్లించాల్సి ఉంటుంది. దీనివల్ల కొనుగోలు సమయంలో వినియోగదారుడిపై ఆర్థిక భారం తగ్గుతుంది. అంతేకాకుండా, 3 ఏళ్లు లేదా 30,000 కిలోమీటర్ల వరకు బ్యాటరీ వారంటీ కూడా లభిస్తుంది.

బ్యాటరీ , ఛార్జింగ్:

ఆర్బిటర్ V1 లో 1.8kWh సామర్థ్యం కలిగిన బ్యాటరీ ప్యాక్‌ను అమర్చారు. ఇది ఒక్కసారి ఛార్జ్ చేస్తే ఐడిసి (IDC) ప్రకారం 86 కిలోమీటర్ల రేంజ్‌ను ఇస్తుంది. ముఖ్యంగా దీని ఛార్జింగ్ వేగం చాలా బాగుంది. కేవలం 2 గంటల 20 నిమిషాల్లోనే సున్నా నుండి 80 శాతం వరకు ఛార్జ్ అవుతుంది. దీంతో వేగవంతంగా చార్జింగ్ స‌దుపాయం అందిన‌ట్లు అవుతుంది. 

టెక్నాలజీ ,డిస్ప్లే:

ఇందులో 5.5 అంగుళాల కలర్ ఎల్‌సీడీ (LCD) ఇన్స్ట్రుమెంట్ క్లస్టర్ ఉంది. ఇందులో వేగం, బ్యాటరీ స్థాయి, సమయం ,ఎంత దూరం వెళ్లవచ్చు (Range) వంటి వివరాలు కనిపిస్తాయి. బ్లూటూత్ కనెక్టివిటీ ద్వారా కాల్/ఎస్ఎంఎస్ అలర్ట్‌లు మరియు టర్న్-బై-టర్న్ నావిగేషన్ ఫీచర్లను కూడా పొందవచ్చని కంపెనీ పేర్కొంది.

రైడింగ్ మోడ్స్ ,భద్రత:

నగర ప్రయాణాల కోసం 'సిటీ' మోడ్, ఎక్కువ మైలేజీ కోసం 'ఎకో' మోడ్ (టాప్ స్పీడ్ 45kmph) ఇందులో ఉన్నాయి. కొండ ప్రాంతాల్లో ప్రయాణించడానికి 'హిల్ హోల్డ్ అసిస్ట్', సుదీర్ఘ ప్రయాణాల కోసం 'క్రూయిజ్ కంట్రోల్' వెనక్కి వెళ్లడానికి 'పార్కింగ్ అసిస్ట్' వంటి ప్రీమియం ఫీచర్లు ఇందులో ఉన్నాయి. భద్రత పరంగా చూస్తే.. స్కూటర్ కింద పడినా (Fall), ఎవరైనా దొంగిలించడానికి ప్రయత్నించినా, లేదా టోయింగ్ చేసినా వెంటనే స్మార్ట్‌ఫోన్ యాప్‌కు అలర్ట్‌లు అందుతాయి. దీంతో సెక్యూరిటీ ప‌రంగా డోకా లేద‌ని నిపుణులు పేర్కొంటున్నారు. 

స్టోరేజ్ సామర్థ్యం:

ఈ స్కూటర్ మరో ప్రధాన ఆకర్షణ దీని కింద ఉండే 34 లీటర్ల స్టోరేజ్ స్పేస్. ఇందులో రెండు హెల్మెట్లు లేదా నిత్యావసర వస్తువులను సులభంగా సర్దుకోవచ్చు. మొత్తానికి, తక్కువ బడ్జెట్‌లో అదిరిపోయే ఫీచర్లు కావాలనుకునే వారికి టీవీఎస్ ఆర్బిటర్ V1 ఒక అద్భుతమైన ఎంపికని చెప్ప‌వ‌చ్చు. ధ‌ర ప‌రంగాను సామాన్యుల‌కు అందుబాటులో ఉంది.